#سراج_وميس
#البارت_2_
للكاتبه
#هدى_ابراهيم
؛:؛:؛:؛:؛:؛:؛:؛:؛:؛:؛:؛:؛:؛
؛:؛:؛:؛؛:؛:؛::؛:؛:؛:؛:؛:؛:؛
دخلت غرفتي غيرت ملابسي
وغسلت .. واجيت للمطبخ ..
هلو خواتي الحلوات
بوسه فروحه ..
بوسه مريومه ..
ها ميوس شلونچ بالدراسه ..🤔
فروحتي كلما تشوفيني سأليني هذا السؤال ..
ماوصيج بعد ..!!
ها ام لسان بس لا فالتتها ولچ ..
ماما سكتي بناتچ
اريد اكل (لكمه) بهدوء ..!!
لاتضوجوها ولكم ..
هاليوم بيبيتكم چانت دازه عليها ..!!
ومستلمتها سوالف عن الزواج ..
وتعرفون بيبي بعد ..!!
عاطن ثنينهن .. يبووو
وضحكن ..😆😆
اكول عيني ست مريم
انتي مو اكبر مني ..
وبعدچ مامتزوجه ..!
ليش بيبي شاده ويايه اني ..
تريد تزوجني (لسراج المعقد) ..!!
هو دروچ بالزواج .. مو دوري ..!!
لچ يامعقد (فديت ربه)
بس خل يفتح حلكه
ابطل من البايولوجي وباجر اتزوجه ..😜
وبعدين يادور يابطيخ
هي بيبي رايدتچ انتي لسراج ..!
مدري ليش .. وشكو براسها ..!!
فرح : ولكم نصو صوتكم لاتسمعكم ماما واكفه يم الطباخ ..!
خو انتي خلصانه ست فرح ..!!
صدك شخبارچ ويه خطيبچ سولفيلنا ..!!
سكتي .. ماعليچ بأخباري .. عيب ..
خليچ بالكيميا والفيزيا مالتچ ..!!
هاي كل البنات خواتهم هيچي مكروهات .. لو بس اني ..!!
سديتو نفسي عن الاكل ..
ياسدينا نفسچ
تعالي آكلينا بعد ..!
اصلآ الآكل وياكم مابيه كل طعم ..!!
اوووي ماما بناتچ يگرصوني ..!!
ولكم عوفو ( الطفله ) تاكل لعبتو نفسها ..😳😜
ماما ياطفله هاي ..
هسه تتغدى بينا ثنينا ..!!
بس نريد نعرف آلاكل وين يروح ..!!
ماما اني مآكله ..
شفتيني آكلت ..!!
لا ماما شماكله .. سوده عليه ..!!
ماما صدك تحچين ..!!
يمكن ماعونين تمن آكلت ..!!
ليش يبين عليها ..
ماندري وين يروح الآكل ..!!
شفتي ماما شلون حاطين عينهم ع ماعوني ..!!
شفتيهم شلون نفسيات .. ويع .. ويع
گامولي ثنينهم ..
لچ ماما لحگيلي ..!
دخلت غرفتي وقفلت الباب ..!
ماما انام ساعه وكعديني ..
عندي دراسه ترى ..!!
الله واخيرآ فراشي
هووووبا ..😴😴
تممدت .. وحظنت مخدتي .. وصفنت ..🤔
افكر بكلام بيبي ..
معقوله اني مبين عليه معجبه بسراج ..!
واني نفسي مااعرف ..!
هو اني فعلا معجبه بيه .. لو بيبي غسلت دماغي بسوالفها ..!
بس هذا الكائن چنه حايط ..!!
مايتفاعل ويه اي بشر ..!!
شايف روحه شوفه ..
ع شنو دانعجب بيه ..!!
ماكو موقف معين ..
ماكو سبب منطقي يخليني انعجب بيه ..!!
هو صح شاب جميل ..
طول .. ورشاقه .. وجسم .. وثكل ..
( اويلي عالثگل ) ..!!
بس شخصيته مبهمه للكل ..!!
