#سراج_وميس
#البارت_8_
للكاتبه
#هدى_ابراهيم
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:
وبلش دوامي بالكليه
واني فرحانه حيل ..
صار عندي زملاء وزميلات جدد ويه (رشا) ..!!
هوايه شباب صارحوني .....
ماانطيت مجال لاي احد بيهم ..
مو وكته الموضوع ..!!
وبيوم واني طالعه للدوام شفت زوجه سراج تمشي بالفرع
هي موظفه شكلها
رايحه لدوام او شي ..
كلت (اوسخها) هسه بمي الشارع ..
لو ادعمها فد مره احسن شي ..😛😜
ضحكت ويه روحي ..!
فتت من يمها
تجاهلتها تماما
كأنو مااعرفها ..
من عبرتها
باوعت بالمرايه ..
شو هاي ماكو ..!!
ركزت ......
يمكن هاي متخربطه بالشارع ..!!
رجعت رجوع عليها
نزلت .. لكيتها لازمه بطنها ومتألمه
ماتكدر تعيط ..!!
لزمت ايدها ..
سندتها ..
كتلها ارجعج للبيت لو شنو ..؟؟
سراج موجود لو لاء ..؟
جلبت بيه كالتلي الله يخليج نقذيني ..!!
اني جسمي كله كام يرجف ..
صعدتها بالسياره
اجت ابالي مستشفى اهلي شايفتها بطريقي ..
هي الطريق تتوسل بيه وتكلي (نقذيني) .....!!
اخذت مبايل اريد اتصل مداكدر اتصل
جسمي كله يرجف..
هالنوبه الشارع قافل
كتله للمرور رجاءآ حاله انسانيه ...
كالي فتحي اشاره وطبي
(رونك سايد) ...
الله ينطي ساعدني ..
وصلت المستشفى صحت الموظفين
جوي شالوها بسديه ..!!
طلع الطفل ميت ابطنها ..
لحكناها بأخر لحظه ..
اتصلت بسراج بلغته
اجوي هو ووالدته بسرعه ..
بقو يمها واني طلعت ..!!
طول الطريق بقيت افكر ...
شكله يحبها حيل ..
جان ميت خوف عليها ..!!
عموما الله يسعدهم ثنينهم ..!!
رجعت لدوامي ولكليتي ..
مرت الايام ........
خلصت السنه الاولى
وانتقلت لمرحله جديده ..
مريومتي تزوجت وراحت شهر العسل لاسطنبول ....!!
اني مشغوله بدوامي ..
وايضآ تطوعت بمنظمه انسانيه لمساعده المهرجين والنازحين ..
حسيت بالرضى النفسي ..
تصالحت ويه روحي بعد الحالات المأسويه الي داشوفها واتعامل وياها ....
سراج صار مجرد نقطه بصفحه الماضي ......
بأي شي نكدر نساعدهم ونقدم يد العون ..
واحيانا بأمكانات بسيطه ..
بس حسب مانشوف تفرق هوايه ..!!
ولهذا مستمرين بحملاتنا ويه المنظمات .....
انتقلت المرحله الثالثه
واني طول فتره العطله مستمره بدوامي مع المنظمه ..!
مااريد يكون عندي اي وقت فراغ ماطول اكدر اساعد غيري ..!!!
وبيوم جنت راجعه متأخره جدا ميته تعب ....
الطريق كله اريد اغفى واني اسوق ...
قريب مااوصل ....
واسمع صوت انفجار يدوي ......!!!
الدنيا انكلبت بالشارع ..!
سيارتين دعمتني كل وحده بجهه ..!!
صار دخان اسود ورمي وعياط وهوسه ...
والناس ماتعرف مين تهرب ..
المنظر مرعب كأنو يوم القيامه بالضبط ..
اني جنت بسيارتي عالشارع
مااعرف شلون ..
وشوكت لكيت نفسي داخل افرع .....
اطب واطلع منها
ابتعدت عن الهوسه ونجيت بمعجزه آلهيه ..!!
دخلت فرعنا لگيت
ساري يركض ....
دكيتله هورن
اشرلي رجعي للبيت ..
يايمه خويه سوده عليه ..
وين رايح هذا الي الله خالقه بلا عقل ..!!
اتصل عليه مايجاوبني ..
يآربي بردآ وسلامآ
ع هالناس الفقره ...
يآربي الطف بيهم ولاتفجعهم بأحبابهم ..
بقيت بذاك اليوم ابجي وادعي ...!!
ماما كالتلي حبيبتي لاتخافين انشالله ماكو شي ..!!
كتلها ماما غير انتي ماشفتي المنظر ..!!
والله ماما لو ( اسوء ) بشر الله خالقه
ماتتمني له يموت بهذه الطريقه ..!!
ماما كامت تبجي وتلطم ع الناس الابرياء ..!!
لليل كلش دخل بابا علينا ..
ويصيح لاحول ولاقوه الابالله .......!!
يعيدها اكثر من مره ..!!
اني وماما انهارينا
كالتله وين جنت ؟؟؟
بابا جان ابيت عمي
وكالنا (زوجه سراج) مفقوده بالانفجار ...
طلعنا نركض ركاض لبيت عمي ...
جانو بس بيبي ومرت عمي وسؤدد موجودين ...
عمي وولده ماكو ..!!
مرت عمي وبتها يبجون ثنينهم ..!!
اتخبلنا انهارينا
نريد احد يطمنا ماكو ..!!
لااحد يجي .. لايجاوبون متنا من القلق والتفكير ..!!
تلفت اعصابنا ...
بقو الليل كله يدورن
واحنا ننتظر خبر منهم ..!!
اني الظاهر غفيت الفجريه ع قنفه بالهول ..
كعدت الصبح ع صوت عياط مرت عمي ..!!
شفت سري ملابسه مصخمه وكلها دمايه
جريته من هدومه كتله احجي ولك ......
كال زوجه سراج .....
ودمعت عيونه وبجى ..!!
اني ماادري اسكت ماما
ماادري الزم مرت عمي
ملخت روحها تملخ ..!
وماما تلطم وياها ثنينهم فقدو ...!
التمت الناس علينا
وكبت العيطه اكثر
ياهي التطب علينا تعيط ..!!
بقينا الفاتحه 3 ايام يمهم ....
سراج تقريبآ تخبل
كلش فقد ...
الفاتحه كلها هو مصدوم .. وحاله يصعب ع الكافر ..!!
خلصت الفاتحه
وخلصت روحنا وياها
انهد حيلنا كله ...
رجعنا لبيتنا ...
ماما تعاي جاوبيني :
الله يخلق البشر ويتعب عليه ..!!!
تاليها يموت بالشارع
بحزام ناسف غبي ..
لو مفخخه لعينه ...!
شبعنا قهر وضيم ..
يآربي الى متى ...!!
اني تعبت نفسيتي من الفتره الصعبه هاي ......
بالكوه رجعت لدوامي وكليتي ...!!
اريد هالسنه تعدي ع خير ...
لازم اسافر بهذه العطله بعد ......!
انشالله عن قريب تخلص هالمرحله
واطلع اسافر ....!!
يتبع .................
يتبع .................
يتبع .................
