"انثى واجهت القدر"
...الحلقة الثانية والعشرون...
قرأة ممتعة...
.
.
وانصدم بعد لقاها مقعمز جنب الساس ومتكيه عليه
جى قعمز جنبها: كنك
هيام: شن دخلك
يوسف بحت فيها وساكت
هيام وخرت من جنبه وجت في اخر الساس
يوسف بحت فيها وضحك وقرب لين لصق فيها
هيام صبت: خطاني
يوسف صبى وقعد مقابلها: كنك قالبه وجهك وبعد نقولك حاجه اسمعي الكلام تمام متعاندش
هيام: ومن انت اصلا عشان نسمع كلامك هع ااه اذكرت يوسف ولد صاحب المدرسه قصدي هذي حاجه عاديه راه مش كان انت ولد صاحب المدرسه معناها الناس الي فيها ادير فيهم كيف ماتبي حتى نحن سجلنا فالمدرسه وبفلوسنا مش بجميلك وفي مية الف مدرسه اخرى في طرابلس غيرها حطها في بالك
يوسف ربع ايديه: تو كان انتي مش متخلفه اصلا انا جبت سيرت الموضوع هضا اصلا توا وبعدين انا مدرتش حاجه خطأ لعند توا بس الي يضايقيني ولا يضايق الي نحبهم نوريه ولا تبيني نقعمز ونمدله فقومتي هك ونقوله خوذ راحتك
هيام.: باهي طلع في ناس تحبهم
يوسف: مش غير بس مش واجد هما راه وحد.. قصدي بنتين
هيام رفعت حواجبها: خليهن اربعه احسن
يوسف حط يده على راسه: نفكر الاول
هيام تبحت فيه ومفنصه عيونها: مبردك ازف
يوسف: اوووو من وين لقيتيها ازف هذي معش تقوليها باهي والا نقصلك لسانك
هيام حطت يديها في وسطها: بلكي تضايق فيك حتى هيا
يوسف: واجد
هيام مسكت ايديه الاثنين وحطتهن فوق بعضهن وقعدت تكر فيه: هي معايا الاستاذ يرجى فيك انت ومازن..اه صح مازن نسيته وبحتت وراه:هيييييي انتم هنا
كانو مازن وامير والشاب الثاني وراهم ويبحتو فيهم
مازن : ااه شفنا الفيلم كله فاتكم السبول طعمته مش عاديه
يوسف لف عليهم: ههههههه وليش ماعقبتلي يامعفن
هيام عيطت: خلاااااص هيا قدامي كلكم يارب تحصلو فلاقي سماح
يوسف: انا يوس... وبحت فيها لقاها رافعه حاجبها وضحكه على الجنب رقعها بضحكه ومشو كلهم
الاستاذ: هيا انتم الاربعه وجوهكم على الساس وكراعكم فوق والشنطه فوق راسكن لعند الحصه الاخيره
يوسف: تي لاا عاد.. باهي حتى هيام راه تأخرت ونحن رادين لقيناها تاكل في شبس ومقعمزه على الدروج ..صح شباب
أنت تقرأ
رواية_أنثى واجهة القدر ( مكتمله )
Humorروايه ليبيه منقوله للكاتبه:زيزو أثمن انها تنال اعجابكم