مااعرف اي شي عنه ..!!
والله يابيبي سوالفچ تدوخ .. وين لگيتيلي هالموضوع هذا ..
واني من كل عقلي دافكر يالله ..!!
عندي دراسه بگد شعر راسي ..
غفيت .. ورحت بسابع نومه ..!!
كعدتني ماما مغربيه ..!!
ليش ماما حرام عليچ
عندي كومه دراسه
شلون راح الحك هسه ..!!
بابا تقبل هيچ ..!!
باباتي دسلمي الاول عابت هالشكل ..!!
يآربي والله شككتوني بروحي ..
هو صدك اني ماحلوه ..!!
منو يكول هيچ عليچ
غير اكص لسانه
واذبه للكلاب ..!!
اول شخصيه ابن اخوك (الصغير) ساري التحفه ..!!
يعيب ع شكلي ..
باباتي وانتي ماتعيبين عليه .. احچي الصدك بلله ..!
ثاني شخصيه والدتك العزيزه تكول عليه ( غمه ) ..
تقبل بابا بهذه الحچايه ..!!
باباتي بيبتچ تحبچ هوايه .. الچ معزه خاصه عدها ..!!
بعد منو يعيب عليچ داشوف بلله ..
بناتك المفلفلات ذولي ..!!
شوف بابا .. اشهد ..
شلون يگرصون بيه ..!!
ميس ( الفتانه الكذابه ) ..😳😳
شوكت احنا مضوچيچ ..!!
سمعت بابا الكلمات الزباله الي كالوها ..!!
باباتي خواتچ يتشاقون وياچ ..!!
يحبون يلاشوج ..!!
انطيني بوسه باباتي
اروح انكرب عالدراسه ..!!
واحنا ولچ .. مالنا بوسه ..!!
واني اظل كل شويه ( امطك ) بيكم ..
ايع ..😳
دهاااج لعد .. طراااخ
بالكوشه ..!!
بابا كافي تتناگرون
دوختونا ترى ..!!
باباتي اني رايحه لغرفتي ادرس ..
التحچي بيهم انطيها
( طلقه الرحمه ) ..😆
ترى خواتي مايعرفن يسكتن ابد ..!!
يمه باع الجدول ..😳😳
مين ابدي ..
شراح الحك هسه ..!!
توكلنا ع الله ..!!
وجره وحده لحد الساعه (12) ..
ها ماماتي ماتعشيتي اليوم سوده عليه ..!!
امي نص ساعه واخلص انشالله ..!
دخذي هاي اللفه آكليها كلش تعبتي حبيبتي ..!
والله ماما معدتي متقلصه .. كلشي مامشتهيه ..!
روحي نامي ماماتو .. اذا جعت تعرفيني .. لاتخافين عليه ..!!
كووود نايت ..
كووود نايت ..
واندكت الباب من جديد ..!
ماما كتلج من اجوع اني اروح آكل ..!
ميوس حبيبي اني مريم .. رايحه انام ..
تريدين شئ مني ..
خاف جوعانه بيبي اسويلج لفه ..!
حبيب قلبي مريوم اريدك دايم ..😗
عشر دقايق بالضبط وفروحه ع راسي
يمه سوده عليه بنيتنا هاليوم مدگوره بالغرفه ..
لاآكل .. ولاشرب ..!!
فروحتي هسه راح اخلص واسوي هجوم مزدوج عالطباخ .. والثلاجه ..😆
بس نامو انتو ولايظل بالكم عليه عاد ..!!
ويه طلعه فروحه دخل بابا ..😳😳
بابا عليك الله لاتكلي گومي اكلي ..😣
رجاءآ .. داترجاك يعني ..!!
ليش باباتي بعدج لحد هسه مامتعشيه ..
كومي اكوليلچ لكمه ..
ولاتظلين جوعانه ..!!
ياالله .. اهئ .. اهئ
ولاتنعوصين ولچ ..
يلله تصبحين ع خير ..
وانت من اهل الخير
مجيد بيگ ..😙
ياالله واخيرآ خلصت دروسي ..!!
