البارت الثامن
غرام ، لمن رحت ويه عمه حياة للبصره حسيت انفتحلي باب واحد اخذ ايدي للحياة لأن العيشه الي كثت عايشتها ممحسوبه من عمري والايام الي مريت بيها كانت اسوء من الجحيم هاي الفتره كانت صراع مع كولشي حتى احافض ع نفسي بس ياريت اكو شي احافض عليه اذا هو شرفي واخذه واحده ميسوه اااااااااااااخ بس مهما يكون كدرة احافض وامنع نفسي من هذا المستنقع
بعد ساعات طويله في الطريق واني مكدرت لا انام ولا اوكف عقلي عن التفكير بالي جاي وهل المكان الي رايحته فعلاً امان اولا
السايق ، وصلنة عمه يلا اكعدي
حياة ، ايي يلا بنتي انزلي
نزلت وياها اباوع عبالي طلعنه من العراق شنو هاي كأنما قصر من قصور الكويت بال70
دخلنه وعرفتني ع الخدامات اكو هنديات 2 ومريه جبيره هاي تطبخ بس وام علي الممرضه ومسؤاله عنهم
دلوني ع الغرفه الي راح اكعد بيها دخلت سبحت وغيرت ملابسي انطوني غيرهم ونمت من باجر يبدي شغلي
------------------- في بيت الضلام
غيث كاعد والكاس بيد والجكاره بالأيد الثانيه وجوه رجله ورده الي ملابسها مكطعه وملامحها ممبينه من كثر التعذيب ذابله وصايره بس جلد وعضم الي يشوفها ميكول هي ورده نفسها يكول جثه هامده
غيث ، اااااايييييي يورده مناويه تريحين كلبي وترتاحين
ورده ، ء.....ء.....ء.......ما....ا....ا....عرف......ار....ار....ارحمني.....اقتلني......ب....ب...بس كافي....
غيث ، همممم تردين الرحمه مووووو(بصرخه)
وخله الجكاره ع السانها
تررررررن ترررررررررررن تررررررررررن
غيث ، ألووو نعم
؟؟؟ ، هاي شنو دكتور غيث لو اتحب اكولك استاذ صار اهوايه ممنور البصره اشوكت نشوفك
غيث ، ليش الضاهر مشتاقيلي
؟؟؟ ، اي نعم مشتاقيلك كولش وننتضرك
غيث ، باجر اني يمك
وكطع الخط
وكطع الخط
----------------------
جمال (رئيس احد العصابات) ، ايي يلأسد واخيراً راح اكدر اتخلص منك
عون (من زلم جمال) ، ها بشر كدرت اتجيبه
جمال ، ايي وباجر هو اهنانه لازم نتحضرله بالجول قبل ميدخل للمحافضه
عون ، اي لازم هيج
-----------------
غرام ، كان هذا البيت مثل الاحجيه بالنسبه الي اهوايه غرف ممنوع احد يوصلها الرجال المريض محد يدخل يمه حتى عمه حياة متروح اتشوفه بس ام علي والغرفه الباب مالتها زجاج وكولها كامرات بس اني سويت مثل ماكالولي اشتغل شغلي واكل لكمتي وانام لا أرى لا اسمع لا اتكلم
