👍👍البارت (17)👍👍رواية اكره أبى ولكن! تأليفي ميرا إسماعيل😍
يا جماعة انا مش اوفر في شخصية فواز مع الاسف في فجتمعنا اسوء من كده الاب بيبع بناته أو يقتلهم او ام تقتل ولادها علشان عشيقها
بالنسبة ل فواز اكيد مش اب ومن وجهة نظرى اكيد مش راجل هو ذكر زى للاسف رجال كتير بيتولدو ذكور بس معندهمش اى معانى للرجوله ودا واضح بعد موقف الفيديو !!!!!!
حبيت اوضح النقطة دى من وجهة نظرى ليس إلا
👍👍👍👍👍👍👍👍👍👍👍👍👍👍
في فيلا يوسف
سفيان .. ل مريم مروان بلغنى ان طلع أدن من النيابة بمراقبة نهى وقريب هيتقبض عليها
مريم .. كدا تمام وكمان عمو توفيق مع تسجيل ليها بتعترف انها اخدت ورثها
سفيان .. ودا ينفعنا في ايه ؟
مريم.. مش ينفعنا احنا ينفع بعد كده لو فواز فكر يقول عايز ورث مراتى حماية ل عمو توفيق
وكمان في حاجة كانت تايهه عنى خالص
سفيان بانتباه .. ايه ؟؟؟
مريم .. زهرة صاحبة نهى اللي زمان لفت علي ماما بحجة انهم صحاب وعرفت كل اسرارها وبلغت نهى بيها دى مخزن اسرار نهى تبيع نفسها ل جنية عايزة منك تروح ليها وتقنعها انها تشهد علي نهى بكل اللي تعرفه عنها وتاخد المقابل اللي يعجبها
سفيان ..اسهل من كده مفيش
مريم .. انا عايزة كل حاجة تخلص قبل فرحكم مش عايزة اكون قلقانة
سفيان .. متخافيش انا هسافر ليها الصبح وعلي اخر النهار كله يكون خلصان باذن الله
فاطمة دخلت عليهم .. انا لما بشوفكم كده بخاف جدا
مريم .. تخافى مننا يا بطة دا احنا حبايبك
فاطمة .. بلاش الشوية دول بتتفقو علي ايه
سفيان .. ولا حاجة يا حبى انت انا رايح اكلم هنا سلام
فاطمة .. سلام وبصت ل مريم وانت
مريم بعدم فهم .. انا ايه!؟
فاطمة .. ناوية علي ايه يا مريم في مثل بيقول اللي ربي خير من اللي اشترى وانا ربيتك وعارفة دماغك ناوية على ايه يا بنتى
مريم .. ناوية علي كل خير ناوية اتعشا وبعدها افضى نفسي ل سيدرا هانم وطلبتها ونجهز للفرح
فاطمة .. بت انتى متلفيش في الكلام بتتفقى مع اخوكى علي ايه
مريم .. ولا حاجة اخوى وقاعدة معاه عن اذنك هروح ل يوسف عايزاه في شغل
خرجت مريم
فاطمة .. ربنا يسترها عليكم يا ولادى ويعدى اللي جاى علي خير
في غرفة مكتب يوسف
مريم.. انا دا قرارى ومش هرجع فيه
يوسف .. ماشي موافق علي النص الاول موضوع العربيات انا اشتغل عليهم لكن تسيبى الشغل خالص لاء
مريم .. يا يوسف انا خايفة خايفة ابوظ الدنيا انا ساعات كتير مش بكون مركزة وعمار قال انى هاخد من شهر ل شهرين لغاية ما ارجع زى الاول علشان خاطرى يا يوسف
يوسف.. طيب جربى اسبوع اجازة ونشوف لو بداتى تتحسنى بسرعة هننزل الشغل اتفقنا
مريم .. اتفقنا وبانتباه صحيح يا يوسف مش غريبة ان عم حنين هو اللي يحضر الاتفاق
يوسف .. مش فاهم قصدك امال عايزة مين ؟
مريم .. يعنى غريبة لانه والد جوزها
يوسف بغضب .. اسمه طليقها
مريم .. مش قصدى يا يوسف انا بس كنت عايزة أفهم حسيت إنها حاجة غريبة
يوسف ..ولا يهمك ولا غريبة ولا حاجة دول بنات أيتام وهو حقه عليهم كده
مريم بعدم اقتناع .. ممكن يلا تصبح على خير
👪👪👪👪👪👪👪👪👪👪👪👪👪👪
في منزل فواز
فواز .. هتعمليها ازاى؟
نهى .. اسهل من شكة الدبوس متخافش انت
