البارت الثاني عشر
بعد الضياع وجدت الحب
#طائر بلا تغريد #
مساء الخير عليكم
جواد...... بعد الشهر كعدت بس جنت فاقد ما اتذكر شي
اباوع لهلي واريد اتذكر ماكو
بعده باسبوع رجعت للبيت
بس جانت ذاكرتي تروح وترجع
لحد يوم جنت كاعد بغرفتي فتحت كنتوري طلعت صور اباوع الهم شفت صوره اني وسحر ويانه وحده مبوشه
حسيت كلبي كام يدك
اباوع لعيونهه هاي العيونه كلش عزيزه عليه
اخذت الصوره ورحت عل سحر
اكلج سحر هاي البنيه الويانه منيه
يا هاذي لآل
جواد....... من سمعت اسم لآل تخربطت احوالي
منو لآل
لآل هاي بنيه عراقيه لكيناهه تايهه وخذته انت رجعتهه لهلهه
شجاك جواد حته لآل ناسيهه
جواد...... لا جاي اتذكر بس هيج لقطات تجي وتروح
سحر.......هاذي البنيه ساكنه هنا وأشر عل كلبه
جواد...... شنو يعني
سحر.... يعني هاي الحب مال انت من وصلتهه لهلهه وجيت اتفقت ويه ماما نروح نخطبهه الك
بس صار الحادث وعفنه الشغله
جواد..... يعني شنو معقوله اني نسيت حب حياتي
يعني البنيه هسه تنتظرني
سحر.....والله انت كلت اتفقت وياهه كم يوم وتروح تخطبهه
جواد....رجعت الغرفتي واني ضايع بس اردد
لآل لآل لآل
شلون نسيت هلشي المهم يعني هسه لو ما اني شايف الصوره مجان عرفت بيهه
وكعت عل كاع واني ادعي ربي يساعدني وتذكر شي
لآل ..... بعد ما جواد سافر وبعد ما رجع امي كالت
شفتي يمه راح جواد وبعد مارجع هو لو صدك يحبج جا صدك وياج
مو يعوفج اكثر من شهر
يمه خاف عنده ضرف
لا يمه ضرفيش هذا الي يخليه ينساج وحته لو مايكدر يجي هو مو عنده رقم اخوج ليش ماخابره
لآل.... كلام امي وجعني حيل بس ماصدك اني اثق بجواد لو ما يحبني ماحافض عليه
وجان اخذ الي يريده مني من جنت بيتهم
لا يمه انتي غلطانه جواد مو هيج ابد
اكيد عنده ضرف صعب خلاه مايجي
بقت امي يوميه تحجي عل جواد واني ادافع عنه
لحد ما اج علي صديق انفال وهنا جانت الصدمه
عبير..... اكلج لآل تدرين اخوي علي يعرفج وشايفج
لآل..... معقوله وين شايفني
عبير.... مو علي صاحب المول الي جان كبال الشقه مالتكم بأيران
لآل..... لا بربج هو الي .....
عبير...... ههههه اي هو الي......
لآل..... ههههه الله يحفضه والله بيومهه هو انقذني ردت اموت بيومهه
