باخره كبيره واقفه في ميناء كوريا
جوه الباخره الحركه من الفجر شغاله في المطبخ والروم سيرفز بيوضبو الأوض والمطعم وكل شبر في السفينه
.... : سمعت ان القبطان اتغير
.. : بجد ليه
....: اترقى هيهيهييهي
...: كتك خيبه
وضحكت ودخلت اوضه جديده توضبها
...: لسانك طويل اوي يا موري
موري : معلش يا كيو هو انت لسه عارفني امبارح
كيونا بيهرش : لا بس بردو تتلمي
موري : ااااااااه انا تعبت
كيونا : وانا جوعت خلصي الأوضه دي وحصليني على المطبخ
موري قفشته من قميصه من ورا: متخلينيش اعملها معاك على الصبح
كيونا : ههههههههههههه مكنتش هسيبك بس بحب اشوفك متعفرته
موري سابته وبعدين خلصو باقي الأوضه ونزلو على المطبخ
كيونا : الرحله فاضلها ساعه الحق انام
موري : اكل ونوم بس يا كيو
كيونا: موري انا من قبل الفجر صاحي و واقف على رجلي
لقى اللي بيخبطه من وراه
تشو مينهو : ما كلنا واقفين على رجلينا
يوجين : اتاخري كده يا موري
موري بتغلس : نضفتي الحمامات حلو
يوجين : يابت هتتشتمي
موري ضحكت وفضلت تغلس عليها
....
وبعد نص ساعه كان كله واقف على ضهر الباخره
البحاره والظباط والمهندسين وكل طاقم الخدمه الفندقيه واقفين مستنين القبطان اللي طلع فارد ضهره وحاطط ايده الاتنين وراه ضهره ولابس لبس القبطان البحري الأبيض والطاقيه ، ورافع راسه لفوق
فضل ماشي وسطيهم
كان الظباط والبحاره واقفين عاملين التحيه
اما الباقي موطي راسه خفيف احتراما
القبطان بصوت رجولي : كل حاجه جاهزه ؟
