رواية_أنثى واجهة القدر ( مكتمله )

الحلقه 19

"انثى واجهت القدر"

...التاسعة عشر...

تنويه: الحلقة ممكن تلقو فيها اخطاء املائية لاني ما تدرتلهش تعديل

معاذ: هذي نهايتها(بصوت عالي)

نيروز: م معاذ

مراد بحت فيه: خيرك

معاذ جى بخطوات سريعه دفه وكر نيروز وراه: معش تقرب منها تسمع ولا تحاول اصلا

مراد عقد حواجبه: كيف من انت اصلا؟ انا ولد عمتها انت شن دخلك وبحت في نيروز من هذا

معاذ رقاله بكل: متسألش امها باه انا قاعد قدام وجك وقلتلك كلامي نلقاك جنبها مره اخرى قسما بالله مايصير خير

مراد بحت في نيروز ورد بحت في معاذ: تو نشوفو من الي مايصيرش منه خير..ومشى

نيروز ترعش وجت مقابلته: معاذ ان...قاطعها بحرك من ايده

معاذ: انا من اليوم لا نعرفك ولا تعرفيني..نهايتها تخلي فيا هك قدام ولد عمتك ولا عايشه الجو ومبتسمه للكاميرا عارفه يانيروز كل الشي الا ان البنت الي نحبها تخليني طرطور جنبها متحاولش تبرري انا شفتك كيف مبتسمه فالصوره ولا ماسك..وقعد يعيط..تو معقوله ماسكك ومقرب منك هك وتسهوكي و حتى لو واحد من خوتك شافك هك مش حيسكت يبال انا الي...وسكت صح انا ملش حق نحكي معاك توا..ومشى وسيبها

نيروز تبكي: معاذ والله ماقصدي والله هو الي دار هك نا كنت نبش نخرب علاقتي مع ولد عمتي بس عشان خاطري لو عندي عندك خاطر متخلش كل شي بينا ينتهي بالطريقه هذي هو والله وطاحت وقعدت تخبط على الوطى

معاذ مصبي وبعدها لف عليها: يعني متخربش علاقتك مع ولد عمتك لكن ان..وسكت بعد لقى يديها دم وجاها يجري صباها وخذاها معاه للمطبخ غسلها يديها وحط عليهن مناديل وجى بيطلع مسكاته من جاكته

معاذ لف: نيروز خلي نمشي خير ما نقول حاجات ميعجبنكش ويفنص

سيباته ونزلت راسها وهو مشى

على خشتي انا:هيييي نزو كنك

نيروز رفعت راسها وقعدت تبكي بصوت عالي

انا سكرت الباب متاع المطبخ بسرعه والباب الي على الحديقه عشان مايسمعنى حد وجبت طاست ميه وجيت جنبها:كنك حبيبتي شن في

نيروز تبكي: والله والله هوا مش انا هوا هوا خرب كل شي معاذ كان يبي يديرلي مفاجئ هوا خربها خربها..هنوو😭معاذ راح مني مشى بدون مايعطيني اي سبب يخليني نعيش بدونه انا قاعده خلاني نحس ان النفس الي نتنفس فيه قعد هم على قلبي😭😭

انا: باه اهدي بس اهدي امسحي دموعك وهاكي اشربي ميه وبعدين احكيلي المشكله وتو ندورولها حل

نيروز قعد تمسح في دموعها وشربت شويه من الميه

خذت نفس.. نا كنت ننشر فالمناشف متاع المطبخ على الحبل شويه جى مراد يهدرز معايا وقالي في وحده عاجبتني قتله نخطبها لك وريها ليا مشى خذا موبايله وحط الكاميرا سيلفي وصورنا جى معاذ ودار مشكله وقالي لانعرفك لا تعرفيني وقعدت تبكي اخرى