#سراج_وميس
#البارت_4_
للكاتبه
#هدى_ابراهيم
؛:؛:؛:؛:؛:؛:؛:؛:::::؛:؛:؛؛:؛:؛:؛:؛:؛:؛::؛:؛:؛:؛:؛:؛:؛:
ميوستي عادي من تخلصين امتحان تنتظريني هنا ..!
شنو حبي رشا كولي ..🤔
ماكو شي حبي
بس من بدت الامتحانات لليوم ماراجعين سوى ..!
تطلعين مستعجله انتي حيل ومالحك عليج ..!!
يلله اوك انتظرج عود ..!
دخلنا الامتحان سوى
نسولف ونضحك
اني وصديقتي المقربه رشا ..
وتواعدنا نرجع سوى ..
وفعلا خلصنا الامتحان ..
وطلعنا نراجع اجوبتنا سوى ..
مستوانا ممتاز كالعاده ..
الحمد لله ..🙏
رجعنا نتمشى لبيوتنا .. ونسولف
رشا گالتلي : تدرين حلمت بيج البارحه ..!
صدگ ..
خير انشالله يآربي ..🤔
گالتلي حلمت بيج رايحه ( زياره للامام) ..!
كتلها الله حبي هذه رؤيا .. موحلم ..
الله يكتبلي ياها
ان شاء الله ..🙂
كالتلي اكولج ميس
يعني عادي ..؟؟
كتلها شنو (عادي) هاي شبيج ..!!
كالتلي : لا يعني قصدي انتو تروحون زياره ..!!
كتلها شنو هالسؤال ..
ليش لعد مانروح ..!
كالتلي ميس راح اسألج سؤال وتحمليني ..!!
كتلها احجي يامعوده
شكو ..؟؟
بصراحه وبدون لف ودوران ..
(انتو سنه لو شيعه) ..😳
كتلها شعليج بهذا السؤال انتي ..!!
هذا الشي مايخصج ..!!
كالتلي اعرف مايخصني ..
بس مجرد فضول ..
اريد تجاوبيني ميس ..
كتلها وياترى جوابي ممكن يأثر ع صداقتنا ..؟؟
صفنت هي شويه ..!
كتلها مع الاسف عليج ..
كالتلي بعدني مامجاوبه اني ..!!
كتلها صفنتج تدل على انو انتي حايره ..!!
مجرد انتي دتفكرين هذا بالنسبه الي (جواب) و (موقف) ..!
كالتلي شلون تحسبيها .. شدعوه ..!!
كتلها مابيه حساب الموضوع .. وميحتاج صفنه .. ولاحيره ..!!
المفروض احنا صديقات ..!
افكاري الخاصه ..
ومعتقداتي ..
وطائفتي تخصني وحدي ..!
مو من حقج تتدخلين بيها
ماچنت اعرف عقيلتج هيجي ..!!
كالتلي شصاير لو مجاوبتني ..!
هو مجرد سؤال ..!!
كتلها سؤالج خبيث ومسموم ولئيم ..!!
وحرامات اذني تسمع هيچي كلام ..
مين جبتي الجرئه تفتحين ويايه هيجي موضوع ..
اشايفتني اني ..!
شجى ابالج اصلا ..!!
كالتلي ماشايفتج .. ولامتخيلتج شي ..!
احنا زميلات من دخلنا المتوسطه عمري ماعرفت بيج انتي من ياطائفه ..!
كتلها عجيب امرج رشا ..!!
وليش تعرفين ..
حتى لو من طائفه ثانيه ..
او حتى دين ثاني ..
هذا الشي بيش يضرج .. وبيش يأثر عليج ..!!
تتذكرين من سافرنا تركيا وسولفلتلج
شلون هناك (الشيخ)
الي لحيته راح توصل للركبه تلكيه گاعد بالمترو بصف بنيه
يادوب تنورتها مغطيه
منطقه الحوض ..!!
لاهو اله علاقه بيها ..
ولاهي الها علاقه بيه ..!
هيجي الناس تعيش سوى ..!!
بس العنصريين والطائفيين هم الي ميكدرون يفرقون بين القوميه .. والمذهب .. والدين ..
وبين الوطن ..!!
بابا .. الوطن يلم اصناف وانماط المجتمع ..!!
الوطن كبير ..
ويكفي الكل حتى يعيشون بسلام .. وآمان ..!!
مااحتاج اني (اقتلج) لو (الغيج) لمجرد انو انتي تختلفين عني ..!!
مااكدر اني اتفاهم ويه انسان
مايعرف انو يمكن (الجنه) ادخلها بعمل واحد فقط ..!!!
