بلا ذنب اخذوني فصلية {مكتملة}

البارت السادس

السلام عليكم ورحمة الله وبركاته
بلا ذنب اخذوني فصليه.
بارت٦&&%%%

الكاتبة لحن الحياة.......

اسراء:-گعدت الفجر صليت ورحت اخذت فره بالبيت كلهم نايمين ..ااعاين عليهم وواحچي بگلبي..رح اشتاقلكم ياشمعة حياتي ..دمعت عيني مو لان رح اروح فصليه لا  ..دمعت لان رح اشتاق الاهلي ويجوز بعد ما اشوفهم ..مسحت دمعتي واسترجعت ثقتي  ورجعت للغرفه مددت عالسرير .وافكر شراح يصير بيا وشلون رح اعيش ويا ناس ما اعرفهم وبكلبهم حقد.علي اكيد.لان رح يعتبروني اخت قاتل اخوهم..سمعت صوت الباب انفتح .

ام اسراء:-ها سروا گاعده ..

:-اي والله ماما گعدت.صليت ورجعت بس مكدرت انام بعد.

:-الله يتقبل..تعالي للمطبخ نتريگ اني وياج..

:-اي ماما .هسه

:-اني رايحه تعالي وراي.

:-لا يروحي اجي وياج.مو وراج ههه

:-ههه يلا تعالي ..دخلنه للمطبخ وسوينه ريوگ وگعدنه ناكل ..بعدها گعد ابو اسراء وعباس ونوره. وگعدنه اكلنه سوه....مرت الساعات .....وسمعنه صوت الباب ..

ابو اسراء:-باوعت على سراوي گلبي مكسور لكن شبيدي..عفتهم وطلعت.فتحت الباب .

الشيخ:-السلام عليكم گواگ.الله خويه ابو اسراء.

:-وعليكم السلام گوه الله حيلك..تفضلوا  دخل هو وابنه وسيد وكم زلمه ..خليتهم يگعدون ورحت جوه..ام اسراء الناس اجوا گومي انطيني مي.اوديلهم ..بنتي جهزي روحچ رح يعقدلچ السيد..

ام اسراء:اي هسه.رايحه😫😫💔💔💔

اسراء:-صار بابا ...اخذ المي وراح وبعدها اجه كال يلا گومي رح يعقدلكم السيد.لبست عباتي وامي واگفه يمي كوه حابسه دموعها ...ها ماما احنه على شنو اتفقنه

:-😞😞گلب ام .شسويله..يلا يروحي محروسه بالله ومحمد وعلي والله يرضى عنچ دنيا وآخرة ..مودعه ياثمرة گلبي...

اسراء:حضنتها وبستها وودعتهم هي واخواني

علي:-گلبي يوجعني وصاير نار من جهه اخوي المات ومن جهه راح اخذ اخت الي قتل اخوي.شلون رح اصبر واتحمل اشوفها گبالي  ...المهم السيد.گال الابو اسراء نادي البنت حتى اعقدلهم ..راح واجه وياه بنت لابسه عباءة. . .ما شفت وجهها لان ما اريد اشوفه اصلا..
....صار وقت اعرفكم عن نفسي...علي ابن الشيخ ..مواصفاتي طويل نوعا ما..وضخم.عمري ٢٩سنه ..عصبي وكلمتي وحده ما اثنيها ..دقيق بكل شي .واحب الاناقة والترتيب .ويعجبني الانسان الصريح صح يجوز كلمته توجعني لكن احسها افضل من المجامله والكذب..وهاهيه خلصت ..

لحن:-.اشكرك على هاي الجريده الجميلة....

:+ولو تدللين...

اسراء:-رحت ومنزله راسي مو خوفا.ولا احنه غلطانين.بس هاي اخلاقي.وتربيتي..دخلت وعقد السيد ووافقت وهو هم وافق بعدها وگفت بست ايد الشيخ ...وصار وقت الوداع سلمت على بابا وحضنته واحاول كل جهدي اكون قويه وما اضعف گبالهم..

الشيخ؛+يلا بنتي ودعي اهلچ وامشي ويانه لان انتي من اليوم صرتي زوجة ابني ..

:-صار عمي الشيخ.دخلت ودعتهم ..

ام اسراء:-مودعه بالله ..الله يحفظچ يابنتي بجاه مولاتي زينب  .  . ودعت اخوتها ورادت تمشي وعيني بقت تعاين واحس ماخذين روحي ..بهاي الاثناء رجعت .تتمشى

؛+يمه امانه سلمي على حسين وگليله اختك بحماية زينب .ولتخاف الحق لازم يظهر واذا ما شفتكم بعد..اتمنى دعائكم الي..يلا حبيبة گلبي مع السلامه الى ان يظهر الحق ..خلصت كلامي ومشيت مسافه و👋👋ومشيت ..

بابا:-ديربالچ على نفسج

:-ان شاء الله..

الشيخ:-يلا بنتي .اصعدي .

:-صار عمي..كان الشيخ گاعد.بصدر السياره.وبصفه هذا 😒😒علي...واني گعدت ورا بقيت منصيه راسي.لو اباوع شوي من السياره..تقريبا ساعه واحنه بعدنه ما واصلين ..واخيراا وگفت السياره .نزلوا واني مگدرت انزل احس رجلي جمدت.

علي :-الطريق كله واني اتوعد..الاخوها وشلون انتقم منه  ..وانتقامي رح يكون من اخته وهذا تعذيب الهم واله...بعد ما وصلنه اني ووالدي نزلنه من السياره .بس حضرة الفصلية مانزلت ..اني صبرت روحي وسكتت گلت هسه تنزل .لكن ماكو فايده.اخر شي طبگن عندي فتحت الباب.وصحت بيها بنبره حاده ..شنو ما ناويه تنزلين ياااا     فصلية..😏😏

اسراء:-كنت خايفة شلون رح انزل.توني ردت افتح الباب .ما احس الا الباب انفتح وصار گبالي رجال ضخم .يمكن هوو.😒😒😠.وصاح بيا  اني جمدت بمكاني زين هههه لا گومه ولا گعده بس مابينت اله اني جفلت....وگتله واني گالبه خلقتي علي .هسه رح انزل بس ابتعد شويه.

:-يلا بسرعه لا ابتلي بيچ..ابتعدت عنها.ونزلت 

الشيخ:-يلا بنتي تفضلي دخلي .....

:-اي عمي............يتبع.... .

الكاتبة لحن الحياة
بلا ذنب اخذوني فصلية