يا سيِّدتي
كم أتمنى لو سافرنا
نحو بلادٍ يحكمها الغيتارْ
حيث الحبُّ بلا أسوارْ
والكلمات بلا أسوارْ
والأحلامُ بلا أسوارْ
.
.
واقفه بتبص على المحيط وهي فرحانه سمعت اللي بتقولها
..... : انا عارفه بحر ايه اللي هتسافري فيه ده مالها الطياره
....: كان نفسي اسافر عن طريق البحر
...: بس الرحله هتقعد كام يوم لحد ما توصلي
....: كويس هستمتع اكتر
....: طول عمرك عنيده يا موري
موري : عارفه مع السلامة بقى
موري طلعت ودخلت الباخره اللي هتسافر عليها امريكا
وقفت في اول دور من فوق ومسكت في السور بأيدها الاتنين وبصت على البحر
موري: اول مرة اركب باخره حسه اني هكون مبسوطه
فجأه الباخر عملت صوت زي صفاره بس كانت عاليه اوي
موري اتخضت وشبطت وفي دراع شاب جنبها ودفنت راسها في دراعه من الخوف
الشاب بصلها مستغرب الأول وبعدين كتم الضحك وهو لسه ساند بأيده على السور
شويه والباخره بدأت تمشي
الشاب: هتفضلي كده كتير؟ دراعي خدْل
موري اخدت بالها وشالت راسها بس لسه مسكه دراعه بأيديها الاتنين : احم اسفه بس اتخضيت
الشاب :ما انا اخدت بالي بس واضح انك لسه خايفه
بص لأيديها اللي ماسكه دراعه اتكسفت وشالتهم بسرعه
موري : احم سوري
الشاب : لا عادي انا معنديش مانع
موري اتكسفت ومشت على اوضتها
الشاب ضحك ومشي هو كمان
.
.
وبعد ساعتين موري في اوضتها : انا دايخه الدنيا بتلف بيا يارتني ركبت طياره
قعدت على السرير تهوي على وشها : عاااااا لا اانا عايزه هوا مش قادره
فتحت الباب ومشت بصعوبه لحد ما طلعت على ضهر الباخره تاني كل لما تبص في البحر تحس انها هتقع لحد ما مرة واحد اغمى عليها
.
.
