#سراج_وميس
#البارت_3_
للكاتبه
#هدى_ابراهيم
؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛::؛:؛::::::؛:؛::؛:؛::؛:؛:؛:؛:؛:؛؛:؛:؛:::؛:؛::؛
حسيت ع ماما تكعدني عصريه ..
اي امي كعدت والله ..
ميس گومي بدلي ملابسج
رايحين لبيت عمج ( معيد ) ..!
ليش امي شكو ..!!
ماكو شي ..
بس بيبي شويه متخربطه ..
ورايحين نطمن عليها ..
بيبي .. اسم الله عليها ياربي ..
الظهر چنت يمها مابيها شي حبيبتي
شصار بعدين ..!!
يمكن ضغطها صاعد ماماتي ..
فضينا بسرعه ..
بدلنا وطلعنا بسرعه
دخلنا لبيت عمي
ملتمين كلهم داير مداير بيبي
يسولفون وياها ..!
ساري ( اللوتي ) كل شويه طالعله بسالفه
ينصب ع بيبي ويضحكهم ..
( حتى يغير مودها )
وبيبي هم ماتسكت له
وتنقع له ..🙈
( امشي ملعون .. لك هتلي .... الخ )
سوولنا (جاي ) وسوالفه
چلبو بينا عالعشا
ماما گالت البنات عدهم دراسه ..
تطمنا ع بيبي وطلعنا ..
كالعاده كعدت ادرس لتالي الليل
الجماعه راحو نامو 😴
(12) ونص كملت دروسي
ورن مبايلي ..
شلون وياك ساري تعلمت تدك عليه بالليالي ..!
لچ ها ميس ( ام السحوره ) ..😳
لك انت (صايع) تدري بروحك لو لاء ..
لا بشرفچ .. همزين گلتيلي ..😝
شعندك داگ بهيچي وقت ..
جايبلج خبر يسوه ملايين ..
بس اذا تقفصين عليه بورقتين
ابيعلج ياه .. عادي ..😝
احچي ساري بسرعه
اريد اروح انام ..
غير اذا گدرتي تنامين ..!!
اليوم من الفرحه تسهرين للصبح ..!
ليش ولك .. شكو ..!!
غير مامصدكه روحچ ..😛
بيبيتج حكمت ع سراج بالاعدام
قصدي بالزواج منچ ..😜
اكلك ماتروح تصالح (العوبه) مالتك
وتخليني اروح انام ..!!
مو كتلچ ماراح تصدكين ..🙊🙈
شوكت هذا الحچي يامعود ..!
ها ولچ اشتغل الفضول ..😛
من طلعتو عيني برنسيسه ..
بيبي گالت للوالد والوالده
بحضور العربس طبعآ
كالتلهم : تخطبون (ميس لسراج) ..
ولو العريس بقى ساكت
( كالعاده) ..!
مايكلف نفسه حتى يهز رأسه ويأيد ..!
بس الوالد والوالده فرحو حيل ..
وراح يورطونا بيچ
شلون سالفه هاي ..😝
گولي للسحاره مالتچ خل تنطي مجال للولد ..
يتخرج وعود يخطبج .. ام السحوره ..😆
ولك ساري والله يعجبني اضربك ..
يعجبني اشبعك ضرب هسه ..!!
واني يعجبني اگولج : الف مبروك حبيبتي ميس ..
اني كلش فرحان ..
(يمكن اكثر من العريس حتى) ..🙈
شگد خبيث ياالله ..
عموما ممنونه الك عالمشاعر الحلوه
نفرحلك بيوم عرسك ..
بس كله كلام سابق اوانه ..☺️
ديلله عيني ديلله
گامت تبيع ثگل النوب ..
شلون شغله هاي ..!
هسه الورقتين آكلتيها عليه ميخالف
ماتسويلچ عمل خير بحياتج قبل ماتموتين ..😆
ها ولك .. شكو ..!!
لچ دگيلي ع (البومه) مالتي
خل تصالحني ..!
صيري فاعل خير ..
سويلج اجر يفيدج بأخرتچ ..
اييييع .. اني ادك ع هيچي نماذج
لو تموت انت وياها
مااتصل .. ولااتدخل بهيجي امور ..!!
ولچ راح تعيشين ابيتنا مو ..؟؟
الا اصبحج .. وامسيج ابكفشه ..
اني اعلمچ ..😆
ولك ساري انت مو هالسنه بكالوريا ..!
اشو ماشوفك ماخذ الدراسه بجديه ..!!
استر علينا ولك
غير انتي عميه ماتشوفين ..🙈
دعنا من الشقه
داحچي صدك ترى ..!
