البارت الثالث
بعد الضياع وجدت الحب
#طائر بلا تغريد #
مساء الخير
شمحلاها لمن تبتسم 😊
طفله بشكل حوريه💫
الرايد يشم ريحة نبي 🌹
خل ياخذ العلويه😍
طلعت لكيت امي وانفال جايين
الله يساعدكم
هله خيتي شلونج
الحمد لله ها يمه شلونج
الحمد لله زينه تعبت والله اليوم
انفال اكلج لوله الغده بلمطبخ صبينه تره كلش جوعانين
يلله هسه تدلل
ام انفال اني رايحه اصلي وجي
حضرة الغده وصحتهم بس شني كل شويه عبالي يدرون بلي صار
متت بدمي لحد ما سالني انفال
اي لوله سولفيلي شسويتي ما سويتي اليوم
ها باوعتله وغصيت بلاكل كتله ماسويت شي ليش
شني ليش غير اسال عادي
ها لا ماسويت شي بس نضفت وبعدين سبحت
ها خوش باجر انشاء الله هم نروح للمستشفى
نكمل التحاليل
واني اروح وياكم
لا حبيبتي انتي ضامينج للجبيره مابعد العمليه
ها وشوكت العمليه
انشاء الله بعد باجر
الله كريم
ام انفال يمه العصر نروح للامام نزور
اي يمه انشالله نتعشه ونروح بليل احسن
كلت بكلبي يبو حته هنا بليل اطلع
تغدينه ولملمت البيت نمنه شويه بعده كعدنه
انفال يمه اني طالع شويه واجي حته نصلي ونطلع
طلع انفال بعده امي راحت تقرء قرأن
اني ضليت احوس اريد اشيل البرده واباوع للمول شلون
رحت كعدة يم الشباك شلت البرده
وفتحت شويه من الشباك لان جام الشباك مشجر ميبين منه شي
فتحت شويه من الشباك وشوف نفس الولد واكف باب المول
ويلعب بلمبايل
اني اخذتني الصفنه عليه شكد حلو شكله
طويل ولبسه يخبل
شفته رفع راسه باوع عل شباك وعدل وكفته
لأل عزه بس لا شافني هذا سديت الشباك والبرده واني ميته خوف
شلون لو شافني
بس اني محجبه حته لو شاف
لا مستحيل يشوف لان اصلا اني مفاتحه الشباك بس هيج سانتيم
شلون شاف
اووووووه والله خايفه ياربي والله مو قصدي اباوعله
