#للقدر قرار
الجزءالحادي عشر
ل وردالعامري
جمانه: السيديه ٢٤ ساعه مقفوله بدخوليه وابو الخط كام لو يوم يخابر ميكدر ايطب يتاخر لو من ايرجعني من الكليه يذبني ع شارع ميكدر ايفوت اليوم ذبني وطالعه روحي اكره هل مكان اخذ مني اغله شي عندي وحاره نار فات عادل وياه بنيه بصدر
عادل: جمانه السلام عليكم
جمانه :وعليكم السلام هلو عادل
عادل: شو هنا نازله ليش
جمانه: اوف من وره ابو الخط شسوي
عادل: دصعدي احنا راجعين للبيت اعرفج بنت اختي الجبيره
جمانه: هلاو حبي اتشرفت بيج
رجعت وياهم تشكرت منه وطبيت سولفت لبابا عل خط لمشكله سيارتين عدنه بالبيت بس عامر دوام وثامر يطلع ويه ابويه ويوصلون امي لدوامها للعصر اجه عامر كال عادل بت اخته نفس كليه جمانه بس قسم صيدله هاي اول سنه الهه كال اذا تحبون اخذهم سوه لان اليوم شايفهه بشارع والدنيه ضهر اتفقو وياه اروح وياهم كام كل يوم ايودينه ويجيبنه اني وبنت اخته وهل سنه اني اخر مرحله عذاب مصاير كمت اختنك من الكليه كلهه ومشت عليه كلمت مطلقه الي مشتهه عليه ساره خاتون من خلال اتصالاتهه ويه كم وحده من معارفهه
طلعت اليوم مخنوكه مريم بت اخت عادل ممداومه اليوم صعدت ليوره بس مخنوكه
عادل: حسيت بيهه موطبيعيه جمانه شبيج
جمانه: احم مابيه شي سلامتك
عادل: لعد شبيج بس تردين تبجين اها لايمعوده لوادري محاجي ليش تبجين اوكفي خل اطبك راح اضرب السياره نزلت فتحت الباب الوره جبتلهه مي من الاسواق
شبيج ياعيني منو مضوجج بالكليه بس احجي
جمانه: ماكو شي بس شويه مخنوكه
عادل: كولي وروح عمار ماكو شي مادام بجيتي اكثر ومحلفتي يعني اكوشبيج
جمانه: مخنوكه من الدنيه كلهه ليش هيج صار صديقتي الي جانت ويه روحي مكفاهه الغدر انوب اطلع حجي عليه بالكليه وكل يوم واحد جاي ذاب حجايه
عادل: وروح عمار الي يحجي بيج بحجايه اله ادوس ركبته برجلي شبيج كافي بجي
جمانه: اسفه دوختك بس مخنوكه مستحملت اكتم بعد
عادل: لا تحجين هيج موعيب عليج بس لكلينس البسياره خلص هههههههه شنو ذنبه
جمانه: ههههههههههه هاي شنو صدك خلصته
عادل: فدوه الج هوه وراعيه يكفي عيونج ضحكت لو الدنيه كلهه تخلص موبس لكلينس مومهم
جمانه: ضليت صافنه عليه جانت كلماته صادقه الى ابعد حد من انتبهه عله روحه غير
عادل: احم يعني انتي بغلات المرحوم ميهون عليه تبجين
جمانه: حسيت ان عنده شي بس ضامه اويمكن تهيئلي عدت كم يوم هوه ايودينه ويجيبنه
اليوم ده اطلع سياره عادل كبالي صارت وواحد من الولد لزم ايدي يكولي مسويه روحج شريفه وساره تكول دزولي كارت وهيه يمكم طلعتي كلش رخيصه شكو مسويه روحج علينه فدشي
شفت الولد انردم بالكاع وعادل كبالي جرني من ايدي صعدني بسياره ومحجه شي واني دايخه بالسمعته وصل بنت اخته اول كل مره الي ايوصلني
عادل: جمانه ممنوع ينحجي الصار بالبيت وكوليلي لولد شراد منج بروح عمار بغلات ترابه لاتكذبين بشي
جمانه :سولفتله كلشي وهوه جان يضرب بالاستيرن
عادل: ممنوع تحجين شي اني اصرف
جمانه: ثاني يوم اجه علينه بس مبدل وكلش انيق نزلت بنت اختهه واني كلي ثواني طبك السياره ونزل وياي كال افوت وياج لكليتج
حاولت امنعه مقبل طبينه للكليه صارو الشله كبالنه لزم ايدي ومشه كدامهم رحنه للاداره اني صافنه عله تصرفه هذا شديسوي
عادل: السلام عليكم استاذ اني عادل من طرف استاذ معن دزني عليك كال ابن عمي واني اتوسطلك يمه
العميد: اي حبيبي خابرني تفضل
عادل: استاذ جمانه خطيبتي وكم شاب ده ايضايقهه واني ماريد مشاكل البارحه ضربت ولد وكلت اجي بنفسي اعتذر حته لتصير شكوه اوشي عليهه
العميد: اطيني اسمائهم
جمانه: اشرلي اطيته الاسماءالعميد كال اهوووو ذوله كم شكوه عليهم روحو ويصير خير
عادل ماعرف شلون اشكرك
جمانه ميحتاج الشكر هذا رقمي شيصير خابريني يله اتوكل اني
ضليت حايره بتصرفه ووكفته ويايه وصلنه للتخرج واحنه عل حالنه بس احس نضراته الي بيهن شي اليوم بنت اخته ممداومه من رجعنه ازدحام قافله ضلينه نسولف حجيه بسيط ومرتب
عادل: افرح بقربهه بس حته هذا هواي صار عليه كلهه كم يوم وتخلص كليه جمانه اكو بنيه وياكم هم تدرس طب بس ماعرف ياقسم
جمانه: اي شبيهه
عادل: ولد صديقي ايحبهه بس ميكدر يحجي شي هيه وين وهوه وين
جمانه: ليش شبي صديقك
عادل: مابيه بس كتلج هيه تدرس طب يعني دكتوره وهوه فيتر
جمانه: هذا مومقياس يامه ناس متعلمه ماعدهه شهامه واصول الناس الي مواصله بدراسه
عادل: يعني برئيج عادي
جمانه: طبعا عادي وبعدين اذا هيه تحبه متخلي ابالهه هل شي
عادل: هوه مكايللهه انه يحبهه
جمانه: لاتزعل مني صديقك جبان الي يحب ايقاتل علمود حبه اذا نجح ارتاح وعاش ويه الي يحبه واذا ارفض هم ارتاح عرف ماكو نصيب يمنع نفسه ويشوفه دربه
عادل :هيج تشوفين انتي
جمانه: اي احسن حل
عادل: بس هوه يستحي خصوصا اهلهه عرف عيب شيكولون عليه
جمانه: عادل نيته شنو لعب لويحبهه صدك
عادل: لالا والله يموت عليهه ويتمناهه تمني بس كتلج هوه..
جمانه: لاتكمل لاهوه ولاهيه يروح يكولهه يابت الناس كذا كذا كذا موافقه كان بها مموافقه اعتذر ويله باي لان وصلت ههههههه
ماعرف ليش تمنيت يكون عليه وعليه الحجي
