بارت 3و4
محبوبتي بائعة الحرمل
البارت الثالث
للكاتبة كوثر السماوي
وسام: رحت للكلية الصبح هم ردتني
وبعدها رحت لتاجر صديق والدي حبيت استشيرة وكذالك يساعدني بمشروعي
وبعدها رحت للكوفي هل البنية شاغلة بالي وادبر خطط وافكر شون اجيب راسها بس قررت اراقبها لخاطر الگي فد ثغرة استغلها
رجعت للبيت امي فاتحتني ازوج من بت عمي رنا
رنا حلوة موظفة گلت ل امي براحتج
الي تشوفي سوي
قررنة بعد شهرين نخطبها رسمي
بس شرطت ع امي اول ما احجي وياها هل الشهرين قبل الخطبة حتى اتقرب منها واعرفها زين
ثاني يوم گعدت الصبح ورحت للكلية بس ما التقيت بيها اليوم اراقبها
عذراء: جزعت نفسي من هذا اشو لازگلي مايمل اليوم اذا اجة اتعارك وياه
انتظرت اشو ماكو اي الحمد الله خلصت من عندة مل وجزع ائيس مني
اجاني اتصال من جيرانة راد يشتري من بابا لگاه واگع بلمحل وماخذة للمستشفى
يمه اسم الله عليك بابا ورحت بسرعة والطريق كله ابجي طلعت من الكلية ورحت بساع للمستشفى
بابا انتكست حالة ودخل بلانعاش والدكاترة گلولي يمكن يموت ....
وسام شفتها طلعت من الكلية وتبجي لحگتها راحت للمستشفى صار عندي فضول اعرف شنو صاير وياها
رحت وراها
وعرفت انو والدها مريض وحالتة خطرة
انقهرت عليها
رجعت للبيت وافكر بيها
بليل رجعت للمستشفى اطمئن ع والدها ما اعرف ليش هيج سويت وياها
سئلت الدكاترة گالو ميبقة لصبح
وفعلا بعد نص ساعة مات الله يرحمة اتصلت بعلي وگتله ع الصار.....
علي: ساعة 11 بليل اتصل علية وسام وگالي انو ابو عذراء مات
رحت الصبح لزملائي وزميلاتي والتفقتنة نروح نعزيها
رحنة لبيتها وعزيناها وسام هم راح ويانه
وبعدها وسام عزمني ع الغدة واتغدينة وذكرت وسام بلرهن وگتله هاي فرصتك اتقرب منها مدام هي مكسورة خاطر .....
وسام: كلام علي اثر بيه وفعلا الفرصة اجتني ولازم اتقرب منها واستغل حالتها
اي عيني عذراء اجة اليوم الي اكسر بي راسج وخليج تحبيني واتركج واكسب الرهن
مر سبوع والتهيت بتجارتي وفتحت مكتب وسافرت لتركيا اشتري بضاعة
وبقيت اتواصل وي رنا حاب اعرف شنو تفكر شنو تحب وتكره
وعلي كل يوم يذكرني بلرهن
سئلتة داومت گالي لا ماداومت لحد الان
گلت استغل الفرصة واروح لبيتها
ورحت دخلت الشارع وشفت باب بيتهم هوسة وناس ملتمة يالله خير شصاير
محبوبتي بائعة الحرمل
البارت الرابع
للكاتبة كوثر السماوي
عذراء : بعد مامات بابا الدنيا اسودت بوجهي خالاتي اثنين بلخارج عايشات وخال واحد ب اربيل عايش بس اجه ايام الفاتحة وبقة يومين وانطاني مبلغ وراح وگال اذا تحتاجون شي اتصلو علية
