#للقدر قرار
الجزءالتاسع عشر
ل وردالعامري
مقصر ويايه الولد ويحاول يرضيني باي طريقه ويشاقه ويضحك رغم مبين عليه مقهور ثاني يوم ب٩الصبح طلعنه زفتنه صارت بسيارته هوه ايسوق فضلت السياره بالكراج اني اطيت علم لااهلي راجعين لان مجابو الريوك البارحه بالفندق كالو ننتضرج ترجعين وصلنه لبيت اهل عادل فتح الباب طبب السياره وشفتهه طلعت من المطبخ بسرعه
ام عادل: ليش جيت جان ظليت وياهه اخذتك نستك امك مكلت امي خطيه شلون اعوفهه
جمانه: ضليت مصدومه بتصرفهه طلعت اخته الجبيره سناء اتكولهه عيب يمه وهي اتولت بتهه رزاله وحجي انوب اندارت عليه
ام عادل: الله لايوفقج اخذتي ابني تردين تبعديه عن امه ايأجر ليلتين بالفندق يل متخافين الله هاي فلوس ابوج
جمانه: عادل يريد ايسكتهه ماكو واحنا بطرمه بعدنه مفايتين اندكت الباب اهلي
ام جمانه: شكو يمه شنو هل صياح
ام عادل: عندج ولد انتي ام ثامر متخافين الله من تردون ابني يبتعد عني بعدهه مصارلهه يومين تخلي ابني يتغير عليه السحاره
عادل: عمه مسحيهه بوجهي لخاطري تفضلو تفضلو بصاله
جمانه: امي عيونهه براسهه صارت ووياها نسوان اخوتي اخت عادل ركضت فتحت باب الصاله كوه فاتت امي حطت الريوك وحته مكعدو بسرعه طلعت شبعت قهر يعني اعرف العرسان يستقبلوهم بهلهوله بجكليته اني يستقبلوني بعيطه صعدت لغرفتي صدك بجيت ليش هيج يصير بيه اني
سناء: جمانه ممكن افوت
جمانه: دخلي حبيبتي
سناء: حبيبه لتضوجين هاي امي روحهه معلكه بعادل يمكن انتي شفتي اني مودائما متواجده ابيت اهلي مثل البنات خواتي اني امي وخواتي معاديني لان خليت بناتي ايفوتن كليات
جمانه: ليش يعني شبيهه الكليه
سناء: اووف عقلهم هيج يتخبلون من الكليه اكولج بناتي مينزلن من حلوك خالاتهن كامن ميوصلن لبيت اهلي واني بس بالمناسبات اجي سمعي حبيبتي عديهه لخاطر عادل والله هوه يحبج وخطيه حاير بينج وبين امي واعرف انتي حبابه وساكته بس هاي امي هيج عقلهه ويه عادل من ابويه مات عادل صار ابونه كلنه اني مواكبر منه والله احسه ابويه زوجنه وساعدنه وبين فتره وفتره يجي ايشوف شمحتاجات احنا كلنه اكبر من عادل وكلنه ازوجنه وضل عادل وامي فتعلمت عليه يمكن عيب احجي هل حجايه كمت احس امي تغار عله عادل والله جنت اصيح الله يعينهه الي تاخذ عادل عيني جمانه انتي فاهمه ودارسه ميخالف اتحمليهه لخاطر عادل والله خطيه قبل زواجكم يكول بس اريد اخذهه وارتاح والله يهدي امي والله تخبل من عفتيه وشفتي اسوه
جمانه: ام ملاك والله ماعندي شي وياهه وهيه امي احسبهه بس ماعرف ليش ضايجه مني
سناء(ام ملاك) :هههههه مومرت عادل واخذتي منهه ههههه حبيبه اتحمليهه هيه شويه شويه تتعلم عليج احنا نمون عليج بس منكدر عليهه لان مره جبيره بس انحاجيهه تتخربط
جمانه: لاعادي حبي لاتشيلين هم هيه امي بعد صارت
من اول يوم فتت بي للبيت مشكله انوب كامت تتحجج راحت سناءوره الغده وده نصعد انام وصاحت راسي يمه عادل ضل يمي يمه يمكن راح اموت اني صعدت نمت حسيت عادل يمي بس وره ساعه يله صعد نمنه كعدت ع صوتهه تصيح الي ميخافن من الله اريد حوبتي تطلع بيهن السحارات
