الحب في زحام
الحلقه 10 <3
زياد " مانبيش نطول في كلام امعاك
بكره قاعدين ؟
نرمين "شن قصدك
زياد" هلك قاعدين ؟
يتبع
نرمين " كيف مافهمتكش
زياد " هلي جاينكم بكره
نرمين " كيف وعليش وليش
زياد " ههههه هكي يبو يكسدو عندكم
نرمين " عليــش
زياد " لعند امتي تبي تقعدي عبيطة
نرمين " زياد فهمني مافهمتش
زياد " بكره امي جايتكم تبي تشوف امك شن فيها من فهم
وصلت
نرمين " قصدك انت بكره جايين عندنا هنا في حوشنا
زياد " واخيرا وصل الضي عندك
نرمين "وجك تو ي زياد بسرعة
سكرت الفون وعزقت ع السرير وقعدت اتنط
نور " بسم الله كنك ي بنت شن ركبك
نرمين " مسكت نور
بكره جاي جاي
نور " من الي جاي ي مصيبة
نرمين " هل زياد يخطبــوني بكره
نور " شنــــــــــــــــــــــــــــــــــــــو
نرمين " نعن شكلك جنبك انا ليش تعيطي -.-
نور" وفرحانه
نرمين " اكيد وليش نبي نزعل
نور" وشن تبي تقولي لي امك
نرمين " مافكرتش فيها
بس تو نقوللها صاحبتي اي حاجه جت ع هذي ساهله
نور " عندك حاجه اتقدميها لهم مثلا مواتية حاجاتك
نرمين " خبطت راسها اووووووووووووووه ما فكرتش فيها بكل
نور " شاطره غير ترقصي
كيف تبي ترقعيها
نرمين " شن اندير
نور " مغير اطلعي لي امك اصدميها
نرمين " خايفه
نور "شن تبي تاكلك
نرمين " لا متحشمة
نور " هههههه تو نحكيلها انا
نور " ماما ماما ماما
خالتي " عطك غمامه كنك
نور " امنوره علي دعوه امتاعك -.-
شن نبي نديرلك امي مانقدرش انرد عليك
خالتي " بطلي طولت لسان
نور " جايه نفرحك بي خبر بس خساره فيك
خالتي "في وحده تقول لي امها خساره فيك
نور " مش انا قلتها
خالتي " اها
نور : معناها في
خالتي "صبي من قدامي
نور " يفوت عليكي عمرك كله كان ماقتلك الخبر
خالتي " احكي الي عندك
نرمين "كانت مصبيه في نهاية المطبخ ومتحشمة
نور " بكره حيجوا ناس لي نرمين
خالتي " شنو
نور " الي سمعتــي
خالتي " نرمين احكي منو الي جاي
نرمين " خو صاحبـتـي تو كلمتني وقالتلي وماعرفتش كيف انرد عليــها قتلها تفضلوا
خالتي" خلاص خليهم يتفضلوا
نور " باهي والحاجات كيف انديرولهن
خالتي" اسكتي بس انتي توا نصـرف انا
نور " شن تبي ديري يعني ؟
خالتي " تو نرن علي خالتك اتجي
نور " شنوا تجي تو ساعة 8 تقريبا راه
خالتي " اسكتي اتبات هنا ونكسدو عليهن في الليل
نرمين " يعني نلحقوا ي ماما نديروا حاجه
خالتي "انلحقوا غير حولي ام لسان من قدامي
نور "في اخر حلقة طلعت هكي انتي :/
خالتي "طير هيا من وجي نرن علي خالتك
ماما "خلاص اهو صوت مراد خش
تو نقوله يحطني عندك
خويله "هي هي نستنا فيكي
مراد " واللهي تعبـان ماعندي وين نشيلك
ماما "سمعتني
مراد " اها وين تبي تمشي
ماما "شيلني عند امك هي توا
مراد " وعليـش
ماما " جاي عرب لي نرمين
مراد " كيف كيف
ماما " اسكت بس وشيلني حنباتوا غادي راه
مراد " باهي وندي مازالت ماروحت
ماما " رن ع فرج خلي يروح بيها غادي
مراد " باهي خفي روحك بس
ماما " هي هي
مشت ماما عند خويلة
وانا كنت مازالت نهدرز مع هدي
رن عليا فرج
انا" ايوه
فرج " انا لوطه راه
انا " باهي هي نلبس وننزلك
فرج " نستنا فيك
هدي " قصدك تبي تروحي
انا "لا نبي نبات عندك شن رايك
هدي " خزي مازالت ماشبعت منك
انا " ولا انا بس نبي نروح قبل مايجي راجلك لانه مانقدرش نحط عيني في عينه بعد فضايح امتاعي
هدي " انتي ديما تطلقي في لسانك
بس حمادي يهبل جوا راه
انا" حمادي اخره امشي من قدامي ههههههههههه
هدي" هههههههههههههه باهي امتي تبي تمشي الجامعة
انا " نفكر نبدا السبت
هدي " واليوم شنو
