البارت العاشر
بعد الضياع وجدت الحب
#طائر بلا تغريد #
مساء الريحان🌹🌹🌷🥀
شنو ولج هلحجي السمعته شعندج ويه الولد
لآل..... التفتت لكيت امي واكفه وعيونه تجدح نار
ام انفال...... ولج لآل هيه هاي التربيه مالتي رايحه تتمعشكين
لآل..... والله العظيم ماعندي شي يمه اترجاج اسمعيني
ام انفال...... امشي ولج يبت بطني حرامات التعب بيج
بعد وبعد شني الصاير بينج وبينه احجي
رواسي..... كمت لزمت امي وكتله
تعالي حبيبه اكعدي هنا ارتاحي واني احجي وياك
ام انفال..... مالي كعده ويه هاي الما مربايه
لآل..... اول مره اسمع امي هيج تحجي عليه تخبلت بقت عيوني تجري
رواسي..... لآل كومي اطلعي اني احجي ويه امي
لآل.....كمت طلعت واني دموعي تصب
رواسي..... يمه الولد قصده حلال ولو ما شايف اخلاق لآل وتربيتهه ماجان كاللهه اريد اخطبج
ام انفال.....ومنو يكول حجيه صدك يجوز جان يجذب عليهه
رواسي.....رغم اني متأكده حجيه صدك ورايد لآل بالحلال بس هم نطيه فرصه نشوفه اذا جان صادق او لا
وبعدين نتصرف بس اهم شي لتحجين شي هسه لحد ما نتأكد
ام انفال...... خوش بس ماريدهه تحجي وياي لحد ما نتأكد
رواسي.....فدوه العينج يمه خطيه هاي مكروده والله وماعده هاي السوالف
لاتشمتين بيه الناس ونتي كلش تعرفين الناس ماترحم
واذا سمع بيه ابوي راح تموت
ام انفال...... استغفر الله العظيم الله كريم خليني اهدء هسه ونشوف
رواسي......ههه فدوه لعينج يحبيبهه انتي ام كلب الحنين
طيني ايدج ابوسه ولا تخربين علينه فرحت رجوعه بلسلامه
أم انفال...... كافي ولج هو اني اكدر للسانج ههههه
رواسي....راح اصيح لآل خطبه ماتت بجي هسه تلكينه
لآل....بعد ما سمعت حجي امي تخبلت كمت بس ابجي
رحت للغرفه الثانيه وكعدت ابجي شويه اجتني رواسي
ولج كومي يمعزايه طيحي عل راس امج وصالحيهه
لآل..... شلون خاف تطردني
رواسي ...... لا اني حاجيتهه متطردج كومي وياي
لآل.....كمت ويه رواسي دخلت للغرفه ذبيت روحي
عليه وكمت ابجي
وهيه تمسد عل راسي وتحجي
يمه الله مايرظه بنيه تحجي ويه زلمه غريب واني اخاف عليج انتي صغيره بعدج وكلشي متعرفين بهلدنيه
يمه والله شكد ظليت عدهم مايوم تجاوز عليه ولا سمعني حجايه مو حلوه
تدرين جان يطلع من الصبح وميرجع لحد الليل حته اخذ راحتي بلبيت
بس من وصلنه للنجف سالني اذا اجي اخطبج تقبلين وهاي هيه