عادل: هاي شكو شكو شصاير شنو هل صوت
جمانه: والله مادري اني هم كعدت عل صوت انزل شوف بين ماالبس وانزل
عل سريع ذبيت دشداشه فوك هدومي ونزلت اسمعهه تتعارك ويه عادل تكوله تعوفني وتروح يمهه جنت اضل كاعد يمي من اكول راسي
عادل: يمه انتي نمتي واني صعدت انام شنو جريمه سويت
ام عادل :لايمه اني جريمه احجي بعد انت صرت ابن مرتك اني ابيش كيلو
عفتهم وصعدت حته مدخلت انوب خابروني امي مسويه مناحه من الصبح عله هذا حال بنتي تفوت ايعاركوهه وهيه عروس كوه رضيتهه كوه
عادل كاعد بالبيت عود لان عريس ميطلع واني مجازه لعبت بيه لعب ثاني يوم صاحتني كومي غسلي فرفوري المطبخ عادل نايم نزلت وده انضف نزل عادل
عادل: جمانه هاي شنو حبيبي عوفيه نزلي شسوين ولج مصار ٤ايام مزوجين
ام عادل: اي وشنو يعني يمه احنيلك رجليهه موجنه نزوج ونطلع ثاني يوم نحش ونحلب
جمانه: عادل روح كمل نومتك حبيبي اني هم التهي بيه
كملته وره مانكسر ضهري انوب سويت غده وركض ركض اجه الليل وكلشي ممفتهمه اني صعدت اريد انام وصاحت يمه عادل ضغطي يمه الحكلي ونزل عادل ذبيت روحي نمت اني حسيت باب الغرفه انفتح وصوت اذان الفجر 🌆 ها عادل بعدك منايم شنو القصه
عادل: لاالحجيه كالت ضغطي وظليت يمهه
جمانه: جان كعدتني اطيهه دوه اسويله شي
عادل: لالا ماكو شي حته ضغطهه قسته كلش ماكو
نمت بحضنه وهوه يلعب بشعري غفيت سمعتهه تصيح جمانه باوعت ساعه ٧ شكو نزلت اركض طلعت ده اكولي فرفوري الحمام والممر وهم لزمتهن جلف بيه نار وماكدر احجي خلصت اجازتي واجازه عادل واني ممفتهمه شي من عادل اصعد اني ينزل هوه انزل اني يصعد هوه حرب اعصاب احسهه تضوج يبقه يمي رجعت اداوم من الليل انضف واركب الغده ومن ارجع احميه ونتغده وانضف واصعد انام بعد ماينزل عادل متحمله وساكته وره شهر كعدنه الصبح حته اروح للدوام وهوه لشغله اني مسويه شوربه للغده وعندي كبب كلت نواشف حميت شويه حته اريك عادل اكل منهه وكال طيبه ووياهه كبه جريش تخبل عليهه طلعنه للدوام ورجعنه صبيت الغده وحطيته ده ناكل
ام عادل: الله واكبر عليج تردين تموتيني موتدرين بيه ضغط شدعوه هلكد ملح
جمانه: خاله ياملح وين
ام عادل: هاي الشوربه ملح عله حالهه ضوكيهه شوفيهه
جمانه: ضكتهه ملح مينطاق بيهه
عادل: يمه اني تريكت بيهه كلش طيبه جانت شسواها مالحه هيج
ام عادل: شسواها اسئل مرتك اكيد وكلتك من غيرهه
عادل: يمه ماكو غيرهه الصبح طلعتلي من نفس الجدر وطلعنه اني وياهه ورجعنه اني وياها وصبت من نفس الجدر
ام عادل: هااا اني كذابه يعني امده حضي هذا الي كسرت ضهري علموده
جمانه: عفتهم وصعدت قبل ماانفجر
مرن شهرين وهيه تتحجج اتحجج عليه
اخر شي هيه بصاله وكام عادل للمطبخ اني ده اغسل مواعين حضني من ضهري وايبوس بركبتي غسلت ايدي وانداريت حضنته
