👍👍البارت (15) 👍👍 رواية اكره أبي ولكن! تأليفي ميرا إسماعيل😘😘
وحشتونى جدا جدا وكل سنة وانتم طيبين وعيد اضحى مبارك وسعيد عليكم
في حاجة كنت عايزة اقولها قبل ما أبدا ناس كتير بتقول انى مش برد علي تعليقاتكم وعلشان كده هما بطلو يكتب كومنتات علي الرواية انا صعب ارد علي كل تعليقتكم لكن علشان اعرفكم انى شوفتها بعمل لايك وبرد علي كل الأسئلة داخل البارت نفسه أو بعمل بوست توضيحى زى ما حصل اما كنتو عايزين تعرفو اعمار الابطال بعد 15سنة فعلا صعب جدا انى ارد علي الكومنتات بتاعتكم لكن بشوفها كلها وبكون مبسوطة بيها جدا😍😍
ندخل بقا ل مريم اللي هتروح مننا
👪👪👪👪👪👪👪👪👪👪👪👪👪👪👪👪
في فيلا يوسف النجار
فاطمة خرجت من غرفة مريم تانى يوم ونزلت تتابع تجهيز الفطار وهى نازلة قبلت سفيان
سفيان.. صباح الفل علي احلى بطوط في الدنيا
فاطمة.. صباح النور يا حبيبي صاحى بدرى ليه ؟
سفيان.. عندى مشوار مهم قبل الرحلة هتعوزى حاجة من فرنسا
فاطمة.. عايزة ترجع بالسلامه ان شاء الله يا قلبي
سفيان.. باس راسها وايديها ربنا يبارك فيك يا ست الكل يا قلبي انت
فواز من وراهم
فواز بحقد واضح مهما حاول يدارى انه متغاظ لانه مش،بيحس احساس الحب من ولاده ناحيته لكن نسي ان فاطمة دلوقت بتحصد نتيجة زراعة سنين لكن هو مع الاسف مش هيحصد غير الاسي والالم والفراق وقبلهم كره ولاده ليه!
فواز.. انت مش،مكسوف من نفسك واقف تحب فيها كده
سفيان.. وانت حاشر روحك ليه وبعدين دى امى احبها براحتى
فواز.. مش امك امك ماتت وخلصنا واللي واقفة دى واحده شرعا تجوز ليك اللي انت بتعمله دا غلط
مريم خرجت علي صوت فواز
مريم بسخرية.. لا والله من امتا وانت ليك في الشرع وجاى تعلمنا الصح والغلط بقولك ايه انت تسكت خالص احسن واللي خلقك ابعتك ليه !
يوسف بصوت عالى.. مريم في ايه ؟
مريم بغضب.. الاستاذ بيقول ل سفيان ميحبش في ماما قال ايه تجوز ليه شرعا دلوقت بقا بتاع ربنا
يوسف بصدمة.. حضرتك قولت كده
فاطمة بدموع مخفية.. خلاص يا يوسف يلا علشان تفطرو وتشوفو شغلكم
يوسف.. ثوانى يا امى صحيح انا مش بفهم في الشرع لكن مفيش قوة علي سطح الأرض تقول ان الست دى مش امنا واذا كان شيطانك بيصورلك حاجات تانية يبقا العيب عندك انت يلا مريم غيرى علشان أخدك في طريقى عايز اجرب العربية اللي سرعتيها وانت يا سفيان شوف رايح فين ؟
آمال سيدرا فين ؟
سيدرا من وراه.. انا هنا يا يوسف صباح الخير
الكل رد ما عدا فواز.. صباح الفل
وكله اتحرك علي مكانه
يوسف بصوت عالي.. هستناكى بره يا مريم
فاطمة .. مش هتفطر
يوسف.. مش هلحق تتعوض في الغدا سلام يا حبيبتى
فاطمة.. مع السلامة يا قلبي
فاطمة.. وانت يا سيدرا
سيدرا.. تؤ مازن عزمنى علي الفطار انا لازم اطير سلام
فاطمة .. هههه مع السلامة وطلعت غرفتها علشان تنجنب فواز
نهى نزلت.. ايه دا امال فين الناس
فواز بكره.. راحو في داهية تعالي هنا انت قولتى ان مريم بعد الحبوب اللي بتاخدها هتغور وتدخل المصحة النفسية فين دا اهى قاعدة علي قلبي
نهى.. انا اعرف دا حصل ازاى بس متخافش قريب هى اللي هتروح برجليها يلا نفطر بس الاول
- 👪👪👪👪👪👪👪👪👪👪👪👪👪👪👪
في كافية علي البحر
مازن.. ايه اللي اخرك يا قلبي
