#للقدر قرار
الجزءالثالث
ل وردالعامري
جمانه :اهووو هم دك اياد يزعل بكيفه ويرضه بكيفه هسه هم يسويله زعله
اياد يتصل بيه ويطلب طلبات موحلوه ومن اعترض يكولي هوه بتلفون شكو قابل واني ماحب هل شي ارفض وهوه يسويهه زعله
الو هلو اياد
هلو حب اكولج اليوم راح نجيكم حضريلي نفسج
جمانه: شلون يعني احضرلك نفسي
اياد: جمانه تره كفرتيني روحي كلشي ماريد باي
كالعاده
اياد مواصفاته بشتره بيضه ومعتني بنفسه جدا يلعب حديد وارقه لملابس والعطور يشتري بس هذا الشي موبيدي استحي اسويه اجونه العصر ولتمينه كلنه سوه بعدهه عامر ونور طلعو بالحديقه واياد كال كومي شوفيني اللابتوب مالج
اوك هسه اجيبه
اياد: لالا لجيبيه انيي اريد ااشوف غرفتج من رخصتج خاله يعني اذا ممكن
ام جمانه: حبيبي البيت بيتك وجوجو جانت مثل اختك وهسه صارت بحساب مرتك يعني بالحالتين هيه شعر شاربك فوتي ماما شوفي غرفتج لااياد
جمانه: تفضل اياد
اياد: حلوه غرفتج بس مواحله منج
جمانه: ههه شكرا
اياد: تعاي هنا كعدي شنو راح اضلين واكفه لو ما غرفتج هاي
جمانه: كعدت يمه وهوه لزم ايدي ويبوس بيهه بعدين حاول يبوسني كمت من يمه
اياد: جمانه شبيج انتي مرتي ميصير هيج حارمتني من كل شي
جمانه: اياد خطيبتك مومرتك
اياد: اي وشنو يعني اول وتالي اصيرين مرتي
جمانه: اياد رجااءلاتتقدم يمي منا لذاك الوقت الله كريم
تقدم عليه وحصرني ضهري صار عل كنتور
اياد وخر شبيك تخبلت هسه يفوت احد ايااااد وخر
عمار: شكو
اياد: احم هلو عمارشلونك يمعود دك الباب والله فززتني
عمار: وشعندك انت هنا اصلا
اياد: شبيك شنو شعندي بيت خالتي وغرفه مرتي
عمار: خطيبتك اياد خطيبتك وحرام تختلي بيهه هسه لان بعد ماكو بينكم عقد قران مو جمانه
جمانه: ضليت جامده بمكاني يارب مشاف اياد شسوه
اياد: يمعود شكبرتهه ده اشوف كنتورهه عجبني اشوف شمشتريه للكليه
عمار: اياد تفضل بالاستقبال لان جمانه ممشتريه بعد للكليه تفضل حبيبي للاستقبال
جمانه: اياد طلع وعمار اندار عليه
عمار: احسابج بعدين يااختي ياتربيتي يلي مخليتي احترام لااخوتج
جمانه: عافني وطلع والله معليه اني هوه لزمني ويحاول ايبوسني مخليته لزم مكان بجسمي وده ادفع ب ايده وهوه طب اني شكو
راحو بطلعان الروح اني حاصرتني البجيه عله الي صار
عمار: يمه شلون تخلين اياد يفوت لغرفه جمانه
ام جمانه: شكو بيهه ماما ابن خالتهه وخطيبهه
عمار: امي شبيج انتي حرام هسه تصير خلوه بينهم شبيج انتي
ام جمانه: هاي شبيك عمار ليش شنو منعرف اياد قابل شيسوي الولد مؤدب
عمار: الولد ملعب وبتج طفله فتت من يم غرفتهه سمعتهه تكوله وخر وخر
ام جمانه: اي وشسويت
عمار: فتت عليهم بس هوه من شافني طفر وبنتج الوانها الف لون صايره اكيد سوه شي الهه لان مشفت شي اني كتلج طفر صار بوجهيي بعد ممنوع ايفوت اياد لهل بيت من البدايه اني مموافق ليش تخلوني اتصرف تصرف ثاني
جمانه: دخلت لغرفتي ومقهوره ع موقف الصار منو
اني عمار افوت/فوت
عمار: جمانه انتي اختنه الصغيره واغله من عيونه وحمايتنه الج واجب علينه اني مومثل ثامر اعيط واضرب بس راح احاجيج واطيج فرصتين سماح بثلاثه مااضربج اذبحج الي صار غلط حرام حته تنسد باب عليكم هسه
جمانه: عمار والله مقبلت ماما كالت فوتو والله مرضيت اني
عمار :لتبجين سمعي جمانه الدين للاسلامي بالنصيحه و الترغيب مو بالخوف وترهيب راح انصحج يااختي بدينه هذا حرام الخلوه بينكم لاتجوز لان ماكو ابينكم عقد قران وحته اذا صار عقد قران اكو حدود تلتزمون بيهه لان الزواج اشهار ليش العالم تسوي عرس حته تتطبق شورط الزواج ويصير اشهار وبذاك الوقت محد يكولكم لا ولا اله حق بيكم هذا اولا
ثانيا حبيبتي لبنيه بيدهه تكون جوهره وبيدهه تكون جكاره شلون اني افهمج الجوهره يعني تحافظ عله نفسهه ومتسوي شي غلط وبيوم الي تزوج بيه راح يضهر بريقهه الي يرفع راس اهلهه وتضل عزيزه عد رجلهه لان مطته مجال للغلط وعلمته انهه صعبه موبسهوله تلزم
اما الجكاره شوفي يااختي هاي الجكاره اني اكتل روحي عليهه ولو نص الليل اروح اجيب حته اشرب بس من اشربهه وتخلص حاجتهه ادوسهه برجلي
فهمتي كلامي جمانه
فهمت وان شاءالله ابد ميتكرر هل شي
عمار: لمصلحتج يااختي ضلي عزيزه كلشي يجي بسهوله يروح بسهوله
