"انثى واجهت القدر"
...الحلقة السابعة عشر....
هند: ها حبيبي وينكم تأخرتو
...: عفوا اختى زوجك واهله موجود في مستشفى ... حاليا
هند طاحت من طولها وعيطت بصوت عالي وانهارت بكاء
نحن جينا نجرو
ماما: كنك
هند مستمره تبكي وتقول لاااا
ماما: تي كنك شن صار قولي
هند مسكت يد ماما بالقوه: ياماما مات مات قاعد فالمستشفى ياماما
هبه شهقت: من قالها
هند: رد عليا واحد قالي قاعد في المستشفى هو وهله
انا: يعني ماماتش😑
هند تمسح في دموعها: ماما نبي نمشيله ارجووك ياماما
ماما: احح تو نقول لهاني
هند خشت لدار بسرعه غيرت ولبست كبوطها ومسحت الميك اب وطلعت
في السياره
هاني: باه كيف مش على اساس جايين ناس بيخطبو اليوم
ماما: وهو مش معروف شن صارله بس قاعده فالمستشفى
هاني وقف بالسياره مره وحده لين قريب طلعن من القزاز: تبي تركبيلي قرون ياامي. انتي وبنتك ولا كيف؟
ماما:هاني..قاطعها
هاني: تي كييف هكي ولا ماشي معانا ست الحسن ونا قروني فوقي ونوصل فيها لحبيب القلب ااه ويخبط على الستيرسو
هند تبكي: ونبي خليني نشوفه بس ارجوووك وبعدها نطلع طول نعرف شن صارله بسس
هاني يعيط: اسكتييي معش تحشمي انتي تو نوريك الحقاره نا وعلق ولف يبي يرد
هند تعيط: لاااا ارجوك والله نهرب من الحوش ونمشيله بروحي لو صارت لنوره حاجه شن كنت حدير؟
ماما لفت على هاني وتبحت فيه بتأنيب
درس على جنب ويهز في كرعيه ويبحت فيها من المرايا...تؤ اووف بلا نعير اسكتي اسمعي..بتهديد..تنزلي تسئلي شن صار وكيف حالته وتطلعي كيف البنت العاقله وحي على امك تجي شوره وديري جو حبيبي مريضه وحيموت ودراما زايده ونا سمحتلك لان..وسكت
وقعدت السياره سكووت وهاني يجري بالسياره
عندنا
هيام: عليك نكد مفش يوم يمر بدون مشكله على خشت احمد ومعاذ لدار
احمد: وين امي وهند وكنكن دايرات هك
هيام: ماه رمزي دار حادث وخش لمستشفى هو وهله
معاذ مفنص: ومن رمزي هذا
انا وهبه فنصنا فيها
هيام: يلي كان جاي بيخطبها
أنت تقرأ
رواية_أنثى واجهة القدر ( مكتمله )
Humorروايه ليبيه منقوله للكاتبه:زيزو أثمن انها تنال اعجابكم