فواز .. يلا خلينا نخلص كنت كل ما اشوفها كأنى شايف ريهام قصادى الفرق بس ان ريهام عنيها كلها حب أما مريم كانت عينيها كلها كره ليا
نهى.. ولا يهمك هخلصك منها وفي سرها وبعدها لازم اخلص منك بدات تغدر ودا ميطمنش
وكلمت المجهول
نهى .. انا دى اخر عمليه انا هخلصك من مريم
المجهول .. انت اتجننتى قتل ايه لو فكرتى تاذى مريم هنسفك فاهمة كفاية سيبتك تقتلى ريهام زمان
نهى بخوف .. يبقا خلصنى من فواز
المجهول .. دا سهل قوى بس بحذرك مريم في كفه وعمرك في كفه
نهى .. انا كده مش فاهمة كنت موافق اجننها لكن تموت لاء ايه الفرق
المجهول .. ملكيش فيه كلمه واحده عايزة تخلصى من فواز موافق لكن اوعى تقربي ل مريم
نهى .. فاهمة بس اخلص منه بسرعة
وانتهت المكالمة 👪👪👪👪👪👪👪👪👪👪👪👪👪👪👪👪👪👪👪👪👪
في منزل حنين
هنا .. انا مبسوطة جدا أننا هنعيش مع بعض
ام حنين .. الحمد لله ربنا عالم بينا وبيكم ورزقكم باتنين احسن من بعض
هنا .. مالك يا حنين انت مش فرحانه
حنين .. لا فرحانه بس مش عارفة ليه خايفة تقريبا بقيت اخاف افرح
ام حنين.. يا بنتى انتى ربنا عوضك خير انسي بقا
حنين .. هنسا ادعيلى انا هقوم انام علشان نجهز للف بكرة
هنا .. خدينى معاكى تصبحى علي خير يا ماما
😊😊😊😊😊😊😊😊😊😊😊😊😊😊
وعدا الاسبوعين بفرح علي الجميع بدون أحداث ماعدا مريم وحنين اللي كانت بتتعامل معاه بعنف دايما
وبتخطيط نهى علشان تخلص من فواز وتعرف سر تمسك المجهول ل مريم !!!!
ووصول سفيان ل زهرة واتفق معاها وفعلا راحت ل مروان وحكت اللي تعرفه ومروان وعدها انها مش هتتاذى وجمعو كل الادلة وبقا فاضل بس القبض على نهى
يوم الفرح الصبح
يوسف .. سفيان انت توصل البنات البيوتى سنتر وبعدين تروح ل مازن تظبطو القاعة وانا وادم هنخلص موضوع شهر العسل وناكد الحجز
سيدرا ..شهر دا كل الموضوع اسبوع حرام والله
فاطمة بضحك .. يا بنتى احمدى ربنا وبعدين ادم لوحده يشيل الشغل كله
سفيان بغمز .. لوحده ليه ما مريوم معاه
يوسف .. افضلو ارغو وعطلونا
سفيان .. يلا يا سيدرا يلا يا مريم
وقامو فعلا ووصلو بيت حنين وطلعو كلهم علي البيوتى سنتر
👪👪👪👪👪👪👪👪👪👪👪👪
في منزل فواز
نهى قاعدة بتراقب فواز بلعت ريقها .. اعملك قهوة
فواز .. ياريت اهو اتمرن علشان اشربها في العزا
نهى بارتباك .. أه عندك حق هقوم اعملها
وكلمت في الفون
نهى .. انا نفذت وكل الاكل وبيشرب القهوة
المجهول . كده تمام تعالي ليا في العنوان
نهى .. تمام
وخرجت فواز شرب القهوة قامت نهى لمت هدومها وهى ماشية
فواز .. انت راحة فين ؟
نهى ..مشيا من وشك اخيرا هخلص منك
فواز حاول يقوم بس معرفش
نهى .. هههه متحولش الفطار كان فيه دوا حلو قوى بيدمر الاعصاب يوصلك للشلل الكلي. وبعدها تموت بالبطئ في امريكا بيقتلو بيه الحيوانات الضاله
فواز ملامح الصدمة بيتكلم بالعافية .. ل لي ليه ؟
نهى .. علشان غبى تخيلت انى بحبك علي ايه انت بالنسبة ليا مشروع وبس اقولك علي حاجة حلوة انا قتلت ريهام وانا اللي سرقت فلوسك واتهمت ولادك بموت اللي في بطنى شفت انت غبي ازاى تؤتؤ بلاش البصة دى انت لو اب بصحيح مكنتش وافقت انهم ينامو ساعة بره حضنك لكن انت متعرفش عن الابوه حاجة انا شايفة مقومتك بتقل مع الاسف يا فواز دى نهيتك هتفضل كده لغاية ما روحك تطلع وانت بتتعذب وتفتكر كل حاجة حرمتك منها حتى من انك تطلب من ربنا او ولادك السماح ههههه كده ولادك اللي هيخدو عزاك سلام يا فواز
