#سراج_وميس
#البارت_6_
للكاتبه
#هدى_ابراهيم
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛؛:؛:؛:؛:؛
ميس اعترفي ....
انتي تحبين سراج ..؟؟؟
ماكدرت اجاوب ابدآ
ع هذا السؤال ...!!
بالحقيقه ماعرف اذا ماكدرت ..!!
لو ماردت ..؟؟
كعدت الصبح بعد الريوك بلشت مشاوير محاضراتي ..
ولاكلمه استوعبت بهذا اليوم ..!!
الاستاذ كل شويه يلفت انتباهي ..!
وكل شويه ارجع اشرد بأفكاري ..
الاستاذ كالي روحي اليوم تعالي باجر اعيدلج الماده ..
كتله اعتذر استاذ عدنا مناسبه عائليه هاليومين زواج اختي ..!!
كالي عرسكم خميس عوفي الجمعه
تجيني السبت غير شكل ..!!
سلمت عليهم وطلعت ..!!
وخلصت الحنه ..
وصارت الزفه لاحلى اخت كبيره بالدنيا ..
ومكانها خالي بالبيت يارب يسعد ايامها ويهنيها ...
مرت الايام ...
واني من محاضره .. لمحاضره ..!!
رجعت فد يوم للبيت لكيت ماما تحجي بالموبايل .. كملت ..!!
سلمت عليها ..
كالتنا يوم الاثنين معزومين كلنا ع خطوبه سراج ابن عمكم ساعه (6) ..!!
مريم كالت واخيرا فكو الشفره مالته ..!!
هاي ياعبقريه جابته ..
والله عمي صدك سباعيه ..!!
رحت لغرفتي غيرت ملابس .. ونمت ..!!
اجى يوم الاثنين
ماما ومريم مجهزين نفسهم فول ..
كالولي ميس جهزي نفسج شتنتظرين ..!
كتلهم عندي محاضره ساعه 6 مستحيل اكدر ..!!
كالولي آجليها
كتلهم : ابد ..!!
رحت لغرفتي غيرت ملابسي
واتصلت ع صديقتي (رشا) كتلها موجوده بالبيت ..؟؟
كالتلي اي حبي وين اروح ماعدنا محاضرات هسه ..!!
كتلها جايتج اني للبيت ..
فرحت حيل كالتلي انتظرج ..!!
طلعت ورحتلها
بقينا سوى نسولف
غيرت جوي ..
گالتلي شبيج ميس
مو على بعضج ..؟؟
كتلها دخيلج رشا اتخبل من هالسوالف وهالاسئله ..!
احجيلي شنو احدث لعبات كيمز بالمبايل ..!
كالتلي نازله العاب تجنن ولج ..!!
بس شتسوين بالكيمز
واحنا مين عدنا وكت ..!
كتلها تعاي نزليلي وطز بالمحاضرات
وطز بالبكالوريا كلها ..!!
كعدنا ننزل العاب ونلعب ..
ماحسيت بالوقت شلون عدى ..
اخر شي زهكت
انطيتهم حذف كلهم
ورجعت للبيت ..!!
ماما ومريم جانو كاعدات يسولفون
ع الحفله ..
سلمت عليهم
ودخلت غرفتي .. ونمت ..!!
تروح ايام .. وتجي ايام ..
سراج كطع مهر ..
وعن قريب راح يتزوج ..!!
اني افتقدت ساري حيل
مامتعودين نتزاعل اني وياه ..
دگيت عليه ..
جاوبني من وره خشمه ..
كتله ها ساري لاتلبسلي جنگو ..!!
مو اني ولك ..!!
كالي كولي لروحج هذا الشي ..!!
كتله هو اني كلت لروحي هذا الشي
ودكيت عليك ..!!
بقيت اسولف وياه
شويه .. شويه
بده يفك وتصالحنا ..
وكتله بعد اخبار سراج
مااريد اسمعها ..!!
كالي ليش ماحضرتيله ولامناسبه ..؟؟
اني صرت ع قناعه انتي تحبيه ..!!
كتله ساري رجاءا لاتلوص ....
انت تعرف كلش زين
اني ماعندي وقت احك راسي ..
كالي ميس هاي السوالف لاتسولفيها وياي .. لاتحاولين ابد ..!!