انا " اليوم اربعـاء :/
هدي " خلاص معناها السبت حتي انا نمشي معاك
انا "تمام اهو فرج يرن مايحبش يستنا
هدي " هيا سلام انتلاقوا
انا "هي ي قلــبي
نزلت لقيت فرج مصبي قدام العمارة ويستنا فيــا
انا " اسفه طولت
فرج " ولا يهمك عادي نستناك
انا " هي باهي
ركبنا في السيارة
فرج " راهو مروحة ع حوشنا
انا " وعليش ؟؟؟
فرج " والله ماني عارف كلمني مراد وقالي هك
انا " باهي ممكن نتعبك تحطني في الحوش نغير دبشي بس
فرج " من عيوني
انا " حي ع طيابة الي نازاله عليك
فرج " راه نقولك مافيش
انا "ربي يكمل عليك
فرج " هي انزلي
انا " ماتبيش تنزل
فرج " تو نستناكي في السيـارة
انا" براحتك
خشيت وخليت الباب مردود ماسكرتش
مشيت لي داري سلحت عبـايتـي
ولبست لبسة عادية ونزلت دغري لقيت فرج في الصاله
انا "كيف صار
فرج " طولتي قلت انجي نشوفك
انا "اها تمام هي واتيه
فرج " باهي هي
انـا" هي
طلعنا وطول الطريق فرج يبحت فيا مره مره
انا كنت مستغربه نظراته هذينـا بس ماركزتش وقتها بكل
اول ماخشينا
ماما" جيـتوا
انا " قاعدين في الطريق كنك جيين هنا شن في
نرمين "تعالي معايا في الدار تو نفهمك
انا " قصدك زياد بكره جاي هنا
نرمين "اها وماما كلمت خويلة بيش ندرولهم عزومتهم
انا" العب جاينا فرح
نور" نفكر شن نلبس من توا
انا " حتي انا والله
نرمين " انا العروس مافكرتش
اسكتن بس قوللي شن نلبس انا بكــره بس :/
انا" امممممم عليك قصة
نور" البسي اي حاجه من دولاب
نرمين " لا والله شكرا ساعدتيني كنت نبي نلبس من سطل الكناسة
انا " ههههههههههههههههههههههههههههههه
بطلن خليني نشوف الدولاب شن في
نرمين " نلبس فستان ولا كيف
انا" شوفي هذا
نور" فستــاني هذا ي حبيبتي -.- وانتي تعرضي فيه
نرمين " اسكتي انتي
نور" واللهي مازالت عايشه باهي -.-
انا " شن رايك
نرمين " زعمك
انا" حلو لونه حتي هادي مش اوفر
نور" حرام عليكم مازالت مالبسته
نرمين " اختي العزيزة
نور" بلاش دحنسة خيرلك
نرمين " نصبيلك في فرحك
نور " مانيش مجـوزه
نرمين " معقولة تخلي اختك هكي
نور " خوذي بكل معش نبي مغير انتريح من خلقتك
انا" هههههههههههههههههه كملتن عركة
خلاص اهو لبسة ونحلت
شن مازال
نرمين " مازال نجيب حاجات من السوق
نبي شكولاتة وعرم حاجات
نور "تو نحكوا لي مراد يشلنا في الصبح
انا" مانحبش نطلع في الصبح للمحلات نخاف علي بشرتي
نرمين " اذلن فيا انتن واللهي تشوفن عليها باهي
انا " ههههههههههههههههه نبصروا معاكي ي عبيطة
مشـاه الليل كله ونحن انديروا في موالح سهرنا عليهن
في الصبح طلعنا للمحلات وشـالنا فرج انا ونور بس
ونرمين قعدت في الحوش
مشينا للسوبر ماركت
نور " شنو نبوا نحن
انا " ماجبتيش الورقه قصدك
نور " عابية عليكي جايبتها
انا " اوف منك اول حاجه خلينا نمشوا نشوفوا شوكولاتة
المهم خذينا حاجاتنا كلهن
وركبنا في السيارة
فرج " مش ملاحظات انكن مكبرات الموضوع
نور " ضروري منهن الحاجات هذينا
فرج " قطاف فاضي
انا" تو نشوفوا مراتك بعد نمشوا نخطبوها شن تقدملنا
فرج " ههههههههههه توا اتشوفيها
نور" تلقيها بشعه كيفه
فرج " وراسك سمحه
انا" مش احلي مني اكيد
نور "عبد الواثق
فرج " نسخه منك راه
انا" لالا ي حبيبي مافيش وحده كيـفي ابدا
نور " الثقه الي عندك اقسميلنا منها
فرج " ماهو نبيها كيفك انا شن اندير
انا" تؤتؤ للاسف مش حتلقاه صدقني
في العشــية
لبسنا وتينا ارواحنا وشويه هكي ودق الباب
خشوا هله كان امه واخته بس
انا " امه واخته بس
نرمين " صـاح توقعت حتي خالاته يجن
نور" يبو يشوفوك اليوم بس هما بلكي ماتعجبيهمش
