#حياة_امرأه
#بقلمي شمعة امل
#الجزء الخامس
حياة .......مرت سنه على الحرب
والاوضاع ابد متحسنت
أطفالي بدوا يكبرون
ومرت السنه الثانيه على الحرب
كانت الفتره الي يروح بيهه صلاح للجيش
اني ابقه وحدي ويه الجهال
مرات عمتي وعلياء يجون يباتون يمي
ومرات اخوتي
بديت اتعلم اني اطلع اروح اجيب مسواك للبيت واعتمد على روحي بتربية الجهال
وحتى شيماء
كمت مرات من تتخربط اني اوديهه للطبيب اخذ اي واحد من اخوتي ويايه
واخلي الجهال لو يم اهلي لو يم بيت جدهم أهل صلاح
بس المصيبه اني من اطلع اخاف من
تكرمون..... الكلاب ....
وبيوم جانوا أهل صلاح بايتين يمي
كلت اطلع من الصبح اروح اجيب مسواك وارجع ...
اليوم صلاح يجي من الجيش
رحت على علياء جانت نايمه
...حياة ....علياء ....اكعدي
علياء ....ها حياة ....اجه صلاح لو بعده
حياة ...لا بعده ....
اكلج علياء ....راح اروح اجيب مسواك من السوك .عفيه ديري بالج على الجهال بين مااجي
علياء ...ماشي ...ليش مااجي وياج احسن
واخلي امي تكعد ويه الجهال
حياة .....ولج لا خطيه امج مره جبيره
خليهه نايمه البارحه تاخرت يله نامت هيه وابوج ....مدري شعدهم
ههههههه
علياء ....هههههههه
.هااا ماشي .....
حياة ...يله اني مااتاخر
علياء ....الله وياج .....
حياة .....طلعت من البيت رحت للسوك
اني ماخذه ويايه فلوس هوايه حتى اجيب مسواك زين
قبل كان الدينار العراقي اشتري بيه هوايه أشياء وكانت العمله بالدرهم والفلس
والنصف دينار العراقي
كانت العمله المعدنيه الهه وزنهه
مومثل هسه كومه فلوس ومابيهن قيمه
المهم جبت الغراض
السوك مو كلش بعيد علينه ....
واني راجعه للبيت
واشوف ....تكرمون جلب يمشي ورايه .....
يبوووو هذا ليش لحكني
واني امشي واتلفت الطريق كله
حقه يمشي ورايه
اذا اني مشتريه اللحم وسمجتين كبار
ويه المخضر ....ومعلاك مال هوش ولسان
هم صلاح يحبهن وكلت بلكي اخوتي هم تصير نزلتهم واعزمهم يمي
كلت سوده عليه صلاح هسه يجي ميت من الجوع
وكل شويه اباوع احسه راح يجفتني
ولك روح ......
يبوووو هذا مصر وعيونه على العلاكه
وبعدني امشي واتلفت ....
وكش ولك .. .
امشي هذا اللحم موزين عليك ...
واشرله واريده يروح
والنوب كام يتقرب أكثر ....
ولك لاتجي ....تره هسه بالعوده
وجان يصيح عليه الجلب
عوووووو عوووو عوووووو
واني كلبي وكع صار برجلي
كلت اليوم يجفتني اني وعلاليكي
وجان اسمع واحد يكول
.......شلون ام عمار تحتاجين شي
حياة .... من الخوف كلت ...
الله يطيح حظك
وجان اعوف العلاليك واشرد
وهمزين صرت قريبه من البيت ودفرت الباب وطبيت
واني ميته من الخوف
بعدين كلت عزه هاي اني شسويت
