طفله عمرها 7 سنين قاعده في اوضه واسعه كل حيطانها وستايرها لونها ابيض
الستاير بتتهز برقه من الهوا البسيط اللي داخل من الشبابيك
الأوضه تقريبا فاضيه مفيهاش أثاث.. بس شويه لعب
على الأرض قاعده بنوته وشها جميل وبشرتها البيضه الصافيه وخدودها الحمرا البياض الممزوج باللون الأحمر زي الفراوله باللبن وبؤها زي حبه الكرز الحمره الصغير عيونها الواسعين السود برومشهم السوده الطويله
شعرها الطويل الناعم بلون الليل اللي بيلمع تغرق فيه من طوله
قاعده في وسط لعبها بتلعب بعروستها
فجأه يدخل عليها ولد صغير ادها في السن
هنري بينده عليها : مووووووووووري
موري اتخضت من الصوت وبعدين كشرت : يا هنري انا مش قولتلك متدخلش عليا وانا بلعب
هنري بيغلس اخد منها العروسه وطلع جري برا
موري جرت وراه وهي بتعيط
موري بعياط : هاتها
هنري رافع ايده بالعروسه لفوق وبيطلع لسانه
موري بتدب برجلها على الارض : كده انا هنادي على شيون .. يا شيوووووووون
شيون اللي كان في اوضته بيحدف الكوره في الباسكت اول ماسمع موري بتنده عليه جري عندها
شيون : مالك يا موري !!!
موري بتعيط وبتشاور على هنري
شيون راح اخد منه العروسه وقاله : بلاش رخامه بطل تدايقها أنا مش عايز أضربك
هنري : يا سلام انت عشان اكبر مني بتلت سنين يعني تضربني ؟
شيون : لا بس مش بحب حد يدايق موري
وراح ادا لموري العروسه
موري ابتسمت ليه وشاورلته عشان يوطي
شيون ضحك : يا قصيره عاوزه ايه
موري باسته في خده ودخلت اوضتها
شيون بصلها جامد وحط ايده على خده
.....
بعد 15 سنه
الصبح من بدري
شيون في ملعب الجنينه لوحده عمال يحدف الكوره في الباسكت
