بيت صغير دور واحد في حي بسيط في سيؤل متوسط الرقي
جوه البيت وبالتحديد في أوضه شاب نايم ، مخده بتتحدف عليه وصوت بيزعق جنبه
موري : اوباااااا اصحى بقى انا بنادي عليك من الصبح
يسونج بيبعد المخده ببرود ولا كأن حاجه اتحدفت عليه : مممممم خمس ساعات كمان
موري بزهق :بص بص انا زهقت من صحيانك انا حضرتلك الفطار وهسبقك على المكتب انيووووو
وطلعت جري من الشقه
يسونج نايم ومسمعش ولا كلمه من اللي قالتها اخته
...
يسونج : 28 سنه عنده مكتب ديكور مع اتنين من اعز اصحابه
اما المزعجه اللي كانت بتصحيه موري اخته 23 سنة ولما اتخرجت من نفس كليه اخوها اللي واخداه قدوه ليها في كل حياتها مهي معندهاش غيره وبتشتغل معاه في المكتب
. .
وفي المكتب موري اول ما دخلت تنحت جامد وقلبها بدأ يدق جامد
موري: اوو احم هان اوبا
هان بيبتسم : ازيك ياموري امال فين الناس؟؟
موري : الحمد لله محدش هنا
هان:ايه ؟؟!!!
موري ارتبكت : اقصد زمانهم على وصول
هان: ممم طيب هعدي عليهم اخر النهار عشان تصميم المسابقه
موري مستمره في التسبيل : هااا وماله مش عيب
هان بصلها مستغرب بس ضحك ومشي
موري لسه واقفه متخشبه لقىت صوت بيضحك من وراها ، لفت بصتله وكشرت
كيونا : مش معبرك شايفك هوا ادامه اتهدي بقى
موري شدته من شعره : حيوان على الصبح
كيونا :ااااااااه يابت العبيطه وبعدين المفروض اني اكبر منك اشمعني انا اللي مش بتقوليلي اوبا
موري بتقعد على المكتب بغلاسه : مش حساها اصلك هايف
كيونا : اه يا بت ال ..........
شيون دخل وشافهم كده : اصطباحه كل يوم
موري عوجت بؤها وطلعت فايل ادامها
كيونا : انا عارف يسونج جابلنا الأشكال دي منين
موري : مش هرد عليك
شيون بيقعد : على سيرته هو فين ؟
موري: زيي كل يوم