ام عادل: لايابت ابليس ماتستحين ماتخجلين مجلبه بالولد وهاي سطوح الناس كدامج تريد تفضحينه انتي
عادل: يمه شبيج ياسطوح شو شباك المطبخ يبعد عن باب الشارع قيامه ومسدود ابرد
ام عادل: اي يمه اي موعلمتك هاي المفضوحه عل فضايح مثل اهلهه لمفضوحين
جمانه: خاله ليش شبيهم اهلي شومايوم احد سمع صوتهم
ام عادل: امشي لج لوبيج خير مجان عافج ابن خالتج وره ملعب عليج
عادل: يمه شبيج صدك كذب شنو هل حجي
جمانه: خاله عيب اني مرت ابنج هسه عيب هل حجي ومحد لعب عليه عيب
ام عادل :تعرفيني العيب بنت الكلب
جمانه: رجاءلاتغلطين عله ابويه مااسمحلج
ام عادل: تسمع مرتك شلون رد برد ويه امك
عادل: جمانه سكتي عيني
جمانه: عادل هوه حاجيه اني شومن طبيت لهل بيت واني ساكته بس انوب مسبه عله اهلي
ام عادل: ميعجبج الباب ايطبب جمل فوك ماابني لفاج يالعانس
جمانه: هههه عانس ليش الحمدلله ٢٤سنه اخذني ابنج شوكت عنست والحمدلله اخذني من احسن بيت مااخذني من الشارع ولفاني
ام عادل: اي يمه يدختوره ليش لا موزين انتي رضيتي باابني كوليهه
جمانه: خاله لاتكوليني حجي مكايلته عادل عله عيني وعله راسي وثانيا شبيهه الدكتوره فخر هذا
عادل: كافي جمانه رحمه لاالله والله تعبت شوكت ارتاح كل يوم اريد ارضيكم وماكو
جمانه: عادل شو ترجع عليه هوه شوكت حجيت اني
ام عادل: لايمه خلي يرجع عله امه ليش يرجع عليج
عادل '':كافي عاد يمه والله هل عيشه لاتطاق صارت
ام عادل: اي غير انت جبتلنه شكول شكول امهات الكليات
جمانه: شبيهن امهات الكليات فخر امهات الكليات ومواي فخر دكتوره لاعيب ولاحرام فخر هذا
ام عادل :ده اتعيرك يويل يزمال ده اتعيرك بشهادتهه
جمانه: خاله شتردين انتي ليش دائما تعيدين نفس الحجايه
عادل: كافي جمانه
جمانه: هوه شنو الكافي كل مااحجي وكتلي كافي لاانت الي كافي متحمله وساكته صار ٣شهور اتحجج والف مشكله ارجع من دوامي الكه متحضرلي قائمه وساكته وشسوي ميعجب كافي طلعت روحي مليت
ام عادل: امداك الي تخلي مره تعلي صوتهه عليك وتكولك مليت
كام عادل ضربني صدك تخبلتي تضربني عادل
عادل: اي لان ده اكولج سكتي ليش مسكتين
جمانه: وتمد ايدك عليه ورب الكعبه ماابقالك ساعه بعد
عادل: لا لطلعين انتي اني امولي طالع ارتاحي يمه هاي عفتلج البيت وطالع اني
جمانه: اخذ سويجه وطلع صعدت لميت غراضي ونزلت جنطتي ونزلت
ام عادل: درب ايسد مايرد والله لزوجهه تاج راسج
جمانه: هل مره من ازوجيه لاتصيحيهه واتعبين صوتج صعدي ونامي بنصهم
اخذت جنطتي وطلعت بس مفرفحه تفرفح طبيت للبيت ويه طبت ابويه
ابوجمانه: ها بابا جايبه جنطتج جنت منتضر هل يوم اني يوم الي تصير عدج كرامه وتجين لبيت ابوج اخاف عبالج مادري اني كل يوميه لازمني جيرانكم ابو مرتجى يكولي ماعدك اكل توكل بنتك عايفهه لاام عادل لاعبه بيهه لعب وصوتهه ايلعلع عله بتك كل يوم لوما دكتوره وهله الهله جان اشسويت
جمانه: عفت ابويه وطبيت لغرفتي خلص صدك تعبت مااتحمل بعد شنو هل عيشه الي ده اعيشهه شناقصني اني
