معلش يا جماعة كان في غلطة في الفصل اللي فات انا قولت بعد مايقرب من عشرين سنة كان قصدى أقل من عشرين بالظبط 15سنة يعنى السن الحالي ل يوسف 35 والسن الحالي ل مريم 27 وسن الحالي ل التؤام سفيان وسيدرا 21 سنة
تانى حاجة انا عارفة ان في زوجة اب كويسة جدا زى ما فى زوج ام كويس جدا وفي العكس بس للحق الحالات دى قليله خصوصا انى وضحت ان اللي بيحرك نهى الطمع في الفلوس
تالت حاجة الناس اللي بتسال يعنى عدا كل الوقت دا ومريم ويوسف لسه ما اتجوزوش اكيد احنا عرفنا إن يوسف مضحى ف اكيد مش بيفكر في الزواج
أما مريم انا بينت انها بنت مسترجلة وبتكره الرجالة بس يا ترى هتفضل كده 😜😜 انا جريت بزمن الرواية لانى عايزة ادخل في الاحداث . كفاية رغي وندخل نشوف ايه اللي هيحصل ل الاولاد الأربعة 😜😜
👪👪👪👪👪👪👪👪👪👪👪👪👪👪👪👪👪
🌸البارت الخامس🌸
👪اكره أبى ولكن 👪 ميرا إسماعيل😘😘
في فيلا يوسف النجار
الكل واقف امام التى فى بيسمع الاخبار وقطع تفكيرهم صوت عياط سيدرا الكل بص عليها
سيدرا : بصدمة مش ممكن اللي حصل بابا اكيد وقطع كلامها غضب مريم بصوت عالي: انت قولتى ايه احنا ملانش اب سامعه
سيدار بارتباك : م م مش قصدى انا اقصد انه اكيد هيحصله حاجة وكلمت بابا خرجت غصب عنى
مريم بصوت عالي وبتوجه الكلام للكل : مفيش حاجة اسمها غصب عنك احنا بالنسبة لينا فواز النجار مات سامعين مات
يوسف بهدوء عكس اللي جواه : مريم اهدى مش كده سيدرا مقلتش حاجة غلط
مريم وسفيان مع بعض : نعم قصدك ايه
يوسف سكت لكن بص ليهم بصة مريم فهمت وفاطمة حست ان الخطر بيقرب
مريم : يوسف اقسم بالله لو فكرت تساعده او تدخله حياتنا باي شكل هيكون ليا رد فعل مش هيعجبك
الكل واقف بيتابع الموقف انا الراجل دا مات بالنسبة ليا ومفيش ميت يرجع يعيش انا قولت اللي عندى
يوسف لسه هيرد قطع كلامه صوت الفون ولما رد عرف ان فواز عمل حادثة واتنقل المستشفى
سفيان : بتشفى احسن ولسه هيشوف حاجات كتير
مريم : والله طيب كويس الله يرحمه مقدما
فاطمة : انت ملكم في ايه !! انا ربتكم علي كده من امتا بنشمت في الموت والمرض دا قضاء ربنا
مريم و سفيان حسو انهم غلطو لكن عندهم اللي ورثوه من أبوهم منعهم من الاعتذار
مريم : انا رايحة الشركة عندى اجتماع مهم
سفيان : انا كمان هطلع اغير علشان عندى رحلة
وانطلقوا الي أماكنهم
فاطمة باشفاق علي حال يوسف : هتعمل ايه يوسف
يوسف بقله حيلة : مش عارف اول مرة اكون مقسوم نصين عايز اقف جنبه واطمن عليه لكن مريم و سفيان ممكن اخسرهم انت عارفه قد ايه عندهم كبير وبيخسرو حاجات كتير بسبب عندهم
سيدار: لاء يا يوسف هما عمرهم ما هيقدرو يستغنو عنك بس انت عارف انهم بيكرهو لكن يسغنوا عنك مستحيل
فاطمة بتمنى : يارب ما يفرق بينكم ابدا يا ولادى
نزل سفيان سلم عليهم ومشي علي شغله