سيدرا معلش حقك عليا وحكت ليه اللي حصل
مازن.. مريم مش ممكن دى عقلها يوزن بلد
سيدرا بغيره.. نعم يا عيني انت بتتغزل في اختى ماشي يا مازن
مازن.. ههه يا مجنونة انت بتغيري من اختك
سيدرا باستنكار.. انا عمرى ما اغير من مريم بس بغير عليك
مازن.. بحبك واكتر حاجة بحبها فيكى قلبك الابيض دا عاملة زى الاطفال كلك براءة
سيدرا بخجل.. مممش هنفطر
مازن .. نفطر ولو انا فطرت لما شوفتك وباس ايديها من جوا
سيدرا.. هو انت ليه دايما بتبوسها من هنا
مازن.. لو البوسة من بره معناها بقدرك لكن من جوا معناها انى ملكك وانا ملكك يا سيدرا من يوم ما جيت مع يوسف البيت وشفتك كنتى بتعيطى علشان رسمتك سفيان قطعها وكنت خايفة من المدرسة
سيدرا.. وعملتها معايا وقولت اوعى تعيطى تانى الدنيا بتبقا وحشة
مازن..ههههه ومن يومها وانت ملكى وانا ملكك وهنفضل كده لآخر العمر
- سيدرا.. لاخر العمر 😍😍😍😍😍😍😍😍😍😍😍😍😍😍😍😍😍😍😍😍😍😍😍😍
في المصنع
يوسف.. انا هجرب العربية وانت ابداى شغل في التانية
مريم بمرح .. اوك يا بوص
وخرج يوسف بالعربية ودخل ادم
ادم.. مراتى حبيبتى عاملة ايه ؟
مريم باستنكار.. مراتك ايه مراتك دى
ادم.. مش عجبك مراتى خلاص حبيبتى عاملة ايه ؟ مريموتى وقلبي ونور عيونى و
مريم.. ببببس ايه انت مصدقت انت جاى ليه ؟
ادم .. جاى ليه ؟ في واحده تقول ل حبيبها جاى ليه ؟
مريم.. انا مليش حبايب
ادم بزهق.. وبعدين يا مريم هتفضلى منشفه دماغك لامتا
مريم.. فين نشفان الدماغ دا!!
ادم.. مريم انا عايز أحس انك بتحبينى صدقينى مش هتخسرى حاجة
مريم .. شوفت مستحملتش اللي بعمله عرفت ليه عمرى ما هسلم قلبي لحد
ادم بغضب.. انا مش حد انا ادم ادم اللي حبيتك من وانت عيله وعارف ومتاكد انك بتحبينى لكن عيندك هيضيعنا انا مقدرش استحمل كده انا بديلك كل حاجة الامان والحضن اللي بتحتاجيه لكن انت مش عنيده وبس لا انانية كمان عايزة تاخدى وبس
مريم بصدمة دى تانى مرة تسمع فيها انها انانية ليه مش قادرين يفهمو دى مش انانية دا خوف خوف من الفراق والبعد
مريم.. انا انانية يا ادم كل ما اقول احاول انسا انك تبقا ابن اخو نهى لازم تفكرنى ماشي انا كده يا آدم واللي عندك اعمله
ادم.. الظاهر انى حبى ليكى وحنانى عليكى خلاكى افتكرتى انى مقدرش علي بعدك لاء يا مريم بس خليكى فاكرة انا حولت معاكى لكن انت حتى مش بتدينى فرصة
مريم بخوف حاولت ميكونش واضح.. هتعمل ايه
ادم.. نخلص من موضوع نهى وبعدها هتعرفي عن اذنك يا بشمهندسة مريم
مريم.. كده احسن دا الصح
قلبها.. انت بتحبيه متقدريش علي بعده
مريم.. لأ اقدر ولا يهمنى
قلبها.. طول م انت محكمه عقلك هتفشلي
مريم.. ومينفعش احكمك لانك ضعيف
قلبها.. حكمينا احنا الاتنين
- مريم.. يوه اسكت . وبدأت شغلها واتظاهرت انها نسيت اللي حصل 💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔
في شركة حماد
توفيق.. اقعدى يا نهى
نهى بخوف.. انت عايز منى ايه
توفيق.. عايز اعرف ليه كدبتى علي جوزك وقولتى ليه اننا نصبنا عليكى
نهى.. هى شويه الفكه دول ورثى برده
توفيق.. والله شويه الفكه دول كنت طايرة بيهم وانت اللي دمرتيهم علي نزواتك وبلاويكى انا اعرف عنك كل حاجة
نهى.. اه وبتتهددنى دلوقت!
