حب ا لطفولةة

❤تعريف الشخصيات ❤

هلوو حبايبي ء
شلونكم
شخباركم
مشتاقتلكم
اليوم راح ابدي بقصة
جديدة حقيقية
الي راح يرويها الكم على
ذاكرة ابطال القصة
طبعا أريد دعمكم لان حسابي جديد
كان عندي حسابي الثاني وتهكر
وشكد مقهورة على القصة الي جنت اكتبها
الصراحة كلش نقهرت وكلت شلون اكتبها
من جديد كلت ابدي بالقصة الجديدة
أتمنى تساعدوني وتدعموني بيها
فضلا وليس أمرا
يلة نبدي بالقصة
💕💕💕💕💕💕💕💕

هلوو..إني كرم عمري 20سنة
اسكن ديالى
عملي صاحب محلات تصليح سيارات
وعندي معرض سيارات
وحالتي المادية كلش زينة الحمد لله
الدراسة تارك الحد صف خامس عدادي
شخصيتي احب اسولف واضحك
عكس بعض الشباب اكو مايحبون
يضحكون ولا يسولفون وليش عود
إني هذا اسمي تكبر وغرور
إني احب اشاقة واحشش واسوي
مقالب باهلي هههههه وحتى باصدقائي
مواصفاتي 😎(طولي 180سم .وزني 70.عيوني سود اكبار.. بشرتي حنطاوي. شعري اسود عالي كثيف . جسمي معضل رياضي) هاي عرفتوا شكلي هههه عائلتي مكونة من أب وام وثلاث اخوان واخت وحدة  اخوية الجبير متزوج وأني الوسطاني عندي واخوية أصغر مني واختي الصغيرة
إني الوكيح بالبيت على حجي امي دكول بس يدخل كرم للبيت البيت يحترك هههههه
اخوية الجبير هادئ الصغير زين بس خبيث
دائما يلزم علية سالفة ويضل يهددني بيها
اختي المدلله بالبيت حبيبت امي وابوية
حتى من تسوي خطأ او شي مايحاسبوها
ولايقبلون نحجي عليها
وهي هاي عائلتي
و مواصفاتي
😊😊

🌹🌹🌹🌹

هلووووو...أني ريتاج عمري 17سنة
صف رابع عدادي
محل سكني ديالى الحبيبة 😍
شخصيتي مرحة وأحب اضحك
واسولف وابد ما احب اسكت يعني
من يبدأ الدرس بالمدرسة ا مووت لما يخلص
وإذا مااكدر لازم أشارك بالدرس علمود احجي شي
وبالبيت المهرج اكضيها تحشيش وضحك😂😂
كلشي بحياتي فرح الحمد لله
عندي ابوية مدللني ويتخبل إذا أحد يزعلني
او اتمرض حتى مرات من امي ترزلني يكوم يحجي
يكللها كل العالم بصفحة وريتاج وحدها بصفحة
امي دكلة اي ضل طلع عينها بسبب دلالك
وأني أحب ابوية أكثر من امي
صح الام هي الأولى بس عندي حنان ابوية
يسوة الدنيا كلها
وأني دائما احب احافظ على ثقة ابوية
أني شكلي يجذب النظر هذه الصراحة مومبالغة بس
هي هاي الحقيقة ودائما اتعرض المضايقات بس
مافديوم انطيت الأحد مجال
و صديقاتي كانوا يريدوني بس اسوي علاقة ويا إخوانهم بس جنت ارفض لأن أخاف
ودائما اكول الحب مذلة والحب الغير ابوية وربي عندي مذلة فجنت رافضة فكرة الحب والارتباط
مواصفاتي (طولي 158سم. وزني 55. عيوني عسلية فاتح يعني على صفار كبار مكحلات دائما احط كحلة حتى يكلولي البعض منهم المكحلة . ورموشي طوال سود . شعري طويل اسود كثيف وسرح مثل الماء يوصل التحت ظهري . بشرتي بيضة) وهاي مواصفاتي عائلتي مكونة من ام وأب 😍واخ واحد وأني واختي الصغيرة
أني الجبيرة باخواني واخوية أصغر مني بسنتين
واختي الصغيرة والله اخواني اهدئ مني 😂😂
وهاي عائلتي تعرفتوا عليها وعرفتوا مواصفاتي
باقي شخصيات القصة تعرفوها من خلال الأحداث
وهسة نترخص منكم

الكتابة ..هلو حبايبي هسة تعرفتوا على ابطال القصة  وانتظروني بالأحداث
لاتنسون دعمكم الي
فضلا وليس أمرا
أتمنى تعجبكم 😍

بااااي😍