كتله ساري ترجع للسخافه ولعبان النفس
اعوفك واروح هسه ..
گالي لج يمكن انتي مريضه .. !!
لچ شنو هالامكانيه ..!!!
كتله تريدني بالكوه اعترف بشي اساسا اني مامقتنعه بيه ..
تريدني اعترف بمشاعر خاصه لاخوك الي زفافه الخميس الجاي ..!!
منو بينا المريض بالله ..!!!!
(ساري فهم مغزى كلامي) ..!!
كالي عود هم اكو كائنات مثلج ..؟؟
شبيهم البنات مايحافظن ع نفسهن هيج ..!!
كتله ليش تتمنى هالامنيه ..
ترى مو من مصلحتك ..!
كالي صح اني مو برئ .. وعندي سوالف ومغامرات ..
بس مايمنع انو اني احترم البنيه العندها ثقه بنفسها ..!
كتله اتمنى اصدكك ..
بس اذا همه البنات نفسهم مايحبون البنيه القويه ..!
يكرهون ويحاربون اي انسانه عدها رأي ..
وعدها مبدء ..
وعدها فكره خاصه بيها ..
وتريد تحافظ عليها ..!
شلون تريدني اصدك انو ممكن رجل
يشجع هيجي شي ..!!
كاله ماله علاقه ترى
اكو هوايه رجال يناصرون المرأه
وحتى يطالبون بحقوقها ..!!
بينما اكو نساء همه نفسهم يحاربون حقوقهم ..
ويطبقون مبدء :
( اكبر عدو للمرأه هي المرأه نفسها ) ...!!
كتله اووووه يامكثرهن بهالوقت ..!!
يلله ساري ترى اني طول الوقت چنت متضايقه انو احنا متزاعلين ..!!
كالي اني مازعل منج ..
كتله ممنونه الك ..!!
مرت الايام ثقيله
راح يخلص هذا الاسبوع ..!!
الخميس زفاف سراج ..!
يآربي مااريد اروح .. شلون ....!!!
صاحتني ماما كالتلي عرس سراج عگب باجر ..
رايحين اني واختج للسوگ ..
لازم تجين ويانا ..!
غيري جو شويه
مو كله محاضرات ..!!
ماماتي شويه ارتاحي ..
مايصير هيج ترى ..!!
كتلها ماما هاي عود انتي صدگ تحجين ..
ماما ياعرس .. ياسراج ..!!
اني السنه بكالوريا ..
وكل وقت ماعندي ..
لو عندي وقت ماجان بلشت من العطله ادرس ..!
كالتلي ماما مو لهلدرجه آجلي محاضره شصار ..!مامتوازيه ..!!
ماما اني الكم انتو اهلي مافوتت محاضره ..
وشكد اشتاقلكم ..!
وشكد اتحسر عليكم ..!!
كل هذا وتكوليلي مامتوازيه ..!!
ميس شلعتي قلبي شنو هاي ..
ملازم لاتجين ..!!
واجى الخميس
وتزوج سراج ..!!
واني بهذا اليوم ماسامعه من محاضراتي غير رزاله الاستاذه ..ولفت الانتباه ..!
الا شويه ويطردوني ..
گوه تحملوني ..!!
معقوله يكون هذا .. حلم ..!
كابوس ..!!!
اكون نايمه وداحلم مثلا ..!
وماصار اي شي ..
سراج لاخاطب .. ولاشي ..!!
كعدت الوم روحي ..
مو من حقي اضوج ..!!
الولد عمره ماوعدني بشي ..!
اصلا طول عمره واضح كدامي من البدايه ..!!
يآلهي ليش ضاقت الدنيا بيه ..!
ليش هيجي مخنوكه ..!!
مو معقوله الي ديصير ..!!
ها ميس ....
كولي .. اعترفي ..!!
وحتى لو اعترفت ..!
شنو الفايده ..!!
الولد عنده حبيبه ..
وصار متزوج ..!!
واني زايده عالقصه كلها ..!!
يعني مو حب هذا ..!
مستحيل يكون حب ..!!
اذا الحب هيجي ساذج .. وغبي ..
ومايؤمن بالكرامه اني رافضته ..!
وماراح اقتنع بيه ..!!
بدت الايام تصير ممله ..
ماكو شي ممتع ..
مكاعد احس بأي متعه او فرحه ..!!
