ما أروع العشق حين يصل لحد الجنون
جنون عاشق وعاشقه
وقصة حب حروفها
أنت وأنا
......
اتنين طموحين مجانين عايشين في وسط الناس بيجرو !!
ايوه بيجرو عشان يوصلو لهدفهم ويحققو طموحهم الاتنين مش بيقبلو المنافسه ....
كيبوم : استني انا اللي هحكي حكايتهم
سوزي : لا انا هقول اهو
.
.
ناس زحمه كتير وصحافه ماليه المكان
شاب واقف بيبص على الزحمه دي : وبعدين مش هعرف اوصله واخد معاه انترفيو يعني ؟
بص حواليه وابتسم بخبث وطلع يجري يحشر نفسه بين الزحمه
وفي نفس الوقت والمكان بنت بتجري تكعبل اللي ادامها وتتقدم في الزحمه وتاخدلها مكان ومستغليه ان حجمها صغير وبتتسرسب مابين الناس اللي واقفه لحد ما خرجت من الزحمه بصت جنبها لقت شاب بيبصلها ومبرق
الشاب بيفكر : ازاي قدرت توصل لهنا ؟
البنت : ده شايل كاميرا لا مش هسمحله ياخد السبق قبلي
الاتنين بصو لبعض بتحدي وطلعو يجرو على الراجل اللي كان هيركب عربيته
البنت مدت رجلها كعبلت الشاب اللي اتكوم على الأرض
الشاب بصلها متغاظ لقائها بتبصله وبتبتسم برخامه وادته ضهرها ولسه جايه تجري على الراجل راح شاددها من شنطتها موقعها على ضهرها
الاتنين بصو على الراجل اللي ركب وطلع بعربيته
البنت بصت للولد : انت حقير
الشاب برق : ياسلام وانتي ايه بقى ملاك !
البنت بصتله بغيظ وبتزعق : لولاك كنت عملت انترفيو معاه قبل ما يمشي
الشاب وقف على ركبه وعلا صوته بنرفزه : انا كنت هوصل قبلك وانتي السبب اهو مشي لا انا ولا انتي اخدنا الأنترفيو
البنت بتقوم وهي متعفرته : انت ازاي تشدني وتوقعني كده انا مش هسكت انا هرفع عليك قضيه
الشاب استغرب بس كان على اخره وقام من على الارض : انتي عبيطه ولا عبيطه انتي اللي مكعبلاني الاول