انا " هههههههههههههههه اسكتي انتي
نرمين "سكري فمك ممكن
انا " هي تعالي بيش تخشي تقدمي القهوة
نرمين "خشي معايا
انا " خشي بروحك بلا طروح
خشت نرمين ودرنالهم عزومتهم
امه "راهو يبي يخش يشوفها اليوم
خويلة " مرحبتين بيــه
امه " هو قاعد بره راه
خويله " خلي تو نخلي مراد يطلعلة
صبتلنا خويله
نرمين " شن صار
خويله " وين مراد
انا " في الدار قاعد
خويله "الراجل يبي يدير مقابلة يجي يشوفك
نرمين "يشوفني
خويله " اهااا كنك ؟
نرمين " بسرعه بسرعة
خويله " خليني نقول لي مراد يخشش الراجل قاعد في الشارع عيب
طلع مراد لي زياد وقعمزوا مع بعضهم شويه هك وخشلنا مراد
نرمين جيبي القهوه وتعالي
وطلع
نرمين " باه وترعش
نور "ع اساس مش علاقه ومقطعه روحك بي ومشردتينا معاك
انا" بطلي خوف وخشي هيا
نرمين " منظري حلو
انا " تجنني خشي
دقت الباب وخشت قدمت القهوة ع مراد وفاتت زيـاد بكل وحطت السفرة ع الطاولة
مراد " نرمين عاطي الراجل
نرمين " اه صاح نسيت
زياد " مطبس راسه وميت ضحك
مراد " ههههههه
بصوت واطي كيف يبي ياخذك بي عباطتك هذي
صبت قدمت ع زياد وهيا منحرجه من كثرت الربكة نست
مراد " شويه نطلع نجيب حاجه
زياد " خوذ راحتك
حنان " مبروك ي خويــا
عمر " الله يبارك فيك بس عليــش
حنان "امي قالتلي انك تبي تجـوز
عمر" بحت في امه
ماسرع ماقلتيها لها
امه " مش مصدقه الفرحة مش سايعتنــي
حنان" ها شنو اليوم الي تبينا نمشو نخطبوها لكي
انا" عليش مستعجلين مازال بدري
امه " مش امس قتلي قدام خالاتك قريب
انا " كنت انبصر امس كنك خذيتها جد
امه " راه تكون وخرت
انا" كنك مركبات عليا انتن
امه " مادخلنيش نبي نفرح فيك شوف تبي تخش في الثلاثين ومازالت ماشفتلك عروس ولا حتي شفت عيالك اسمعني كلمة هيا نغضب عليك كان ماجوزت ولا نحكي معاك طول عمري
انا " امي شن الكلام الي تحكي فيه مانيش طارب علي الموضوع انا فوتيني مش بالغصب الزواج
امه " لا بالغصب شنو نشوف فيك تذبل قدامي والعمر يجري بيك ولا حاس بي روحك نبي نفرح بيك انا من ليا غيرك انا كلمه وقلتها لكي تبيني نقعد راضيه عليك اجوز
انا" حط يده ع ولحيته وقعد يمسح فيها
امي ماتنرفزينيش مش داعي نظلم بنت الناس الي تجيبيها
امه " اساسا انت الي تختارها البنت تكون مقتنع بيها
انا" استغفر الله وقعد يعلي في صوته
جواز مانيش مجوز
حنان " عمر وسع بالك امك عندها الضغط والسكر
امه " مانيش راضيه عليك ولا مكلمتك الا لما تجي وتقــولي ياامي نبي نجوز
انا" امي بالعقل خليها
امه " هذا الي عندي
انا " قربت منها وقعمزت جنبها ومسك يدها
افهميني مش بالغصب الموضوع
امه " انا كلمتي قلتها
وصبت خشت لي دارها
انا "عاجبك كلام امك هذا
حنان " لا حول ولا قوة الا بالله
مافيش حل في يدك
انا " حتي انتي معاها افهموا عليا
حنان "عطيني سبب مقنع بس يخليك لعند توا هكي بدون جواز
حوش وعندك وشغل ومشاء الله دكتور وناجح في شغلك
شن ناقصك ي خويا فاهمني
انا" ناقصني نلقاه بنت تريحني نقعد نبيها انا مقتنع مش تجبروني اندير حاجه غصبن عني
واقعدوا فيا
وطلع خبط الباب وراه
عند نرمين
زياد " تقول اول مره تشوفي فرشة حوشكم
نرمين " شنو
زياد " رفعي راسك وبحتي فيها
نرمين " انت ربكتني بكل بي نظراتك
زياد " تو نظراتي يخوفن فيك
نرمين " كل حاجه جت بسرعة
زياد " قرب قعمز جنبها
نرمين " راه يخشو عليــنا
زياد " وفيت بي وعدي لكي
نرمين " عمري ماتخيلت اليوم هذا يجي بالسرعه هذي
زياد " مادام انا وعدتك خلاص
نرمين " وحق ربي نحبك
زياد " نموت فيك ي حلالي