اريد اشم ريحه فراشي ..😴😴
هوووووبا ..
شويتين .. واني صافنه .. واتگلب بفراشي ..!
رن مبايلي ..!!
هلو ميس ..
هلو ساري .. شعندك داك عليه بهالوقت ولك ..!!
مشتاق اسمع صوتج غير ..!!
دمشي لك .. وين الحب مالتك لعد .. شعجب عايفها ..!!
قصدج (البومه) مالتي .. عنفصت عليه وراحت ..!!
بس تدرين كله صوچچ ..!!
اني شكو ولك ليش تبليني ..!!
ياول داكلج تعاي نكبل اني وياچ ..
ارسب هالسنه بالبكالوريا وتلحكين بيه ..
وندخل كليه سوى ..
بشرفي نتونس .. غير احلى (كبل) احنا ..😍
عوفي سالفه احنا اخوان .. لاتصيرين ( غمه ) ولچ ..!!
والله انتي احلى ميه قاط من ( البومه ) الي مكبل وياها ..!!
ها يعني تراجعت بكلامك .. مو ( عوبه ) اني ..!!
هو انتي عوبه .. عوبه .. مابيها مجال لاتحاولين ..🙈🙈
ياسخيف .. لو تموت مااتزوجك .. اوووع
اني ازوج واحد اكبر مني بسنه وحده بس ..!!
اذا مو (3) سنين .. وفوك ..
مااقبل .. مااحس بالامان ..!!
اهووووه .. گامت تلمح ع سراج ..
لچ بابا سراج مايحبچ .. عوفيه ..
لاتوغفين عليه ..!!
لك ياسراج هذا .. كافي تجيبون اسمه گدامي .. ترى لعبتو نفسي حيل ..!!
شطلعت هاي وياچ ( الاميره ديانا ) ..🙊
المن تريدين لعد ..!!
مابقى عدنا بس ( سري ) ..!!
وهذا دايخ بغير ملكوت ..!
احنا اهله مانشوفه ..!!
يفتر مثل المصرع ..
بين الدوام والجم والبنات والمواعيد ..
مامخلي شي بنفسه ..!!
هم مايفيدج مو .. برنسيسه ميس ..!!
ولك انت كاعد تدلل عليه بهالليل جايبلي عرسان .. شكلت لروحك بالله ..!!
لچ ياعرسان هو انتي مال زواج ..
فاصله من الرئيسي بشرفي ..!!
عود حظني المخده ونامي ..
گبر شگد بارده ..!!
ولاعندج احساس ..!
ولك ساري لاتجفص
بلا (قله ادب ) ..!!
لك هاي تكول قله ادب
خرب عمي .. وين عايشه هاي الاختراع ..!! راح تخبلني ..!!
لعد عبالك مثل ( المؤدبات ) صاحباتك ..
الك .. ولعشره غيرك ..!!
يروحولچ فدوه هن وعشيرتهن ..
ولو كلچن (بومات) تشتركن بهالصفه ..!!
شگد لئيم .. مايعرف يكمل حچايه مثل اوادم ..!!
ادري بيك ابد ماتشجع بس مضطره اسألك ..
بلكي الله يهديك
وتجاوبني الصدك ..!!
گولي ولچ شرايده ..؟؟
بشرفك ساري ليش اني بالذات ..!!
اشو احسكم دايخين بيه .. وحايرين بزواجي من هسه ..!!
لعد خواتي ليش مافكرتو تخطبوهم ..!!
باع يالله گامت تدلل ع خواتها النوب ..😜😜
ولك انچب معايزين عليك همه ..!!
اني بس داريد اعرف .. مجرد فضول ..!!
گام يضحك .. ليش تضحك ولك عابت هالصوت .. وبلت ..!!
هو غير اني محطم ثقتج ابنفسج ..!
شگد مأثر بيج لعد
وتكوليلي "مااحبك"
تموتين عليه انتي ..😜
دحچي عاد شگد مكروه ..!!
لچ غير تموتين بعرضي ..😳
قاطعته ..
خواتي هم حلوات ولك ..!!