عمة وحدة عندي وعمام اثنين عمتي واحد من عمامي عدهم خلاف قديم وي بابا الله يرحمة ع مود ورث جدي حتى من اجوي بلفاتحة اجو شمتانين وعمتي گالت هاي حوبتنة اكل فلوسنة اول الله عاقبة بموت امج واخوج وبعدها سنين عايش معوق متت قهر وزاد قهر فوك قهري
فعلا بابا اكل فلوس عمامي وطمع
عمي الثاني يخاف من مرتة مايگدر يحجي شي. بعد خمس ايام من وفاه بابا اجت مرت عمي وگالت يخلص الاربعين ونزوجج ل ابني
اني مستحيل اوافق لنو ابنها مو خوش انسان ويشرب وسوالف مكسرة
گتله ما اوافق
گال ابن عمي مو بكيفج ازوجج يعني ازوجج
الج مهلة كم يوم تفكرين واذا ماقبلتي ازوجج غصب عنج
وفعلا بعد عشر ايام اجه ابن عمي ورفضت وجان سالفة مني وسالفة منه بقة يصيح ويكسر شكو شي كدامة اختي صيحت واخوي راح للجوارين صاحلهم
وبعدها مد ايدة علية وضربني وجرني راد يصعدني بلسيارة الجوارين حاولو يهدون الوضع وبنفس الوقت خايفين يدخلون لنو يعرفون بي مو خوش انسان وبيدة مسدس
وسحبني للسيارة وراد يصعدني جان سحبه وضربة وبعدة عني هذا الولد الي اسمة وسام وگالة بس المرأة يمد ايدة ع المرأة
عندك شي او تريد تبرز عضلاتك هاي اني گدامك اضربني اذا انت رجال
ابن عمي گاله بت عمي وما تدخل منو انت وتدخل...
وسام: نزلت من السيارة وشفتة واحد يسحب بعذراء ويريد يدخلها للسيارة ويضرب بيها ما اتحملت شون يضربها گدام الناس
رحتة وضربتة وبعدتها عنها
گالي بت عمي وماتدخل منو انت وتدخل
فعلا شگول وشحجي وبيا صفة احميها
تلقائي گتله هاي خطيبتي واذا اقتربت منها اموتك
هو اتخبل
گال مامخطوبة وانت چذاب واقتلكم اثنينكم
گتله اسئلها وهي تجاوبك
ابن عمها سئلها صدگ خطيبج
خطية اجت ختلت وراي گالت اله اي خطيبي
هو اتخبل وجن جنونة وسحب المسدس واطلق علينة نار....
عذراء: صارت ضرب ومشاددات بينهم وبعدها ابن عمي اطلق نار علينة وانهزم
نقلنة وسام للمستشفى
متت خوف لا وسام يصير بي شي بسببي
وطول الطريق ادعي الله ينجيه شفتة ينزف اهواي حاولت اضغط ع جرحة .....
وسام: صوبني الحقير وانهزم نقلوني للمستشفى وعذراء وياي بلسيارة تحاول تضغط ع الجرح وتوقف النزيف ودموعها ع خدها مثل قطعة الالماس تنزل اثنين اثنين سبحان الله
وتحجي وياي خاف افقد الوعي وتكولي اصبر وصلنة للمستشفى
طلعت موبايلي گتلها اتصلي بعلي وگوليلة لا يكول ل اهلي وخل يحينة للمستشفى
وفعلا اخذت الموبايل واتصلت بعلي......
علي : اجاني اتصال من وسام جاوبت طلعتلي بنية تبجي ومافهمت منها شي
وبعدها وسام جاوبني بس صوتة ناصي گوة يحجي
گلي اني اتصوبت ونقلوني للمستشفى
رحت للمستشفى انصدمت شفت عذراء تبجي ايدها گلها دم
ها خيرج شبيج
گلتلي وسام اتصوب بسببي راح يموت بسببي
اتخلبت شنو تكولين اهدئي فهميني
وحجتلي السالفة وبعدها اجة الدكتور وراد دم
عذراء اتبرعت لنو اثنينهم طلعو نفس الزمرة