وخرجت نهى وسابت فواز بيتقطع من الحسرة بس بعد ما خلاص زمن الندم فات شاف كل اللي عمله ضربه ل ريهام كل يوم كان بيقهرها بكلمه بكرهك وافتكر ضربه ل يوسف افتكر انه كان عايز يخلص من مريم افتكر تقصيره في حق ربه ولكن انتهى الوقت وانتهى فواز النجار للابد انتهى بعدد ما خسر دنيته واخرته 👪👪👪👪
👪👪👪👪👪👪👪👪👪👪👪👪👪👪
يوم الفرح في الامس
في القاعة
يوسف .. اخيرا بقيتى معايا انا مش مصدق
حنين .. بخجل لا صدق اقولك علي سر
يوسف .. اممم
حنين .. من اول مره شفتك فيها وانا حسيت انك هتكون سبب في السعادة اللي نسيت طعمها
يوسف .. ربنا يقدرنى واخليكى اسعد واحده في الدنيا
حنين .. ويقدرنى اسعدك
سفيان .. هنا انا بحبك
هنا .. وانا كمان بحبك قوى قوى
سفيان .. انا بفكر نسيب الفرح ونمشي
هنا بخجل .. لا الفرح حلو انا عايزة افضل شوية
سفيان باس ايديها .. من عنيا يا عمرى كله
سيدرا .. مازن انا اسعد واحده في الدنيا النهارده
مازن .. عارفة لو دورتى مين اسعد واحد النهارده هكون انا علشان اخيرا بقيتى معاى وهصحا كل يوم علي اجمل عيون في الكون
مازن .. بحبك وعلي صوته كل اللي في القاعة سمعوه بحبببببك
مريم .. ههههه مازن اتجنن
ادم .. هو في احلى من كده جنان اقولك علي سر انا غيران كان لازم اعمل فيها بطل ما كنت اتجوزت معاهم
مريم بصدمة وحزن مصطنع .. أما ايه ملكة ولازم اكون ليله لوحدى وخاصة بيا
ادم ..ههههه طبعا ملكه انت ملكه قلب ادم حماد عايزة ايه تانى وقرب ومسك ايديها وباسها بحبك يا مريم بحبك يا احلى حاجة حصلت في عمرى
مريم بكسوف .. اقولك علي سر انا كمان شكلى كده كده يعنى وشافت فاطمة انا هروح ل ماما
ادم .. بيكلم نفسه بتقول وانا كمان هى كمان ممكن اه هى قالت وانا كمان انت يا بت تعالى هنا مازن ل يوسف وسفيان .. اختكم جننت الواد حرام عليكم
يوسف و سفيان .. طبعا ولسه هو شاف جنان
مريم ل فاطمة .. بتعيطى ليه يا بطوط بس
فاطمة بدموع الفرح .. اخواتك زى القمر حاسه انى كده خلاص مهمتى خلصت افتكرت اول مره شفتكم دخلتو قلبي وخصوصا سفيان بقا راجل وبيتجوز ويوسف كان يدوب 14سنه بقا عريس والفرحة مش سيعاه وسيدرا اللي تقول الوقت جنبى ومش بتسبنى سابت ايدى وبيتنا هتوحشنى قوى
مريم بدموع.. ربنا بخليكى لينا كل السعادة دى ليكى الفضل فيها بعد ربنا وباست ايديها ربنا يبارك فيكى يا احلى ام في الدنيا بفضلك سيدرا محستش النهارده انها اقل من اى عروسة احنا بنحبك قوى
سفيان قرب عليهم واخدهم علي الستيدج ورقصو كلهم مع بعض بدموع مخلوطة بالضحك و سفيان طلب اغنية يارب بارك لمتنا ل حماده هلال
وانتهى الفرح بسعاده علي الجميع
👪👪👪👪👪👪👪👪👪👪👪👪👪👪
وبكده خلص بارت النهاردة اشوفكم قريب ان شاء الله
وعايزة اعرف
توقعاتكم ؟
نهى هتعمل ايه في اللي جاى ؟
هيكتشفو ازاى موت فواز ؟
مين المجهول وايه اللي مرتبه علشان يفرق آدم ومريم ؟
اشوفكم يوم الاحد هتوحشونى كتير😘😘
رواية اكره أبي ولكن! تأليفي ميرا إسماعيل😍
