بلا ذنب اخذوني فصلية {مكتملة}

-البارت الثامن-

اهلاا شلونكم...هذا البارت هديه من عندي الكم.  🙋🙋🙋🙌

بلا ذنب اخذوني فصليه&&
بارت٨&-
&&الكاتبة لحن الحياة &$
اسراء:-وشنو اوامرك..

علي:-اول امر تشتغلين بالبيت ليل ونهار .وثانيا غرفتي لا تنظفيها ولا تدخليها فاهمه..وثالثا حجابچ تلتزمين بي رابعا طلعه ماكو الاي مكان واذا خطيتي خطوة بره البيت اكسر رجلچ..وصوتچ ما اريد اسمعه واني موجود........اذا تكسرين امر واحد يكون عقابچ عسير

:-يارب صبرني على هذا الانسان .حسبالك وحش..تنهدت شويه وگتله بكل برود حاضر تؤمر امر.عندك بعد اوامر .

علي:-لا ديري بالچ علة نفسچ اذا سمعت او شفتچ بعيني تكسرين اوامري ماتلومين غير روحچ

:-ابتسمت حتى اكسر غروره..ماشي الي تريده يصير...

ابو سالم:-ابني شجاك قابل هي عركة .البنت ما الها دخل بالي سواه اخوها شويه افتهم عاد لا تطلعني عن طوري..

:-مابيا شي بويه ..بس مثل متگول انت هي زوجتي حاليا مو صدگ فإذاً اني حر بإصدار اوامري عليها

::-تعطي اوامر حقك.بس مو كل امر الك حق بي ..اخذ مرتك واصعد الغرفتك

:-يابه من بعد اذنك..خلي الفصليه تنام بغرفة البنات

:-هااا هيچ.رأيك..اشوو قبل شويه كانت زوجتك.وهسه فصليه.

:-يابه عليك الحسين اتركني بحالي .خلها هي يم البنات واني انام بغرفتي

:-هاهيه سلمت امري لله..

::من رخصتكم..قبل لا اطلع صارت گبال عيني الفصليه..باوعت الها صفح وخزرتها .بس ردتها تهتز تخاف ماكو تباوعلي بكل جُرأة وبرود..شنو من انسانه هاي ..بعدها صعدت الغرفتي .بقيت استرجع ذاكرتي واتذكر سالم...معقولة رحت وما الك رجعه بعد اووووف 💔💔ياخويه كسرت ظهري الله لا يوفق الي كان السبب..

إسراء:-بعد ما طلع عمي صاحني.وگال تعالي گعدي بقربي..رحت

:-بنتي البنت من تتزوج تكون سند الزوجها وانتي من طلعتي من بيت والدچ ودخلتي بيتي صرتي بنتي واذا انتي خوش بنت ماارجعچ الاهلچ حتى وان ثبت عدنه اخوچ بريء لان بناا الناس مو لعبة وانتي زوجة علي  اذا اخوچ هو المجرم او غيره فإنتي تبقين بنتي وهذا بيتچ..صعبة ترجعين بعد ما اخذناچ .افتهمي قصدي شنو.

::عمي كلامك على عيني وعلى راسي بس ابنك اني ما اريده واني رح ابقى الى ان تعرفون القاتل  ...وفتهمت شنوقصدك..حتى لو تطلگت مايفرق عندي .عمي والله انت من شفتك حسيتك مثل ابوي وحبيتك .بس الس طلبته مني .اعتذر منك.

:-هاهيه بنتي على راحتچ الحياة حياتچ وانتي حره بإختيارج.

:'مشكور عمي..من رخصتك.

::اخذي راحتچ بنيتي .

:+گمت وطلعت بس ما اعرف وين اروح  .مو مثل ماكنت ببيت اهلي براحتي افتر بالبيت ومو الا البس حجابي.لان بس اني واهلي  ..لكن هسه الوحش منعني من نزع الحجاب .الله ينتقم منه.شگد عقده

:-هااا اسراء وين سرحانه..

:-هااعمه .لا ماكو شي

::متأكدة ..اذا بيچ شي گولي

:- لا بس كنت محتارة الاي مكان اروح وشسوي

::البيت كله گدامچ.بس غرفة علي لتوصليها لان تدرين بي مايرضى..

::صار عمه...حچت وياي وراحت  . وهسه اني وين اروح .احسن شي المطبخ....تمشيت للمطبخ..هلاوو بنات.

:'هلا. بيچ

::اكو ترحيب لو ارجع  من حيث اتيت.

هدير:-ههه تعالي .

:-شكرا..محتاجات مساعده  .

هدير:- والله اكو عدنه هواي اشياء وبراحتچ شنو الي تگدرين علي سوي .

جنان:-لا منحتاج.روحي .😒

اسراء:-اسفه اذا ازعجتچ.اني رايحة .

جنان:-انتظري لتروحين لحظه.

:-😞همم شكوو..

::تعالي ساعدينه بالطبخ.

::من عيوني  .بعدها رحت اطبخ وياهن بس جنان حسيتها بس تريد تقهرني كل شويه تذب حچايه موحلوه.واضطر اسكت مع انه هدير اكبر منها بس مامقهوره مني مثلها .

علي:-اتصل علي صاحبي  لبست ونزلت سمعت صوت من المطبخ رحت .لگيت اخواتي يطبخن ووياهن الفصليه حبيت اقهرها..هيي انتي 😠😠😡

البنات:-😳😳😳..شكو

:-بنات اطلعن م المطبخ خل الفصليه هي تطبخ..وما اريد اشوف وحده تساعدها .ابالچن واياچن

::ليشش علي شبيك. .والله هي خطية اجت تساعدنه .

::شگلت اني .اطلعن..ويافصلية..كملي الاكل وهاي كل يوم تطبخيو وتنظفين البيت.فاهمه اصلا انتي مجرد.خدامه

:-لا اله الا الله..گال فصليه سكتت وگال اشتغلي وسوي كلشي هم سكتت بس يسميني خدامة لا هاي ما اسكت عليها ..اسمع زين.............يتبع

الكاتبة لحن الحياة
بلا ذنب اخذوني فصلية.