بلا ذنب اخذوني فصلية {مكتملة}

بارت16

السلام عليكم ورحمة الله وبركاته
بلا ذنب اخذوني فصليه
بارت16&&
الكاتبة لحن الحياة.....نشرت اليوم الخاطر عيونكم 
بس اعذروني  يجوز باچر ما اگدر.انزل

ها انا الآن  في حضرتك يامولاي
اتيتك زائرا ماشياً على الاقدام
قطعت كل المسافات شوقاً لك
ولارى جنة الله الموجودة على الارض.
اتيتك مشتاقاً وملهوفاً وطالباً ومحتاجاً
فإنظر الي نظرة خادمٍ او سائلٍ في بابك
فاعطني حاجاتي وآمالي  بحقك وجاهك عند الله.............بقلمي.لحن الحياة.. . .

اسراء:-باچر راح يكون من  اجمل ايام حياتي.باچر اشوف قبة ومنارة ائمتي وسادتي واكحل عيوني بشوفتهم.. نمت واني فرحانه..گعدت على صوت علي (😂الوحش)
علي ؛-اسراااء گعدي يلا..احچي وياها وهي غاطه بالنوم..وچ اسرررااااااء فصليةةةة گعدييي.ترى اتركج هنا وما اخذج للزيارة

؛-لا فدوة شبيك.هاي گعدت..گمزت من مكاني ورحت سبحت عالسريع وطلعت.........الكل جهز وطلعنه..يارب تسهيلك..

ام سالم؛-بنات انتبهن مو اتخربطن بينا وتضيعن.زين

؛-ان شاء الله..

اسراء ؛-بقينه نمشي وياالمشايه.  الى ان صار الظهر.دخلنه بأحد البيوت الحسينيه استقبلونه. استقبال حلو.المهم صلينه  وبعدها كملنه طريقنه.........استمرينه بالمشي..صار الليل  (قبل ماكان اكو مواكب فقط بالبيوت ومو الكل يستقبل )..تعبنه الطريق كله نمشي وبس على استراحة الظهر.بقينه نتأمل.بلكي اكو بيت نرتاح بي...احس رجلي بعد ما تشيلني. وگفت شوية واخذت نفس عميق.. و گلت الهم بس شويه ارتاح..

ام سالم؛- يمه بس لحضه لان اسراء تعبت

البنات؛-اي والله يمه حتى احنه هم تعبنه..

علي ؛-يلا ارتاحن...

رجل غريب؛- خوية ابو الشباب انتو زوار ان شاء الله موو

؛-ان شاء الله.اذا الله راد..

؛-الله يتقبل ان شاء الله هلا بزوار ابو السجاد...اذا تعبانين امشوا البيتي..واخليكم على راسي.

؛-يسلم راسك اي والله اجيت بوكتك الله يتقبل خدمتكم.
؛-اجمعين ان شاء الله .يلا لعد شرفونا.بس البيت شوي بعيد مسافة ٢٦متر.

؛-النه الشرف..يي عادي ماكو اشكال..

ام سالم ؛-يلا بنات گومن الحمد لله..الله دزلنه ابن حلال .وما خلانه بحيره.

؛-الحمد لله..رحمه نتمشى للبيت الي گال عنه   الرجال...وصلنه علي راح من جهة الزلم واحنه دخلنه من جهة النساء... رحبن بينه كم بنت واخذنه لمكان مبيت الزوار.

صاحبة البيت(مرأة كبيرة بالسن)؛---يا اهلا وسهلا هلا بزوار الحسين نورتوا داركم

ام سالم ؛-النور نور اصحابة تسلمين حجية.الله يتقبل منكم.