الحب في زحام
الحلقه 58 <3
واناخشيت لي داري كنت مرايفه عليها سبحان الله فجاءه الواحد حياته تغير ماكنتش متخيله انه في الفتره الي فاتت نجوز ونحمل ونخسر بابا فعلا الدنيا غريبه
وانا سارحه يدق الباب مشيت نفتح ونشوف قدامي
انا "عمــر
عمر" هيا
انا "كنك مـا رنيت عليا
خش
عمر" هيا مانبيش نخــش
انا " استغربت كلامه
شويه نلبس ونجي
خشيت لبست وسكرت الحوش وطلعت ركبت في السياره وعمر طول الطريق وهو ساكت وماحكش ولا كلمة ويجـري وخلاص
انا " حبيبي كنك
عمر" ندي مانبيش نسمع صوتك
انا" بسم الله كنك
عمر" توا تعرفي كني
انا" شن صـاير شن فيـه
عمر" بصوت عالي لين خفت منه
قتلك اسكتي
وصلنا للحوش وانا نفكر كنه عمر شن الي غيره وشن خلاه هكـي ركبنا فوق
انا" كنك انت
عمر" تبي تعرفي كني
وقرب منـي ومسكـنــي من مرفقي زين
انا" حول يدك وجعتني
عمر" ليش تخوني فيا
انا " نخون فيك !
عمر " قعد يهزب
شن درتلك انا بيش اديري فيا هكــي
دايرتيني مش راجل قدامك وتلعبي عليا في شنو قصرت امعاك بس انا
انا " شن الكلام الي تقول فيه انت واطلق يدي
عمر" بريئه توا انتي
وطلع فونه وراني صوره كنت فيها انا واسلام مصبيين جنب بعضنا يوم الي جاني في الجامعه
الصدمه كانت ع وجي
عمر" نبي تفسير لي الشي هذا شنو
انا "من قوة الصدمه انه الصوره هذي كيف وصلت لي عمر قعدت ساكته ماقدرتش نحكي ولا حرف
عمر " بصوت عالي
شنو هذا ولا ماعندكش رد عليه
احكي ماتجننينيش اخره
وخبط الطاوله بي كراعه وكسرها
انا" والله مش كيف ماانت مفكر بكل
عمر" كلكن نفس الحقاره شطارات تخونن بس
انا" واللهي ماخنتك بكل
عمر" اسكتي مانبيش نسمع صوتك
انا" خليني نشرحلك باهي
عمر" لا مانبيش تشرحيلي الكلام الي وصلني والصوره وضحن كل حاجه
ع اخر العمر انا وحده كيفك ادير فيا هكي
وانا الي كنت نقول ندي بريئه مش كيفهن بكل
انا" دموعي نزلن وجعتني انه هو شك فيا لدرجه هذي
وماعطنيش فرصه اني حتي نشرحله
انا" خليني نفهم انت اساس فاهم الموضوع غلط
واللهي نحبك باهي وعمري في حياتي مافكرت نخونك
عمر" كنت مصبيه قدامه دفني لين طحت ع صالون
عمر" ومانبيش نسمع منك ولا كلمة
بس نبي نعرف شنو قصرت معاك انا بس الي درتي هكي فيا حبيتك وانا كنت كاره الحب بكل قلت بنت صغيره وبريئه بس ي خساره والله
طلعتي كذابه حتي انتي يعني برافوا قدرتي تضحكي عليا
انا" وراسك انت ماخنتك باهي
عمر" ماتحلفيش بي راسي يكون احسن
وصوت مسج جاني في فوني
عمر" وين فونك
انا" في الشنطه
عمر" خذا الشنطه وطلع الفون منها وفتح المسج
الله لدرجه هذي دايرتيني بي قروني نعن شكلك بكل باهي
انا " تي كنك مصر ماتبيش تصدقني
عمر" والمسج هذا
ومدلي الفون
انا " نصدمت من الي مكتوب فيه
حبيبتي ندي وحشتيني ماحبيتش انرن عليك خفت يكون راجلك جنبك نحبك ي عمري
انا " واللهي مانعرفه الرقم هذا بكل باهي
عمر" رن ع الرقم وفتح السبيكر
عمر" احكي
الشاب " حبيبتي
انا" سكتت
عمر" فنص فيا وشيرلي ردي
انا" منو انت
الشاب " ندي حبيبتي شكله عمر جنبك
انا " سكتت بكل ومعش قدرت نحكي ولا كلمة
