بلا ذنب اخذوني فصلية {مكتملة}

البارت 12

السلام عليكم
بلا ذنب اخذوني فصلية
بارت١٢&&
ا
الكاتبة لحن الحياة ...
:-يمه اهدي.اعصابچ..ليش هيچ مقهورة عليها اصلا تستاهل الي صار بيها  .اني منبه عليها متدخل غرفتي وهذا جزاءها .

:-البنيه ما دخلت من كيفها اني طلبت منها ..يعني اذا طلبت منها تدخل الغرفة وتنظفها هيج تتصرف وياهاوتضربهل... لا ياعلي ما كنت ادري بگلبك جلد الهاي الدرجه ليش يمه فهمني بشنو اذتك.

:-يمه رحمه الوالديج غلقي  السالفه ...

:-شلون اغلقها .وانت مدمر البنت ..

ابو سالم:-خير ان شاء الله.شصاير

:-حچيت الابو سالم كلشي وهم حچه وياه ...جنان روحي صيحي اسراء.خل ناخذها للمستشفى

:-صار يمه..رحت لگيت اسراء غاطة بالنوم...ارسراء.گعدي امي تصيحچ.

:-ها جنان.شكو .جفلتيني حسبالي الوحش

:-يا وحش.والله ضحكتيني

:-لا ماكو شي(خطية متدري اقصد اخوها هه😂)...رحت لگيت الوحشش گالب خلقته ولو ماابوه وامه يگوم يسحلني بالبيت ....هاا عمه

:-بسرعه لبسي.عباءتچ.وامشي ناخذچ للمستشفى..

:-لييش اروح مستشفى

:-ليش مو عليي ضاربچ

:-هاا ..لا عمه ماكو هيج شي بس ضربه خفيفه مو مال مستشفى 

ابو سالم:-بنتي متأكده من كلامج زين الي سمعته شنوو .

:-صدگني عمي ماكو شي مثل ماگلت الكم ضربه خفيفة.مو اكثر

:-هايي ليشش نكرت اني ضربتها..(خلتني محتار وصافن مااعرف شگول وشنو ابرر ) يابه ايي اني ضربتها بقسوة.

:-لا ما ضربتني بقسوة .(بس موتتني😠)

:'هاهيه عمي روحي ارتاحي..وعلي اذا تكرر هاي الفعله مره ثانيه يكون الي تصرف ثاني.وياك.

:-صار بويه تموون..كملت كلامي وردت اصعد..صاحني والدي 

:-عليي لحضه.اذا تعتبرني والدك وتحترمني من صدگ .تنفذ الي رح اطلبه منك.

:-انت تاج راسي واذا تطلب عيوني ماتغلى عليك
:-تسلم يامعدل.بس كون تنفذه مو تتراجع عن كلمتك اريدك زلمه گول وفعل.

:-أنه تربات ايدك بويه.والي تؤمرني بي يصير غصب عني .

:-الله يخليك الي ويحفظك..مايؤمر عليك ظالم..طلبي هوو تاخذ مرتك خل تنام بغرفتك ساعة الساعه يجي خطار علينه ويباتون عدنه ويشوفون مرتك نايمه عند البنات شراح يگولون عليك وعلينه فإنت اكسر الشر وخل مرتك تلم حوايجها وتصعد ..