بغض النظر عن كل اعمالي طول حياتي ..!!
وممكن .. العكس .. تماما ..!!
هو هذا (الله) بكل بساطه ..
انتو فاهمين (الله) غلط ..!!
مع الاسف يعني ..!!
يلله اسمحيلي رشا
وصلت فرعنا .. بااااي
جيت اتمشى واني مقهوره من صديقتي حيل ..
شبيها اليوم .. شجى ع بالها .. ماادري ..!!
من زمان احنا سوى ..
ليش جايه اليوم تسألني هيجي سؤال ..!!
واني امشي ...
شفت (سري) ابن عمي الوسطاني
واگف ابابهم يغسل سيارته ..
طلعت (مساحه) من محفظتي
شمرتها عليه من وره ..😝
هو فز التفت عليه ..
بقى صافن چنه متيه ..🤔
ها ولك عابت هالوجه
ماتسلم ..!!
ماعرفتني ..!!
لچ منو هذا (الگمر) ..
عاقچ حواجبه ديحاول يتذكر ..!!
انتي ميس لو اني متوهم ..!!
ولك ياسخيف حتى شكلي ناسيه ..
ليش مانشوفك ..
انت عايش هنا
لو اني متوهمه ..!!
لچ (بربوگ) خرب عمج ..
شصايره ولج كلبه ..😜
تعاي انطيني بوسه
ولج تعاي ..😳
مشتاقلج ..!!
دمشي لك ابو البنات
يابوسه .. احترم نفسك ..!!
لج مااكدر ابد ..
ماكدر احترم نفسي كدام الحلوات ..!!
لج شصايره متكوليلي ..!!
اهلج شيوكلوچ ..!!
معليك انت ..
وبعدين شنو هاي
عضلات لو جناحات ..
راح تطگ ولك ..
عود شنو معناها ..!!
كالي وداعتج طبيعي
مو عبالج أبر .. لو نفخ ..!!
كتله : لا .. اذا طبيعي حلو .. ليش لا ..
تعالي فوتي ولج
خل اسلم عليج جوه براحتي ..!!
جيب (مساحتي) ذيچ الشمرتها عليك ..
دنگ شالها ..
اوووي عيني ..
هاي مساحه .. لو حلقومه ..
عود ليش كل سوالفكم وردي ..
ضحكت عليه
باع السخافه شنو هالسؤال ولك ..😜
مشينا بالكراج دخلنا
شلونك سري .. اخبارك .. امورك ..!!
حبيبه قلبي ميس مشتاق بشرفي ..
لچ اني حتى اهلي مشتاقلهم ..
اطلع الصبح .. ارجع بالليل ..!!
شلونك بالكليه انشالله تمام ..
خوما هالسنه هم تعيدها ..!!
دمشي فوتي لا الغمطج بالسفنجه مال سياره ..!
وصلت الفكره .. عزه بعينك سري الكسول ..!!
وصلنا للمطبخ سلمت ع خاله .. وسؤدد بنت عمي ..!
ديشتغلون بالمطبخ ..
ودخلت لبيبي ..
هلو بيبي حبيبتي مشتاقتلج ..
سلمت عليها ..
ورزلتني لان مداروحلها ..!!
كتلها بيبي والله غير ملتهيه بالامتحانات ..
گالتلي يعني وراها تعطلين ..!
كتلها انشالله بيبي
كالت اي بيبي ارتاحي عاد
( لابو المدرسه ) ..!!
كتلها بيبي بالعطله هم عندي مدرسين ترى ..!!
مين ارتاح اني ..!!
كالتلي عود شنيه هاي ..
( حصان لو مطي مال قرايه ) ..😳😜
ورئسا التفتت بيبي كالت : ها بيبي سراج ..!
( فزيت شوكت هذا اجى هنا )
كالتله : ماتجيب مي لبنت عمك راجعه تعبانه سوده عليه ..!!
باوع عليه سراج ..
كالها : مو اخاف هم توكعه علينا .. وتسويلنا مشكله ..!!
( شكد دمه ثكيل عود ديتشاقه هو ) ..!!
التفتت اني ع بيبي بدون مااعلق على كلامه ..!!
بيبي كالتله : بيبي سراج انت سلمت ع بنت عمك ..؟؟
والتفتت عليه : بيبي انتي سلمتي عليه ..؟؟
كتلها : بيبي هو دخل علينا ..!!
كالتله شبيك ماتسلم
عود شنو معناها ..!!
هو انحرج حيل .. بس بقى مغلس ..!!
وصاح ع اخته : سؤدد جيبي مي للهول ..!!
( امداك اني ميس مو هول ) ..😠
ماادري شلون اهله مستحمليه ..!!
