بارت 11و12
محبوبتي بائعة الحرمل
البارت الحادي عشر
للكاتبة كوثر السماوي
عذراء:يالله استرني اني غلطت بلحظة شيطانية
يسر امور وسام
اتصلت وسام گتله اريد اعرف شنو سبب تأجيلك زواجنة
گال عندي شغل وتجارتي تعرفين انتي بس اصبريلي
خفت منه اكو شي ضامة علية ليش يأجل زواجي
اجتي جمانةوگالتلي باركيلي....
جمانة:سامي اتصل علية فاتح اهلة وگال الهم وافقو يخطبوني
دخيل الله خل اروح ابشر عذراء واگول الها هذا الي جنتي تحذريني منه
وركضت وفرحانة كولش راح اصير لحبيبي
گلت لعذراء فرحتلي بس حسيت بيها شي
ضامه علية شي اشكد حاولت وياها ماكو فايدة ماحجت
رحت لغرفتي
وجان اشوي يجيني حسين يركض ويكول عذراء ماتت
رحت الها لگيتها فاقدة الوعي
جبت مي شمرت عليها صحت
گتلها اخذج للمستشفى مقبلت گالت اني اروح ومابيه شي اصلا تعبانة من الدراسة وتفكير بس اريد انام وارتاح.....
عذراء: دخيل الله بس ولا الي بالي
واطلع حامل
ثاني يوم رحت حللت وطلعت حامل وگتلت روحي گتل شون بيه ربي استرني
اكو وحدة جاية وي بتها للدكتورة
شافتني
وصاحتلي وگالت اكو وحدة تعرف نفسها حامل وهيج تسوي
لاتخافين اني استرج اعرف الدكتورة وتنزلة الج بس انتي دسميها اشوي ودفعي
كتلها لا خاله اني مزوجة ادرس وما اريد حمل هسة لمن خلص دراستي
هي ضحكت وكالت هذا رقمي عوفي عندج من تحتاجينة كوليلي
رجعت للبيت وشلون بيه اتصلت بوسام وكتله اني حامل شوفلي حل استعجل
لا انفضح واختي خطوبتها الاسبوع الي يجي
مر اسبوع وانخطبت جمانة وبعد اسبوعين تزوج بعطلة نصف السنة
هم انتظرت وسام يشوفلي حل ودراستي اهملتها
وهاي المرحلة الاخيرة الي
ازوجت جمانة
الحمد الله
بليل گاعدة وسام صارلة يومين مامتصل علية خير شبي اتصل علية ميجاوب ادزلة رساله هم مايرد علية
اجتني رسالة من رقم غريب
مكتوب بيها العصفورة المغرورة دخلت القفص
گلت يمكن مو الي متوهمين
رقم ثاني هم كذالك نفس الكلام دزلي رساله
وبعدها 3 ارقام نفس الكلام
واخر رقم رقم علي
هم دزلي نفس الكلام وصوري وي وسام
اتصلت بعلي شنو هل الحجي شصاير
ضحك علي
وجان يصدمني
وگال كل محادثاتج وي وسام وصورج وكلشي اعرف عنها
لنو اني وسام متراهنين عليج
هاي انتي 3 سنوات شايلة خشمج وكل الي يريد يكون علاقة حب وياج تردينة لذالك اتراهنة وسام جاب راسج
وهذني الارقام الي دزولج رساله ارقام الولد الي كسرتي كلبهم
اني اتخبلت ما اعرف شسوي متت وانصدمت ماصدت
ونكرت
وعلي كالي هسة ادزلج الدليل وانتي بكيفج لا تصدكين
فعلا دزلي المحادثات والصور الي بيني وبين وسام
كل هذا كوم
والي بطني كوم ثاني
محبوبتي بائعة الحرمل
البرت الثاني عشر
للكاتبة كوثر السماوي
وسام : اثار الحمل بقت تظهر ع عذراء والطفل ما اخليها تسقطة حرام قررت افاتح اهلي بلموضوع لنو رنا كومة مشاكل سويت وياها ولا فصخت الخطوبة
گلت ل اهلي اتعاركو وياي
وبعدها كالو براحتج مانجبرك
رحت لرنا گتلها ما اريد ازوجج ولازم نفصخ
هي اتخبلت واتعاركو وياي
علي گالي ليش شنو صاير ليش تفصخ
گتله ما اريد ارتبط ب رنا تفكيرنة يختلف
گال هسة يالله گلت بعد خطوبة 10 اشهر وخليت رنا تتعلق بيك
سالفة مني وسالفة من علي واتعاركنة واحد ضرب الثاني
وفصخت الخطوبة الحمد الله
بس علي شك بيه احب عذراء
بليل دزلي رساله گال راح اكول لعذراء ع كل شي
مر يومين وعذراء ملتهية بزواج اختها واني خايف اروح الها وشون افاتحتها بلموضوع
تتصل علية ما اجاوبها
ثاني يوم قررت اروح الها للبيت
رحت لگيتها الليل كله مانايمتة ومنهارة وتعبانة وعيونها مورمة گتلها خيرج شبيج صاير وياج
گالتلي ليش شنو الي سويته الك حتى تأذيني
حاولت افسر الها واكول الها جان صدك رهن بس هسة فصحت الخطوبة وراح نزوج
مافهمتني تصرخ حاولت اهديها ماقبلت
تركتها گتلها كم يوم وارجعلج بس تهدئين.....
عذراء:خلاص انتهيت وين انطي وجهي من الناس اختي بس ترجع من شهر العسل راح تطلك اذا عرفو عيالها اني حامل وتخرب حياتها بسببي
ليش هيج يالله اثنين خدعوني شنو ذنبي حبيتهم من صدك تالي غدروني
بعدها قررت انتحر واطم عاري
الي شهرين وبطني راح تكبر
جمعت كل الادوية بلبيت واخذتها
وبعد دقايق بطني موتتني وما اعرف شنو صار بيه
گعدت لگيت نفسي بلمستشفى
حجي حيدر مقهور وعيونه تجدح نار ومدنگ راسة
عرف انو اني حامل
طول النهار بقة ساكت وطلعت من المستشفى
وصلت للبيت هو انفجر علية بلكلام
ليش هيج سويتي بيه شنو الجبرج شقصرج اني وياج
اتصلي ب ابن الكلب خل يجي يستر عليج ويزوجج قبل لاتكبر بطنج وتفضحينة
گتله جان يضحك علية ومتراهن هو اصدقائة
گال الا اكتلها مايستاهل يعيش منو هذا الا تكوليلي
گتله سافر بعد ما عمل عملتة لنو هو عايش بلخارج
الحجي بقة يبجي وطلع واخذ موبايلي وكسرة
بعد يومين الحجي اجة وگال بدلي وتعاي
بدلت
ورحت وياه ع طول الطريق هو ساكت ما حجة شي واني ماسئلتة لنو مالي عين احجي وياة
نزلنة من السيارة وگال لا تعترضين ع الشي الي راح اسوي واذا اعترضتي ما ادخل بعد بيج وحتى بيتي يتعذرج
دخلنة للمحكمة وعقدنة
بطريق الرجعة گالي سنة واطلكج وابنج او بنتج اسجلهم ب اسمي هل الشي سويته ل الله مو الج ولا اريد احد يعرف حتى جمانة
والا انتي وحدة رخيصة باعت نفسها بصفة الحب
ولا المسج ولا اقتربلج ولا تقتربلي ازوجتج لخاطر اطم عارج شنو ذنب اخوج من يكبر يعيرونة بيج
وشنو ذنب اختج تطلك وهي بعدها عروس
