"انثى واجهت القدر"
...الثامنة عشر...
هند: من انتي
الكل انصدم وعم السكوت لفترة دقيقتين تقريبا
احمد: هند كنك
هند: من انت
معاذ حاول يتغاضى الصدمه: انتي اسمك هند ونحن خوتك وانا معاذ
هند: اه وتبحت فينا وساكته
انا قعدت نبحت فيها حسيت في حاجه غريبه قاعده تصير او نا مش قادره نتقبل صدمات اكثر
علمو بابا وماما بالموضوع...شلناها للمستشفى وقالو شكلها تعرضت لصدمه خلتها تفقد الذاكره وعطوها نوع دواء.
بعد مرور ايام....
كنا مقعمزين كلنا فالصاله ومتنكدين وحالتنا حاله
احمد سافر وقعد في طرابلس غادي
بابا: اسمعوني هنا
بحتنا فيه كلنا
بابا: انا عارف روحي لخبطتكم بعد قلتلكم نردو نعيشو في بنغازي بس كان الغرض لم شملنا مع خوتي ونقعدو عيله وحده هنا
معاذ: يعني
بابا بحت فيه: يعني ويبحت فينا
ونحن تقول والعه فينا نار ونبحتو فيه وعيونا بيطلعن
بابا: هههههه كنكم تفنصو هك ..بحت في ماما.. قوليلهم انتي بدنك انتي الي قنعتيني
ماما ابتسمت: نحن رادين لطرابلس بكرا
معاذ وهاني بحتو في بعضهم وساكتين
انا: وووووو ..وقعدت نرقص
بابا:هههههههه لدرجه هذي تحبوها انتم
ماما: مش هيا الي يحبوها يحبو ناسها وقعدت تبحت فينا
هيام:هههههه
معاذ: طبعا ياامي والله عيت عمي ابراهيم جو مش عادي وخصوصا بناتهم قصدي الشباب
انا:ههههههههه خزو
بابا: باه هي امشو وتو دبشكم ولا مش ناويين تمشو
فجئ الصاله فضت معش قعد فيها حد الا هو وماما
بابا:ههههههه مش عارف كيف تغيرو هك في الاول كانو مايبوش يمشو بكل
ماما: تعودو على القعده غادي ودارو اصحاب حتى سعاد يومتها كلمتني زعلانه قالتلي ردو ورايفنا عليكم
بابا: ااه ونا نقول كنك تقوليلي خلينا نردو
ماما: حتى جامعتهن تأخرن عليها لنا اسبوعين تقريبا وهيام مدرستها وشهاده هي السنه
بابا: انا كنت نبي نسجلها هنا فالمدرسه الي جنبنا والبنات يسجلن فالجامعه الي هنا يعني شن المشكله
أنت تقرأ
رواية_أنثى واجهة القدر ( مكتمله )
Humorروايه ليبيه منقوله للكاتبه:زيزو أثمن انها تنال اعجابكم