توفيق ..احسن ليكى شيلي مريم وأخواتها من دماغك لانهم ولادى قبل مايكونو مرات ادم ومازن والا
نهى بغضب ..وإلا ايه هتقول ل فواز قله مبخفش ولعلمك فواز دا زى الخاتم في صباعى
توفيق.. اوعى ثقتك فى راجل واطى باع ولاده تنسيكى نفسك
نهى.. تؤ دى مش ثقه فيه دى ثقه في نفسي سلام يا اخوى
وخرجت نهى ودخل ادم
ادم.. كانت بتعمل ايه دى هنا
توفيق.. كانت بتعمل دا
ادم بعدم فهم.. ايه دا دا الفون بتاعك
توفيق .. سجلت عليه كلامها وكدبها في موضوع الورث علشان ابعته ل فواز
ادم بغضب.. لا والله وانا اخر من يعلم انت بتخطط والست مراتى بتخطط وانا كيس لب
توفيق بصرامة.. ادم في ايه ؟
ادم .. اسف بس غصب عنى فجأة حسيت انى مليش لازمة في حياتكم
توفيق .. حياة مين انت ابنى وانا كنت هقولك لكن موضوع مازن وسيدرا وبعدها تعب مريم نسيت
ادم .. طيب ومريم ليه تخبى عليا
توفيق.. خبت ايه عليك
ادم.. مريم بتراقب كل مكاتب الشركة المصنع وبتشوف الشرايط اللي فيها نهى بس ولما سألت سفيان قالي بلاوى انهم عرفو يدخلو علي الفون بتاعها وشافو فيديوهات وتسجيلات بتقول انها متورطة مع ناس زبالة
توفيق .. ايه ومريم و سفيان مش خايفين علي نفسهم
ادم.. مريم مريم هانم علشان متطلعش جبانة ممكن تعمل اي حاجة
توفيق.. لا يا آدم مريم مش كده بس هى بتحب تعتمد علي روحها وبس
ادم.. انا زهقت يا بابا مريم مش لقي ليها مفتاح
توفيق.. علشان اهبل يا ابنى مريم ست زى كل البنات الكلام الحلو بيهزا وبيغيرها بس لان ظروفها مختلفة ودايما محكمة عقلها هتكون صعبه لكن هتلين لكن لما تشوفك كده هتخاف منك وتقول عليك قلاب وملكش امان وعمرها ما هتسلم
ادم.. تفتكر يا بابا
توفيق .. خلي ثقتك في ربنا كبيرة
ادم بامل.. يارب انا مش طالب كتير انا عايز مريم مريم وبس صحيح هتبعت التسجيل
توفيق.. هقعد مع مريم الاول علشان نتفق وانت معانا علشان متقولش انك كيس لب
ادم.. ربنا يبارك فيك يا توفيق باشا الحق اطير انا علي الشركة
توفيق.. سلام يا حبيبي
👪👪👪👪👪👪👪👪👪👪👪👪👪👪👪👪👪
في المصنع
يوسف.. عشرة علي عشرة يا هندسة ايه الحلاوة دى
مريم بتوهان.. طيب كويس
يوسف .. هو ايه اللي كويس انا بكلمك وانت مش مركزة
مريم.. يوسف هو انت فعلا بتحب حنين
يوسف باستغراب.. ليه بتسالى
مريم.. جوابنى يا يوسف
يوسف.. اتنهد ايوة يا مريم اول مره في حياتى احس الاحساس دا
مريم.. وتعودنى انك هتفضل دايما معانا
يوسف بحنان.. طبعا يا عمرى انت واخواتى مشروع عمرى اللي بجد مقدرش اتحمل بعدكم عنى
مريم.. طيب انا موافقة انك تتقدم ليها
يوسف.. بجد يا مريم
مريم.. انت فرحت كده ليه ؟
يوسف .. انت هتقلبي ولا ايه اهدى كده دا انا جو حبيبك برده
مريم بخوف من فكره انه يبعد عنها وبفرحه لانه من حقه يفرح هو تعب كتير .. لا مش هقلب متحفش بس
يوسف بقلق.. بس ايه؟!
