#المتسولة_____ 🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞🔞
رجعتلكم بقصة جديده مكتمله
قصة فتاة في عمر صغير تتحمل متاعب الحياة
تفقد والدتها قبل التعرف عليها وتعيش مع كره وحقد ابيها
فماذا ستفعل بيها الحياة
اتمنى تستمتعون
خليكم ويايه ويه بطلتنه غرام وشنو حايصير وياها
حكايتي بعنوان المتسولة
فاطمة_الأسدي
البارت الاول
هلاووو اني غرام عمري 18س طولي 163 وزني 60 شكلي وجسمي ويخلوني اكبر من عمري
جسمي تقاسيمه تصرخ بالأنوثه معندي كرش ومعالم جسمي متناسقه وبارزه
اني حنطيه ع بياض يعني بشرتي مخمليه ورديه عيوني اكبار ولونهم (صفر او شهل) رموشي كثيفه بحيث يبينن عيوني مكحلات حواجبي اثخان ومشمورات اهوايه احبهن لأن يبينن محفوفات عمري مفكرت اخذ منهم شعرايه لأن رسمتهن كولش عاجبتني خشمي ضعيف ومكطوم هع حلكي ازغير كولش لويش مااعرف شفتي منفوخه بدون فلر انننن 😜
بابا تاجر عقارات وعنده خير من الله ونعمه بس هاي النعمه مو اله كوله من ورث ماما اخذه واشتغل بيه يعني كولشي من حقي بس وين يصرف هذا الحجي
اني عايشه ويه بابا وزوجاته ماما بالولاده متوفيه لهذا ابوي ابد ميحبني ودأمن يكولي انتي الي اخذتيها مني وجهج فكر كان يحبها بجنون قاتل الكل حتى يزوجها هرب من اهله وهي هم بس بعد وفاتها رجع ورجعني وياه بعدها ماحب ولا كدر يحب
ازوج باول من بنت خاله لأن كانت تحبه بس حتى تربيني وصار عندها 3ولد وبنيه
بعدها ازوج وحده وياه بالدوام عجبته وصارت القسمه وهم صار عندها بنيه و ولد
مخلاني اكمل دراسه خلصت ثالث وكعدت بالبيت مع انو كنت كولش شاطره واحب المدرسه
لأن اطلع بيها من البيت وابتعد عن اوامره واموامر زوجاته مشغليني فلبينيه بدون راتب
نسوان ابوي حيل يكرهني لأن احلى منهن وماخذه كولشي من امي كأني تؤمها بس شخصية ابوي ولهذا السبب ابوي يكره حتى يباوع بوجهي لأن اذكره بماما
كان حيل يقسه عليه حتى بلكي يتغير شكلي او تخرب ملامحي دأمن يضربني ع وجي او يجويني بأيديني ورجليني بالجكاره
من صار عمري 6سنوات واني اشتغل كل شغل البيت ماعده الطبخ يكوللي انتي نكسه متتقربين للأكل بس تنضيف وغسل ملابس ومواعين كوله عليه وابوي يزيد عليهن
-------------
فد يوم بليل اخذتني افكاري بماما واذا كانت عايشه شنو حاتكون حياتي كان ممكن متركت المدرسه ولا اكعد من ال6 مثل الخدامات ولا اغسل حضاين اخواني ولا بابا يكرهني ولا ولا ولا اهواي اشياء جان هسه اني حالي حال خواتي متنعمه بهل خير وعايشه مدلله
