#للقدر قرار
الجزء الرابع والعشرون
ل وردالعامري
ابو جمانه: سمعيني بابا الكلام الي راح اكوله الج اتمنه تفهميه زين ومتاخذيه بغير تفكير وحطي ابالج هذا بيتج احنه نطلع وانتي بيه وكلنه تحت امرج موانتي تحت امرنه بس يابابا عندج اولاد ثنين بعدهم مصارعمرهم 6شهور شلحكتو يابابا تفرحون بيهم وذوله ولد شكد صعبه تربيه لبنيه بس تربيه الولد اصعب لان لبنيه تسيطرين عليهه اتكعديهه بالبيت بس الولد ماينقفل عليه بابا ويحتاج اب وبعدين يابنتي والله العالم تضحك عليكم من ازوجتو لليوم. ماسمعت بينكم مشكله عله مصرف عله تقصير عله شي يصير بين الازواج شو مشاكلكم كلهه بسبب عمتج احاجيج تكولين عادل ماكو منه احاجيه يكولي جمانه لوافتر الدنيه ماالكه مثلهه وثنينكم تحبون بعض وانتي بذات شكد منعتج بالبدايه وشكد صارت مشاكل ماعفتيه وانتو مابينكم لاشي ولاجهال هسه يابابا تعوفيه بعد مصار عدكم اولاد
جمانه: بابا بعد مااتحمل وعادل مو عادل الاولي ورجعتي اله يعني غلط اكثر وبعد اكبر
ابوجمانه: شوفي بنتي المره من تريد تطلك لازم يكون اكو خلل بزوجهه موتطلك اكو خلل بااحد افراد اهله تره الدنيه مدايمه واسم الله عله المره مريد نحجي بااعمار العالم عمرهه طويل ان شاءالله بس عمتج معايشه العمر كله وياج
جمانه: بابا اني اضل عايشه ويه زوجي باامل ان تتعدل حياتي ويكون الي لاسامح الله من تموت امه هوه منو ضامن عمره يابابا اني نفسي يمكن باجر اموت وكتلك لمشكله مو بس ب ام عادل لا عادل تغير موذاك عادل الي اعرفه
ابوجمانه :بابا تره الدك عله الحديد يطك وهوه بشر موحديد انتي وامه وشغله تدرين هذا شغله اكثر شي متعب والله مرات اودي السياره يمه اني مااطيك الكعده هناك واني مجرد كاعد لااشتغل ولاابد شلون هوه هذا يصيح وذاك يصيح وزبون يتأمر وينام جوه سيارات وحر ودهن ولعبان نفس انوب يرجع للبيت يلكه امه ومرته شيصير عمي راح يتخبل الولد من وراجن والله
جمانه: اي هوه هذا احسن احل ابتعد اني قبل ميتخبل خلي هوه وامه موتصيح ازوجه تاج راسج خل اجيب تاج راسي يمكن يرتاح اكثر
ابو جمانه: جمانه تره هيه مو كالتلي وكتلهه شبيج بابا دماغج قافل
جمانه: بابا فدوه الله يخليك الي هذا قراري لوسمحت
ابوجمانه: استغفررالله العضيم بنتي براحتج هذي حياتج اني مدايملج اليوم اذا غصبتج عله شي باجر عيني تغمض تكولين بسببك بس حطي ابالج يابابا ابغض الحلال عند الله الطلاق وانتي حره وارجع واكولج حجيت وياج حته لتكولين محد نصحني هذا بيتج واحنا نحترم اي قرار تاخذيه
جمانه: نيمت الجهال واذكرت اني اطيت عنوان البيت اتصلت بالمحاميه اسئل عله وقت التبليغ كالت حدود 9او10يطلع المبلغ
بس استاذه هوه موبالبيت بهل وقت ويمكن ميستلمون التبليغ
المحاميه: زين اطيني مكان عمله او تواجده بهل وقت حته يستلم التبليغ بيده ونكسب وقت
جمانه: صحيح كلامي
اطيتهه عنوان الكراج احسن خل يستلمه بيده افضل