مريم.. انت هتعيش في الفيلا معانا صح
يوسف.. طبعا امال هروح فين وبحنان مريم انت واخواتك مفيش قوة علي وجه الارض تبعدنى عنكم حتى حنين متقدرش
مريم.. طيب ولما تخلف هتنسانا
يوسف.. هههه انت بتفكرى في ايه واطمنى يا ستى مش هنساكم لانكم اول فرحتى ها أى اسئلة تانية خلينى اروح اكلمها بقا
مريم اترمت في حضنه .. انا بحبك قوى يا يوسف اوعى تبعد عننا
يوسف.. ملس علي شعرها وانت حبيبتى واول بيبي اشوفه في حياتى يعنى مهما جالى اطفال عمرهم ما هشوف غيرك
مريم.. ماشي ثبتنى يا جو يلا روح الشركة وكلم عمها علشان نروح نخطبها
يوسف.. تمام وهكلم ماما سلام يا حبيبتى😍😍😍😍😍😍😍😍😍😍😍😍😍😍😍😍😍
في كافية
سفيان .. في ايه يا وائل جبتنى علي ملا وشي وقولت بلاش مريم ليه
وائل.. انا كنت بسمع مكالمات ل نهى وعرفت انها شكة في مريم علشان التهديد وكمان بتديها حبوب هلوسة علشان تجننها
سفيان بصدمة.. انت بتقول ايه!
وائل .. خد اسمع بنفسك
وفعلا سمع التسجيل واتصدم وقرر انه كده كتير نهى لازم تنتهى
سفيان.. اسمع يا وائل انا هروح ل مروان لازم نخلص من الزفتة دى وانت بنفس الطريقة اللي بعت بيها رسالة التهديد ابعت الفيديو ل فواز النهاردة
وائل . تمام بس ومريم هتعمل ايه؟
سفيان .. هكلم عمار ونشوف هيعمل ايه!
وفعلا كلم عمار واتفقوا ان مريم لازم توقف الحبوب
وهو هيديها علاج علشان الاضرار اللي حصلت ليها
😢😢😢😢😢😢😢😢😢😢😢😢😢😢😢
يوسف كلم عم حنين واتفق معاه انهم هيروحو تانى يوم علشان سفيان يكون رجع من رحلته
علي العشا
يوسف.. غريبة انك مسافرتش يا سفيان
سفيان بغل.. لا قولت اريح اليومين دول
مريم بغمزة .. اصل يوسف زعلان ان مشوار حنين إتأجل
يوسف.. مش هتبطلى طريقتك دى لا مش كده مستغرب بس طول عمره بياخد مكان زمايله لانه بيعشق الطيران
سفيان.. تغير يا يوسف
فاطمة .. نفسي تبطلو تناكفو في بعض
سيدرا.. استحالة منبقاش ولاد النجار
فاطمة .. ماشي يا ختى يلا كلو
سفيان بيراقب الاكل كلهم بياكلو من نفس الاكل مريم اكيد في حاجة خاصة بيها وخد باله انها بتمد ايديها علي العصير فعلا هى الوحيدة اللي بتشرب عصير مختلف عنهم سفيان بصوت عالى.. مريم
مريم بخضة.. في ايه صوتك عالي والكل استغرب من صوته
سفيان.. لسه بيتكلم قطع كلامه صوت فواز
فواز بغضب .. بتخونيني يا نهى وضربها بالقلم
نهى.. انت اتجننت بتمد ايدك عليا يا فواز
فواز بصدمة .. انا هقتلك مش هضربك بس
يوسف.. ممكن افهم في ايه ؟
سفيان الوحيد اللي فاهم اللي بيحصل
فواز .. خد شوف الهانم عاملة ايه
يوسف شاف الفيديو اتصدم ومش عارف يتكلم
فواز ..ليه عملتى كده ليه ؟
نهى ..........
😱😱😱😱😱😵😵😵😵😵😵😵😵😢😢
عايزة اعرف
توقعاتكم ؟
يا ترى نهى هتقول ايه؟
مريم وادم علاقتهم هتتحمل عيناد مريم؟
يوسف وحنين ايه المفاجأة اللي مستنياهم يوم الخطبة؟
بشكر كل الناس اللي سألت عليا شكرا ليكم 😘😘
هاكد تانى مواعيد الرواية حد وثلاثاء وخميس اشوفكم يوم التلات إن شاء الله😍😘
رواية اكره أبي ولكن! تأليفي ميرا إسماعيل🌸
