متسوله

التكمله

البارت التاسع
دق دق دق

فؤاد ، اتفضل

غرام ، السلام عليكم الحمدلله ع السلامه اني الخدامه جبتلك الاكل

فؤاد ، هاي شنو لككك هاي اش جابها احنه مخلينه مكان مكلبناه عليها وهي كاعده اهنانه والله لأخذ منك حلاوه جبيره ياغيث (بصوت ناصي)

غرام ، ياااا ثول هذا شي مفهي بوجي خاف بيه شي الكبر شككني بنفسي

غرام ، العفو كلت شي اذا متكدر تاكل اساعدك

فؤاد ، لا هاي هي حتى الأسد ينسيني الاكل (بصوت ناصي)

غرام ، عفواً شنو

فؤاد ، هااا لا مكو شي انطيني الصينيه وروحي

غرام ، حاضر

خليت الصينيه وطلعت

لرام ، لا هذا اكيد مو عاقل الحمدلله و الشكر يلا هو شنو السوالف السمعتها عن هذاكه وهذا صديقه يعني نفس النسخه والله يالله

غيث ، اففف هاي صار اشكد نايم هيييييييي وينكم جيبولي الكهوه

غرام ، خاله هذا ابن العمه يريد كهوه اكو واحد هج وقت يشرب كهوه غير يتعشه

ام علي ، ولج الزمي السانج اذا سمعج تقرين ع روحج السلام اشون وخري عني وخري خلي اوديها اله لا يسويني كهوه

دق دق دق

غيث ، ادخلي
ام علي ، اتفضل الكهوه
ام علي ، اتفضل الكهوه

غيث ، روحي كولي الحياة غيث يريدج

ام علي ، صار اي شي ثاني

غيث ، لا روحي بس كليلها انتضرها بالصاله

حياة ، ها غيث

غيث ، شنو الها صحتج حتى تحجين العندج لأن باجر رايح الاربيل

حياة ، ها ا ا ء ء ء ياربي منين ابدي

غيث ، احجي وخلصيني ماهندي وقت التوترج

حياة ، شوف غيث اني اريد احجيلك الحقيقه ومنو همه اهلك وانت ابن من

غيث ، من سمعت شنو تريد تحجي حسيت رجفه صارت بأيدي كمت وكفت بالشباك

غيث ، اي كملي منو همه وانتي منين اتعرفيهم واذا تعرفيهم لويش كل هاي السنين ساكته

حياة ، خلي احجيلك من البدايه قبل كانت تشتغل عدنه ارمله و وياها بنتها رحمه هاي البنيه جانت بعمري انه وياها صديقات روح بروح لمن صارت شابه ضلت عيون اخوي محمد تتلاحكها وين متروح بيوم اجت وكالتلي محمد اعترفلي يكلي احبج واني هم احبه انتي شتكولين انه بالبدايه منعتها بس من شفتهم واحد متمسك بالثاني بعد مابيدي حيله سكتت بعدها ازوجها بالسر لأن محد راح يقبل وهو راح يدرس بغداد واخذها وياه كاللهم تخدمني ومحد اعترض اخذها وراح بس هو نبها تاخذ مانع لأن ميريد ينفضح وابوي يتبره منه بس هي حملت بيك كتلها لا تكليله حتى لا يأذيج واجه اليوم الي امها ماتت بيه واجو اهلها اخذوها ولمن عرفو بيها حامل محمد اتبره منها وكاللها مااعرف شي اني كنت اروح للكليه ماادري منو مدخله للبيت وهج مسوي بيها اهلها انتضروها اذب حملها وكتلوها واني جبتك وخليتك اباب بيتنه ولمن طلعو ولكوك كتلهم اني اربيه واسجله بأسمي وتدري بأبوك الله يرحمه عقيم فاعمي وافق مكدرت اعيفك اتمرت وانت ابن رحمه الي كانت رحمه بمعنى الكلمه صح كرهتك لأن يمكن لو ماحامل بيك مجان احد عرف ولا انكتلت بس هم مكدرت احقد عليك تضل ابن اخوي واختي وهاي كل القصه مكدرت احجي ولا اكول لأن محمد مهددني يأذيك بس هسه انت زلم ومحد يكدر يأذيك ولازم تعرف الحقيقه واني اريح المرحومه يم ربها انت جنت حلمها هي كلش جانت تحب محمد عافت امها الي مايوم فاركتها وراحت وياه البغداد بس للأسف هو مكان يحبها او يمكن يحبها بس مو بالقدر المطلوب وهاي كل السالفه وهسه انت بكيفك اني سويت العليه تريد تروح وتحاجي ابوك الحقيقي هذاك هو روحله واخذ حقك وحق امك الي ماتت بسببه تريد تسكت وتكول مالي دخل بالماضي واني ابن حميد مو ابن محمد هم كيفك وهذا الشي راجعلك هسه اني اترخص