البارت السابع
غيث ، لمن رجعت من البصره وشفت ورده بعدهي محبوسه يعني غرام مالكوها حسيت جمره وكعت ع كلبي مشفت كدامي مره لا شفتها رجال واريد اخذ ثاري منه
غيث ، لج ليش جبتيها وخليتني اشوفها وحرمتيني منها لميتج من الشارع وخليتج متقابلين بس الطبقه المخمليه بعد ماكنتي تبيعين الليله ب5الاف ولج اني سويتج وصورتج وصار الج اسم وسمعه تجين هسه تخليني اتعلق بوحده وتحرميني منها
غذبتها ابشع تعذيب مخليتها اتموت ولا راح اخليها اتموت لمن الكاها الغرام
صار 6 اشهور واني كل مااختنك ارجع اعذب بورده حسيت هي جابتها حتى تخليني اتعلق بيها بعدها تحرمني منها هي السبب اي هي السبب
--------------------- في الشارع
غرام ، بعد هذاك اليوم الي اتهجم بيه عمار ع ابو رحت عشت وياهم لأن الرجال بعدها ماصحه خطيه
واني اطورت بشغلي بطلت اتكدي ضليت اروح للكراج ابيع كلنكس لو افتر بالصحن ابيع سبح علوكه اهم شي ماامد ايدي بعد للناس لأن مااتحمل هل ذل هذا اهواي اتحملت مضايقات وابتزاز بس ضليت محافضه ع شرفي
الحجيه بنتها اشتغلت وهي كعدت بالبيت بعد مابيها ع الشمس والفره بالشوارع
ام عمار اتوفت وابوعمار خطيه بعد ميكدر يوكف ع طوله ولا عندي افلوس واخذه للطبيب وهو هم ميقبل
بيوم كان بيها زياره وموسم ضليت لل1 واني افتر وابيع بعدها تعبت كلت خلي ارجع هم عمو خطيه خاف يحتاجني بشي صرت قريبه ع البيت شفت عمار يمشي سريع وبيده فلوس يحسب بيهم كلبي نغزني رحت ركض للبيت
وصلت لكيت الباب مفتوح دخلت وشفت ابوعمار واكع بالكاع وشي ابيض يطلع من حلكه خفت كولش ضليت اصرخ واعيط التمو عليه الجوارين
الجار ، شبيج بنتي شكو
غرام ، الحكولي عمي مدري شبيه
الجار ، وخري شويه خل اشوفه
انا لله وانا اليه راجعون
غرام ، لا لا عفيه لتكولها
الجار ، هذا امر الله بنتي اترحميله تعاااالو عاونوني خل ناخذه
اخذو واتضح صاير عنده سكته قلبيه وميت
كمت بالفاتحه والجوارين ماتركوني الي تجي اتعازيني عبالهم بنته بس صدوك حسيت اخر سند عليه راح مضل عندي احد احتمي بيه يعني هسه لازم ارجع انام بالشارع واتحمل نضرات الناس اليه
ثالث يوم الفاتحه اجه عمار وياه قرايبهم وضل يحجي ويهدد يكولي اربد افلوس ابوي كاعده بالبيت وتوبوكين منه واطلعي من بيتي وراح اشكتي عليج انتي كتلتي ابوي
غرام ، شوف لك لا تضل تنعثل لا ارجعك محمل ويه امثالك الي جايبهم وياك وله اتريد اروح اشكتي عليك وحسيب التقرير الطبي يثبت متعرض الصدمه وله نسيت اني شفتك من طلعت من البيت وانت ماخذ كل الفلوس مالته خاف عبالك محد شافك ترى اكو اهويه شهود وهسه انطيني من الاخير شتريد البيت وقف الحجي الله يرحمه اتبرع بيه بروح المرحومه زوجته يعني مالك يمي شي وبس الجامع يكدر يطلعني من البيت