لچ ياخواتج .. عدكم مرايه بالبيت لو لاء ..!!
لچ غير ( تشگين شگ )😳😳
خرب عمي الخلفج ..
لا والله خرب عمج الخلفني قبلج بسنه ..
وخلاج تلزميها حجه عليه ..!
چان والله ماافوتج ..
حتى لو ازوجج غصب ..!!
هسه ماكتلي ولك ساري شنو سبب هذه المكالمه السعيده بتوالي الليل ..!
لچ صدك نسيتيني
شكد تلغين دوختينا ولاسكتي ..!!
بيبتچ قبل شويه كالتلي ادگ عليج ..
رايدتج باجر ..!!
لاتكولها ساري ..😳😳
ولك سوالف بيبتك
تجيب المغص ..😣
كلها عن الزواج .. و+18
عود يأثر بيج فوگاها مطفيه .. كلشي ماكو ..!!
يلله عاد ولك ساري
ورايه كعده من الصبح ..!!
ثاني يوم برجعتي هم رايحه امر ع بيبي ..
هلو ساري ..!!
شو واگفلي بالباب ولك .. شبيك ماشايف ..!!
غير مشتاقلج ومانمت الليل من وراچ ..!!
اگولك ماتنطيني رقم ( العوبه ) مالتك داحرگ فلمك يمها ..!!
هي هاي العايزه .. بلا شي هي مبومه
عليه هالايام ..!!
غير انت مو ( راحه )
ماادري شلون مستحملتك اتعجب عليها ..!
ديلله هسه علساس هي ( رابعه العدويه )
عبالج كل البنات مطفيات مثلج ..!!
امشي افتحلي الباب دافوت عاد ..
شو دتعاااااااااي ..
لك اييييييي
لاتعصر ايدي
ولك ساري شكد مكروه ..!!
هلو خاله شلونچ ..
باعي ابنچ شسوه بأيدي ..😥
لك ماما ساري مو هيچي الشقه ..
هاي بنيه ماتتحمل ترى شقاك الثگيل ..
ياماتتحمل يوم ..
احچيلها ميس شلون يوميه چنتي تعضيني من ايدي من اربح عليج ( بالدعابل ) ..😆😆
بشرفچ يوم بحياتج شايفه بنيه تلعب دعابل ..🙊🙈
خاله اني شمعرفني
هو چان يبوگهن من اصدقائه .. ويجيبلي ياهن هديه ..😳
بس ماينطيني ولا وحده ..
وكله بس هو يفوز ..
ويزاغل عليه فوگاها ..😆
( ابو زغيله مايربح ) ..
باع يالله هاي بعدها لحد هسه مقهوره ..😝😛
خخخخخخخ
ها خاله اشو انتي هم تضحكين وياه ..😅
انشگت بطنهم من الضحك ..🙈🙈
يلله عاد مو صوجگ
اني داخله لبيبي ..
بيبياتو الغاليه شلونچ بيبي ..؟؟
ولكم وين (الچاي) الطلبته صار ساعه ..!
متكولولي هو چاي لو باچه ..!!
بيبي هسه اني اروح اجيبلچ الجاي ..
خاله بيبي رايده چاي ..
حبيبتي توني صبيته بس وديه الها
بلا زحمه عليچ ..
وهذا الجاي لاحلى بيب........
(وشفت سراج)
هلو سراج ..
هلا .. هلا بيچ
بدون ماينتبه حتى ..!!
عاشت ايدچ بيبي ميس
صلوات عالنبي ..!
اني ادري شبيهم الشباب .. عميان .. ماعدهم نظر ..😳😳
اگول بيبي سراج ..
گولي حبيبه ...
( يگلب بميايله وملتهي ) ..!!
انت شوكت تتخرج ..؟؟
بيبي عن قريب انشالله ..
ماظل شي ..
هااااا
خير انشالله ..!!
بيبي ميس ناوشيني الچاي ..
يلله بيبي تفضلي ....