اكولچ هسه انتي ثبتي روحج ابيتنا
حتى تتحكمين بيه ..!
خل نجي نخطبچ
بعدين تحكمي براحتج ..!
الله اليستر من تاليتك ..
والله اذا رسبت هالسنه
ولحكت بيك اني
الا اخزيك ..😜😝
لچ اوكفي هاي دتدك عليه ..
طلعلها انتظار ..😳
خرب عمج ميس
راح تسويلي مشكله جديده ..🙈
يلله افلت بسرعه
روح توسل وصالح ابو لسان
ماينخاف عليك ..!!
لج راح اكولها داحجي ويه خطيبه اخويه
خاف تدك عليج مو تحركين فلمي ..😳
لاتخليها تدك ولك اريد انام اني
ولاتطي رقمي لهيچي شكولات ..!
راح ساري ..
يمكن ربع ساعه .. ودك مبايلي رقم ..😣
جاوبت آلو..
گالتلي آلو ..
منو انتي احچي بلله جاوبيني ..
كتلها انتي المتصله عزيزتي المن رايده ..!
اشو هاي تنتر بيه .. وتحجي ويايه بقله احترام ..!!
گالتلي انتي شرايده من خطيبي ساري
ليش دتحچين وياه بهالوقت
مو عيب عليچ ..😧
كتلها بلا كلام مزابل
تحچين ويايه بأدب وتحترمين نفسج ..!
كالتلي انتي منو وشتريدين من ساري
كتلها عزيزتي احنا اقرباء ترى ..
ومو كل اليستعملون المبايل بالليل مو محترمات مثلچ ..😳
وكافي تسوين مشاكل للولد
راح تهججيه ترى ..!
واذا جاوبتيني بأسلوب زباله انطيج حظر هسه
وعود سهري للصبح آكلي بروحج ..!
گالتلي اگولج ترى اني ماحچيت شي .. شدعوه عليج ..!!
كتلها حجيتي بأسلوب زباله
تكوليلي خطيبي .. وشعندج وياه ..!!
حبيبتي انتي الي شعندچ وياه بهالوقت متصله بيه ..!!
متدرين الولد هالسنه بكالوريا
ولازم يدرس زين حتى يطلع معدل بيه خير ..!!
وبعدين ليش ( مرخصه ) نفسج هيج
البنيه بلا (حياء)..
وبلا (كرامه)..
كلشي ماتسوه .. ماماتي حافظي ع روحج ..!!
كالتلي ها (خاله) العفو منچ ..😳
اني اسفه واعتذر ..!
انتي اقرباء ساري ودتنصحيني
واني فهمتج غلط ..🙈🙈
اسفه خاله ..!!!
صدك لزمتني ضحكه ..😆
البنيه ظلت تتعذر وراحت ..!!
اجى دوري اني اريد انام
اشتغل الارق ..!
والصفنات ..!!
سراج مو اباله الموضوع ..
ليش بيبي تفرضني عليه ..😣
كلش داشعر بالاهانه ..!!
لو يمكن هو اصلا مااباله فكره الزواج من اساسه ..!!
خاف صدك عنده مشكله
(ع گوله بيبي) ..😳
شنو هالافكار التلعب النفس ..😣
بيبيتي لو راح تخبلني..
لو راح تطلعني من الطريق ..
مابيها خيار اخر ..!!
بالگوه نمت ليلتها ..
مرت الايام ... اني بين الداسه والدوام ..
هذا روتيني العايشه بيه ..
لحد ماتجي العطله
هلكت .. عافيتي راحت ..!!
بس دروس .. وكبت
يآربي شوكت اخلص الاعداديه ..!
فوكاها السنه الجايه بكالوريا
اصلا ماراح اشوف دربي حتى بالعطله ..😣
فد يوم بالامتحانات
دك عليه ساري
وكالعاده اكيد ديكلي انو بيبي رايدتني
امرلها باجر ..!!
هلو ساري ....
هلو چنتنا شلونچ ..!
ساري ترى من كل عقلي هذه الكلمه تستفزني ..!
لاتلح بيها .. ولاتكولها بعد ..!
كالي انتو شنو فلمكم بابا شگد جامدين ..واحد اتعس من الاخ ..!!
بلله سراج خشم يابس من يومه ..!!
انتي فكيها شويه ..!
احچي وياه
فتحي مواضيع ..!!
اتصلي ....
تحارشي بيه ..😧
فرضي شخصيتج .. خل ينتبه لج الولد ..!
شلون راح تنخطبون بالعطله .. ماادري ..!!
حبيبي مشكور عالنصيحه
ماافرض نفسي ع احد اني ..!