كأنو شي بداخلي انطفى .....
وضاع مني للابد ..!
يوميا اروح .. واجي لمحاضراتي واني حاسه نفسي انسانه بلا روح ..!!
مجرد جسد آلي ..!!
يأدي وظيفه يوميه مطلوبه منه ..!!
رجعت بيوم من محاضراتي اتمشى وحدي ..
فاتت سياره من يمي بسرعه حيل
وسختني بمي الشارع ..😤😤
شهكت .. رفعت ايدي
وفتحت عيوني ..!!
التفتت عالسياره ..!
لكيته سراج وزوجته ..!!
مندمج حيل ..!
واكيد كالعاده بدون ماينتبهلي ..!!
مسحت بنطروني بأيدي ..
ولگيت دفاتري كلها ملوصه ..؟؟
انغاظيت لدرجه ..
كمت امشي واضحك ..
واضحك .. واضحك ..!!
وحدي وبدون سبب
شفت (حاويه نفايات) بالشارع شككت دفاتري كلها وذبيتها بيها ..!!
باوعت عالمحفظه ..
وانتي شكو باقيه ..!
وشمرتها هي هم ..!!
ورجعت للبيت ..!!
ماما ومريم اخترعو من شافو ملابسي مبلله ..
وماشايله شي بأيدي ..!
ميس ليش مبلله ..؟؟
وين دفاترج ..!!
ماما كل تعبي ضاع ..
ضاع تعبي ...
وانهاريت من البچي ..!!
واخيرآ كدرت ابجي ..!!
ماما ومريم بقو يسكتون بيه ..!
مريم گالتلي اني انقل لج المحاضرات كلها
بس جيبيلي دفاتر من زميلاتج ..!
ولاتشيلين هم ابد
حبيبتي ميس ..
سوده عليه ..!!!
بالليل دك عليه ساري
كالي باجر مري لبيبتج عود ..
كتله ماكدر ساري كولها اي شي ..
ترى ماكله وحل اني ..
كالي ادري بيج ماتتحملين تدخلين بيتنا ..
بس بيبتج مره كبيره ..
اذا صار لاسامح الله ..
بعدين تلومين روحج ..!!
هي رايدتج مريلها 5 دقايق تحملي شلون مجان ..!!
بقيت معتكفه بغرفتي ..!!
ساعه 3 غفيت ..
كعدت الصبح بالكوه تريكت ..
شايله هم المحاضرات
لاالي نفس اشوف استاذ .. ولادفتر .. ولاقلم ولااكتب ..
ولاشي نهائيا ..!!
رجعت لغرفتي قفلت الباب وكعدت وحدي ..!!
اخذت قرار ادك ع اخويه ياسر الي عايش بره ..
يسويلي ڤيزه واسافر ..
بعد ماارجع هنا ابد ..!!
دكيت عليه هوايه ماحصلته ..!!
رجعت لصفنتي شويه ..!!
وشويه ارجع اتصل ..!!
ماكدرت احصلهم ابد ..
رجعت صفنت ..
كلت لروحي ياترى لمه نكون بمفترق طرق ..
وبفتره زمنيه مهمه من حياتنا ..
الها علاقه بمستقبلنا كله ..!!
ونواجه مشكله كبيره ..!!
هذا الشي شنو معناته ..!!
زين واني اذا بقيت حزينه ومعتكفه لاخر عمري ..
منو راح يحس بيه ..!
ماراح أذي غير اهلي ..
واهلي مايستحقون هذا الشي ..!!
ماحد راح تتوقف حياته عليه ..!!
الناس كلها عايشه حياتها ومو بحال احد ..!!
ليش اخسر مستقبلي كله ..!!
وعلى مود منو بالله ..!!
مايصير اسافر واضيع كلشي مني ..
بقت لي سنه وحده بس
وانطلق لمستقبلي كله ..!!
هي هذه الحكمه والمنطق ..
هو هذا الصح ..!!
سراج مو هو ( الحياه ) ...
نجاحي هو ( الحياه ) ...
غيرت ملابسي ورحت محاضراتي ..!!
وبرجعتي تذكرت كلام ساري ..
ظل بالي ع بيبي ..
كلت امرلهآ ......
يتبع ....
يتبع .......
يتبع ............
التكمله = التفاعل ..😙