للصبح مكدرت انام طلعت للدوام صار بوجهي صعدت بسياره عامر صبح عله عامر وفات متوتره احس روحي ممتوازنه اليوم يوصله التبليغ خايفه ومثله القوه وكل شويه اكرر الكلام الي راح احجيه من يجي يكولي عله التبليغ حته حالات اليوم مستلمت كان عندي موعد تقويم اسنان اطيته لدكتوره غيداء عيني عل ساعه كل فتحه باب لغرفه الاستشاريه تفززني كراجه قريب عل المستشفى ميستغرق وقت طويل حته يوصل يعني هسه اذا وصله التبليغ هسه ب 9يعني بزايد9:30هوه هنا
هذا جان كل تفكيري واني اباوع ع الساعه ساعه 10انفتحت الباب ودخل د. احمد المسؤل عن حالات الطوارئ
د.احمد :دكتوره جمانه عرفت بعده مواصلج الخبر
د.جمانه: اي خبر دكتور
د.احمد: استاذ عادل جابوه لقسم الطوارئ
د.جمانه: اي عادل قصدك زوجي
د.احمد: اي دكتوره حاليا بالطوارئ يم دكتور زيد
جمانه: تخبلت لاياربي كلشي ولايصير بي شي طلعت اركض الي رايح لمستشفى الفرات يعرف ان اكو ممر يفصل بين الطوارئ والاستشاريه يكون بيه التحليلات وصاله الولاده والصيدليه وبعدهه الطوارئ احس الممر صار طويل كلش دخلت لطوارئ د.احمد كال بغرفه طبيب الطوارئ عفته دخلت نايم ع السديه بس واعي مفاقد
عادل شبيك
د.زيد: ماكو. شي دكتوره حادث بسيط اضاهر جان سايق بسرعه ان شاءالله خير بس اضمدله الجروح وادزه اشعه
جمانه: ليش هيج سويت بروحك
جانت بس عيونه مفتوحه مبين عليهن الغضب والالم اكو جرح بكصته ويم حلكه عيونه مثبته بعيوني الي كانت بس دموع تنزل منهه وكان ايكولي ليش تبجين مو الصار بسببج ضمدله الجروح واكو خياط صار بكصته ودزه عله الاشعه من حركوه عاط من رجله اخذناه ع كرسي للاشعه طلع عنده تمزق بكاحل القدم دزوه صب كل هل وقت اني وياه بس هوه محجه اي كلمه بس عيونه مثبته عليه صبوها ورجعنه لدكتور زيد
فحصه اكو احمرار من ناحيه صدره مال ضربه الستيرن فحصه لان كانو خايفين ايكون كسر الحمدلله ماكو شي
د.زيد :وين تحس بالم بجسمك
عادل :صدري وراسي ورجلي وايدي
د.زيد: راسك خيطناه صدرك ماكو شي بس مال قوه ضربه لستيرن توجعك شويه ورجلك هم جبسناهه اضاهر البريك راجع عليك ممسيطر من كثر سرعتك اما ايدك ف التواء عادي بيهه مرهم تستعمل وتصير تمام دكتوره جمانه الله يعينج زوجج صار سكراب شوفي مشدد من كل مكان ههههههه
عادل: يعني لازم اتبدله هسه مو دكتور
د.زيد: لامتبدله اتصلحه ادورله قطع غيار
جمانه: لادكتور اكو واحد ايبدل روحه وماكدر اصلحه قطع غياره ياباني اصلي وحاليا بسوك بس صيني
د.زيد: ههههه خوش دكتوره لعد اذا ياباني لتخافين عليه اصلي هذا دكتين جاكوج يرجع يشتغل ههههه خليك منا لساعه هنا اخاف لاسامح الله تحس بالم او شي خليك تحت المراقبه ضل بغرفتي اني عدني فره هسه
جمانه: شكرا دكتور
طلع د.زيد عافنه بغرفته هوه نايم عله السديه جبت كرسي كعدت يمه باوع عليه ودار راسه
ليش هل سرعه مفكرت بيه وبجهالك
عادل: وانتي مفكرتي من دزيتي هيج بلاغ الي لهل درجه مااسوه عندج شي اني
جمانه: دار عينه عليه يحجي بعصبيه عيونه دم
عادل بس عله كيفك بله عصبيه والله انت عندي اغله من النفس بس
عادل: بس شنو جمانه تعرفين كلش زين روحي بيج اني جان بدل مترحين محكمه ترفعين دعوه كوليلي موت وفض
