عمر" علي فكره طيارتنا بعد بكره
انا " قصدك حنسـافروا
عمر " كيف ماتبيش
انا "لا عادي بس علي وين :/
عمـر " تركـيـا
انا " تمام بكل
عمر" ماشيتلها
انا" لا :/ وانت
عمـر" مرتين
انا" صاح ومع من؟
عمر" يهمك تعــرفي :D
انا" عادي ماتفرقش ^_^
عمر" مره مع محمد
ومره مع باتي الله يرحمه وقت كان يـعالج غادي
انا " الله يرحمــه
الحمدالله شبـعت
عمر " صحه
انا " سلمك
لميت المواعيـن
وعمر مقعمز ويتـأمل فيا -_-
عمـــــر
كنت مع الشبـاب بره ونهدرز معـاهم
لين كلمني محمد
محمد " تعال نبي نحكي معاك
انا" شن في
محمد " شن جوك مع ندي
انا "تمــام
محمد " عيني في عينك
انا " كنك !!
محمد " تعامل فيها كويس
انا" لا نعذب فيها -.-
محمد " واطــي عارفك
انا" تي كنك واخذ فكره شينه عليا
محمد " نحب نوصيك دبالك منها راك تظلمها معاك
انا" شكرا علي النصيحة -.-
محمد "شن مشاعرك اتجاها
انا " سؤال ماعنديش اجـابة
محمد " شن تحس باهي اتجاهااا
انا" حب مش عارف
يمكن اعجــاب بيها بي شكلها :/ مش عـارف :/
محمد " صدقني هيا طيبه وتنحب
انا" باهي احترمني تشكر فيها قدامي
درتني بي قروني
محمد " غـرت
انا" هاهاها خفيف بكل راك
هيا روح وفكني من وجك
محمد " بكره طيارتك ؟
انا" لا بعد بكره الصبح
محمد " تمام مانوصيكش انتهز الفرصة
انا" روح وفكنـا من وجـك
محمد " يفجعك القدر
انا " مربوحـة
في الصبــح
نضـت علي صوت عمـر كان مقعمز علي السرير وينوض فيـا
عمر "ندي نوضي
انا " ماما مازال نبي نرقد
عمر" ههههههههههههههههه عنجد ماما
انا "بعدها فطنت لي روحي
عمر شن خششك هنا
عمر" جيت نوض فيك
انا "ساعه كم توا
عمر " 11 هيا نوضي نستنا فيك
انا" باه
طلع عمر وانا خشيت للحمام ودوشت وصليت وطلعت
لقيته يدير في قهوه
انا" هيييييييي شنو هذا
كان محوس الدنيــا
عمر" كنك :/
انا" شن ادير انت بالضبط
عمر " شوفت عيـنـك اندير في قهوه
انا " ادير في قهوه شن دخـل البراد امطلعه وطنجـرة :o
عمر " بالي جيتي امسكي ديري انتي لاني ماعرفتش
انا " شن الي تعرف اديره انت اساسا
وعطيته بي ظهري
عمر" نقولك شن نعرف برمني له
وقرب مني وبـاسني ....
وبعدها وخر وطلع من المطبخ بسرعه
انا " قعدت مصدومة
لين فطنت للقهوه فاجت
مسحت مكانها ودرت وحده تانيه وصبيتله طاسته ولقيته في البلكوني يدخن حطيتها له قدامه وقعمزت في الكرسـي الي جنبه
انا" عمر
عمر" بحت فيا
انا" عادي ننزل لوطه
عمر" وليش ؟؟
انا "شن فيها من ليـش
هنا كسـاد
عمر" باه توا ننزلوا
نكمل قهوتي بس
انا "باه وانا نخش نلبس
عمر" قصـير لا :/ وميـكاج لا
انا" شنو هذا
عمر" الي سمعتي
انا" ننزل نفجع -.-
عمر" لا ماتفجعيش تهبلي بدونهن اسمعي كلام خير
انا" اووف
عمر" ومعش تنفخي
انا" راهو صبح مش داعي انتعارك امعاك
عمر " الي قتلك عليه اديــري :/
انا" خشيت للدار وفته بكل
قعدت نبحت شن نبي نلبــس وقررت خذيت فستان كحلي طويل ولفيت شعري فوق ودرت ميك اب خفيف مستحيل نسمع كــلامة طبــعا
وطلعت مالقتاش في الصالة اكيـده في دار يغــيــر
خشيت للمطبخ وخذيت شوكولاتة ناكل فيها
ونستنا في السي السيد يطلع