داقدمه لبيبي وعثرت بالعصا مالتها
ووكع الجاي ع سراج ..😳🙊
وعاطت بيبي
گلبت الدنيا بالعياط
يمه وليدنا .. اسم الله
انزع .. انزع الشورت بسرعه ..🙈🙈
بيبي ميس ساعديه نزعيه الشورت بسرعه ..!!!
متنا من الاحراج ..😰😰
سراج طلع يركض من الهول من وره بيبي ..!
واني وجهي صار بالضبط ( طماطايه )
بيبي صدك .. چذب ..!!
الطخ راسي بالحايط هسه ..!!!
لچ شبيچ فاهيه لخاطر الله ..!!
بيبي اني مو فاهيه
انتي عثرتيني بالعصا مالتچ ..!!
مديتيها گدامي من داقدملچ الجاي .. وعثرت ..!!!
لچ فاهيه .. هي گوه
مو كتلج نزعيه الشورت بسرعه .. شبيچ ماتستلمين ..!!
بيبي يصير اشيب واني بهذا العمر .. تقبليها ..!!
يايمه سوده ومصخمه ..
تشيبين وانتي بعدج مامتزوجه ..!!
عزه العزاها لامچ اذا صدك ..!!
كعدت واني مقهوره من الموقف .. وصافنه .. ومحرجه ..!!
صاحتني بيبي .. تعاي بيبي تعاي ..
لاتزعلين مني
هو بس انتي بقيتي لاهلج ..
نريد نفرح بيچ ..!
تزوجي وكملي دراسه مابيها شي ترى مايمنع الزواج
بعد امي وابويه لاتزعلين ..
بعد شيبي ..!!
بيبي والله مو بس اني ..
عندي اخت اكبر بعدها مامتزوجه يابيبي ..!!
حبيبتي اختچ ذيچ
هم يجيها نصيب ..
يگلبها واحد ( ملعون ) من الكليه
يعشكها .. وياخذها ..!!
بس انتي ماتتفوتين ولازم تصيرين لابن عمج ..!!
اني قررت وانتهى الموضوع ..!!
كتلها بيبي تريدين شي مني قبل ماروح اني كلش تعبانه ..!!
كالتلي وينه هذا ابن عمج الملعون خل يوصلج ..!
اني مادري شلون اهلج يخلوچ
ترحين وتجين لدوام وحدج ..
شلون يأمنون ..
مايخافون عليچ ..!!
اجاني ساري امشي داوصلج ..
ادري ابتليت اني بيچ
اخوانج هجو منج ..
سافروا
عافو مسؤليتج عليه ..!
ها ولج ميس شو ساكته ..!!
مو عوايدج ..!!
كافي ساري لاتتشاقه بكل وقت ..
خلي عندك احساس ..!!
لچ والله شكلها بيبتج عالستج ..
شو مكتومه .. كتم ..!
وجهج صاير مركه طماطه ساده ..
مدري معجون ..!!
حرامات وصلنا لبيتكم بسرعه ..!
تعزميني ع شي
لو تلزميني الباب مثل كل مره ..!
روح عاد ساري مالي خلكك ترى ..!!
امداچ شكد بخيله يلله رايح .. بااااي
دخلت للبيت يادوب سلمت ع ماما ومريم
ورحت لغرفتي ..
صاحت عليه ماما واني امشي .. غيري ملابسج وتعالي تغدي ..!
ماما من اجوع اني اجي اتغدى
ولاتلحون عليه كل شويه ..!!
ذبيت جنطتي بالكاع
ورحت ع فراشي .. تمددت ..!
لااني نايمه .. لااني گاعده ..لامتحركه ..
لاتعابير ولا ايموشنات غير الصدمه ع وجهي ..!
لحد ماجتي لحظه
ماادري شلون غفيت ..!!
حسيت ع ماما تكعدني عصريه
ايي امي كعدت والله ..
ميس كومي بدلي ملابسج بسرعه رايحين لبيت عمج ( معيد ) ...
ليش ماما .. اكو شي ..!!!!!
يتبع ،.،.،.،.،.،.،.،
التكمله عالتفاعل ..😉😉