كتله ثگل دم ..!!
سألتني بيبي شلونج بالامتحانات انشالله زينه ..!!
كتلها انشالله زينه بيبي ..
(هسه هذا شعنده واكف هنا لاهو كاعد لاهو رايح) ..
مداعرف احجي ويه بيبي ..
اتمنى يطلع من الهول ..!!
كالتلي تعالي بيبي اخذلج (خيره) بالسبحه ..
انوي شغله واني اكولج زينه لو لاء ..
تصير .. ماتصير ..!!
كتلها لابيبي مااريد
مااحب هاي السوالف ابد ..!!
اشو سراج شال راسه من المبايل وتقرب ع بيبي يسألها ..
عود صدك يعني ..!!
شلون تاخذين ..!!
كالتله ماعليك انت ..!!
كالها يلله سويلي اليه ..!!
كالتله ها صدك ..
تعال وليدي تتدلل ..!
كالها بيبي عود صدك هاي ..!
كالتله انوي بقلبك ..
التفت عليه انحرج مني
بس ذبحه الفضول مديكدر يقاوم ..😝
( والله ياالله ويعيبون عالبنات فوكاها والله شكله يخرب ضحك ابو خشم اليابس يقدم هيجي تنازلات )
كالتله ها بيبي فضني عاد ..!!
كالها يلله انتي كولي
بيبي لوتيه كامت تجرجر لسانه دتأكد من سالفه ابالها ..😛
كالتله انت مانويت عالدراسه ..
الموضوع بعيد مو ..!!
كالها لا مو دراسه ..!
ارتاحت بيبي كلش ..
كلبت سبحتها ..
كالتله : والله شنو الي ابالك يصير ..
وتفرح فرحه كبيره ..!!
هو لزمته ضحكه ..!!
اني صافنه عليه ..
صدك .. چذب
هذا غير نصبه طلع ..
ماتحملت اسكت بعد ..
كتله سراج عود هاي من كل عقلك ..😳
باوعلي بتعجرف
وصار وجهه احمر
وحسيته انغاظ مني ..
وفشل حيل😛
بقيت مبتسمه بهدوء وبمكر ..!
ماتحمل كلماتي رئسآ نتر بيه ..!!
كالي انتي مو بعدج صغيره ..!!
شنو هذا صبغ الشعر الحاطته ..😜
بيبي جاوبته من يمها ..
كالتله ياصبغ عشتو ..!!
كله طبيعي .. شغل ربك هذا ..!!
هو راد يطلع روحه من الموقف المحرج بأي شكل ..
واني بقيت اباوعله بنفس النظرات
اريد استفزه ..!!
انغاظ مني اكثر
كالي متجاوبين انتي
هذا صبغ لو شنو ..!!
كتله وانت حافظ كل سوالف البنات ..!
شاطت روحه ..
خزرني وطلع بدون تعليق ..!!
صدك لو كالو :
( بتحط نفسك في مواقف بايخه ) ..😝😛
باوعت ع بيبي لازمتها ضحكه .. ومغلسه عود ..!!
مدنكه راسها بحضنها تسبح ..!!
يلله بيبي اني تأخرت
انشالله كم يوم واخلص امتحانات ..
ماظل شي ..!!
صاحت ع سراج كالتله تعال وصلها ..
لاهلها ..!!
مشى كدامي بدون مايعلق ..!!
طلعنا من المطبخ
سألهم لعد ساري وين ..؟؟
كالوله ماموجود ..!!
اجتي سؤدد عليه
تسألني عن اخباري
ويه الامتحانات ..!!
حبيبتي بخير
نسوي العلينا والباقي ع الله ..
والله ميس انتي شطوره
احنا مانخاف عليج
اگولج حبي
عيد ميلادي
وره الامتحانات بأسبوع ..
انتي اول المعزومات ميوستي ..
حبيبتي يارب العمر كله نفرح بيج ..
اشكرج ميوستي ..
يلله باي قلب ..
اجى سراج يمشي يمي
بس شكله ماجارعني ابد ..
سألني شكد معدلج بالفصلي ..
كتله اني ماانزل عن ال90
كالي شناويه بالمستقبل
ياكليه ..
كتله عود معدلي يحكم ..
الله كريم ..
كالي انتي مو رايده
طب اسنان ..!!
( طلع الاخ متابع من جوه لجوه )
كتله : الله كريم
هو فهم انو اني داقفل مواضيع
ماريد احجي ..
سكت عاد ..
وصلنا لبيتنا ودخلت اخيرا ..
فتحتلي مريم الباب ..😳😳
يتبع ........
