#للقدر قرار
الجزءالثاني عشر
ل وردالعامري
جمانه: راح تبدي عطله الامتحانات واجاني عادل مجايب بت اخته
اليوم اطلع من وقت لاتجي اني ارجع
عادل: لا جمانه اني ماعندي شغل اليوم اعرف دوامج هل ايام موكامل ممكن احجي وياج بموضوع وره متخلصين
جمانه: اي احجي عادي اصلا ماعندي شي اني هيج جيت ده اشوف اخاف اكو شي تعليمات اوشي
عادل: ممكن نكعد بمكان عام اذا سمحتي
جمانه: اوك ماعندي مانع
عادل: بصراحه ماعرف شلون ابدي واعرف ان تغكيري غلط بس كلت احجي عله كولتج لازم اواجهه. ماعرف شلون ابدي الموضوع
جمانه: ابدي بلامقدمات
عادل: ها اي جمانه اني اني شسمه اني
جمانه: ههههه راح اضل اتمتم هواي
عادل: لا بس
جمانه: بس بس شنو بس انت الي البارحه حجيت عن نفسك بحجت صديقك صح
عادل: صح اعتذر اعرف اجاوزت حدودي
جمانه: عادل الي يحب بهل زمن مثلك ينحطله تمثال ايحب ويستحي من صديقه ويستحي من شهاده
عادل: يعني قصدج
جمانه: قصدي يابختي بيك
عادل: جمانه بروح عمار صدك لواستحيتي اتفشليني
جمانه: عادل الشهامه العدك ووكفتك ويانه واحترامك لصاحبك لهل يوم ايخلي كل الناس تحترمك وتحبك وانت كلش جبير بعيني اني بذات
عادل: يعني اذا اتقدمتلج ات…
جمانه: قبل متكمل اوافق لان مالكه مثلك بهل دنيه كلهه
عادل: ياالله وروح ابويه صار سنين محترك بنار واخاف حته احجي لوتعرفين الفرحه لبداخلي شنو اليوم ادز امي واتمنه اليوم قبل باجر تزينين بيتي ياورده بيتي الي والله لوعطشت اسكيهه من دم كلبي
اطيت خبر لاامي ومامرحبه بالموضوع جتي امه العصر وامي حاولت اتبين رفض لموضوع واخر شي كالتلهه نشوف ابوهه شيكول
ام جمانه: صخام دكتوره اطيهه لفيتر وين صايره هاي
جمانه: ماما اني موافقه.وهاي حياتي
ابوجمانه: بابا ماتتوالمون ميصير هل حجي
جمانه :ليش يعني منتوالم
ابوجمانه: بابا انتي مستقبلا دكتوره وهوه فيتر يعني دهن ووصخ وبانزين شجابرج
عامر: والله عادل ورده مال الله مو هذا اياد صيدلاني ليش هسه الدنيه كلهه تركض وراه
جمانه: والله صحيح مواياد شهاده شسوه بيه بعدين هاي حياتي اني اعيش وياه موانتو
ابوجمانه: انتي حره بابا عادل خوش رجال والف وحده تتمناه بس اني لنصيحه كتلج وانتي حره