اصلا حتى من اسلم عليه
عبالك يصير عندي (جالي )
احس نفسي تنازلتله ..!
يمكن هالكد ماهو متعجرف
ينطيني هيجي انطباع ..!
كالي ساري : لاميس هذامو حچي ترى ..
انتي هم متعجرفه وشايله خشمج حيل ..!
عبالك تعامليه بالمثل ..!!
شنو فلمك عيني ساري
كاعد تدلل اخوك براسي ..!!!
الموضوع مو هيچي ترى ..
اني بنيه طبيعيه جدآ ..
والدليل سوالفك ويايه
حتى شقى ثگيل تتشاقه .. واتحملك
تعرفني كلش زين ماعندي عقد ..
بس لمه شخص تسلم عليه
يجاوبك حتى بدون مايباوع عليك ..!
هنا لازم الانسان يحترم نفسه
ويحافظ ع روحه ..!
لو تريدني احط نفسي بموقف مهين
حتى حضرتك ماتتهمني بالغرور ..!!!
كالي مادري ميس
بس وضعكم صعب ..!!
مادري شلون راح تتزوجون انتو ..!!
ومنو كالك احنا راح نتزوج ..!
انتو قررتو بيناتكم .. وماحد سألني ..!
ولااخذ رأيي ....!!
ساري كالي بشرفج ميس لاتصيرين (نفسيه) ..
ابن عمج من حقه يخطبج ..!!
حبيبي اني ماافرض نفسي ع احد
لو مو ابن عمي ..!!
اذا ماحس بيه هو فعلا رايدني
ومن صدك ناوي عالموضوع وشاريني
مستحيل اوافق عليه..!
اني ماناقصني شي بصراحه ..
حتى اتزوج هيجي شخص ..
اني بنيه تعبانه ع نفسي
واهلي تعبانين عليه
ومستقبلي كدامي ..
الي يدك بابي لازم يعرف قيمتي زين
يدخل يسأل .. ويتمنى الموافقه ..!!
عدى هذا الشي ماعندي اي رد ايجابي ..!!
ساري گال .. استفاد انعلسنا والنجف ..😳
اذا هيجي عقليه تتزوج سراج
مين راح تخلفون لعد ..!!!
من جدي (حويط) ع كوله بيبتج ..😝
لك انت ادبسز .. وافكارك زباله ..!
هم كالت ادبسز ..!!
دسمعي هاي النكته لعد :
يگلج مره واحد (متعاجز)
تزوج وحده حامل ...😝😝
خرب عشيرتك ساري ..😅
عاااااا ضحكت
هم زين ضحكتي عاد ..!!
لج بنت مجيد
مو تروحين تطبقين النكته
وتجينا حامل ولج ..😛
لازم تعرف بأخوك متعاجز ..
لو بيه خلل فني ..😜
ها ولج ميس ....
ها ولك ساري ......
والله يابنت عمي نياله لاخويه عليج ..
اموت عالبنيه الصعبه .. التشلع القلب
ومدالكاها ..
البنات صايرات يكشن النفس
لاحياء ..
لابراءه ..
ولاحتى كرامه ...!!
مايعرفن شحلاتها هالسوالف
عند الرجال ..!!
ها ساري مو هذا الي تدور عليه انت ..!
شو صاير تشتكي ..!
لج والكعبه لعبن نفسي ..😣
لو اسولفلج تشيبين من سوالفهن
اوصل مرحله تلعب نفسي من البنيه واعوفها بس عالسوالف ..!!
بعدني كلشي مامسوي ..😳
حبيبي ساري دور غالي لاتدور الرخيص ..!!
السنه الجايه انت كليه انشالله
كل الخيارات كدامك
اكيد راح تلكى الي تعجبك من صدك ..!!
شد حيلك ابويه متفيدك هالسوالف والله ..
الله كريم .. اكولج ميس مريلها لبيبتج باجر مو تنسين ..!
ماشي انشالله ...
يلله ساري تصبح ع خير ..
وانتي بخير ...
الصبح طلعت مستعجله حيل
اريد اراجع ويه زميلاتي ..
صباح الخير ميس ...
صباح الخيرات رشا ..
هاليوم امتحان (الاحياء)
اليوم عيدج ميس ...!!
اي والله حبي ماي بيست ..😙
ميوستي عادي من تخلصين امتحان
تنتظريني هنا ..!!
شنو حبي رشا .. گولي ........🤔
يتبع ............
اذا التفاعل قوي ننزل الرابع اليوم انشالله
واذا نايمين
نكمل باجر .. وعذرونا عالتقصير
وتتدللون حبايب
الكاتبه تتابعكم ..😙😙
