البارت الخامس
غرام ، راحت الحجيه وخلتني بخيره ماادري شنو اسوي ضلت حسبه اتجيبني وحسبه تاخذني لمن تعبت لفلفت نفسي بالعبا ونمت بالليوان
واني نايمه حلمت حلم كوووولش حلو شفت نفسي واني ازغيره وامي الي مشايفتها بس بالصور كايدتني وماخذتني الخوالي واني فرحانه وشابكه ايد امي وابوس بيها واضحك
حسيت ع صوت الحجيه وهي توعيني
الحجيه ، ولج يمه اكعدي شنو هل نوم كوله عوذه من الصبح الهسه نايمه ولج شنو متعبتي
غرام ، فتحت عيوني شفت الدنيا الغروب واني بعدني نايمه بس كنت حيل مرتاحه محسيت ع نفسي صار كومه منايمه هج نومه من اخر مره اجتي بيه خالتي دنيا ونومتني بحضنها
غرام ، حجيه اني موافقه بس وين ابات
الحجيه ، يايمه شبيج وين تباتين لعد من الصبح الهسه وين كنتي نايمه
غرام ، يعني يقبلون ابقه نايمه اهنانه
الحجيه ، اي يمه متشوفين امة محمد كلها مجطله والي يسئلج كوليله زائره حالج حال هل الزوار النايمه
غرام ، والله متدرين اشكد ريحتيني وشلتي عني حمل اشكبره الله يرزقج ويفتحها بوجهج مثل مافتحتيها بوجهي
الحجيه ، هاي شنو ملعونه بعدج مابتديتي بالشغل لعد منين اتعلمتي هل دعاوي الحلوه هههههههه
غرام ، ههههههه
الحجيه ، يلا بنيتي اني اروح لبنياتي هسه يستبطوني الله وياج حبيبه ديري بالج ع نفسج
غرام ، الله وياج
حيل ارتاحيت والله هل حجيه خوش عندها فكر جهنميه
طلعت اكلتلي لفه واشتريت ملابس وشغلات خاصه لأن عندي نزف ومدا يوكف ورحت للحمامات بدلت ذبيت ملابسي القديمه بالزبل ورجعت لليوان الي كنت كاعده بيه لكيت كاعدين بيه عائله شفت واحد غيره فارغ وكعدت
اباوع للناس وادعي ربي يفرج عنهم وعني وعن كل طالب حاجه
----------------- في بيت ورده
باجي ورده ، كعدت الصبح ع صوت الفون يرن بدون مااشوف منو المتصل فتحت خط
ورده ، ألووو
............
ورده ، صباح النور استاذ
.....
عيوني
.....
تدلل
.....
صار تدلل
......
وهي الك اشعدنه غير استاذ
......
حاضر هسه اروحلها
......
ماشي منتضريك الليله
......
باي
هووووف هسه هذا اش لطش عليها كلت بلكي استفاد منها بعدهي جديده وحلوه يلا اخسر الكم فلوس ولا اخسر شغلي
رحت للغرفه اريد اشوفها ميته عدله دخلت ومااشوف بالغرفه غير اثار الدم والبنيه ماكو عطت وركضت ادور ملابسها ومستمسكاته
تكمله 5
ادور ملابسها ومستمسكاتها كولشي مالكيت يعني مستغله نومنه ومنهزمه هوووووف شنو هل مصيبه الي وكعت علينا والله استاذ غيث اذا عرف يهدم البيت ع روسنا عمره مشفته مصر ع بنيه بهذي الطريقه هسه شنو الحل شسوي
