👍👍البارت (16) 👍👍 راوية اكره أبي ولكن! تأليفي ميرا إسماعيل😘
وحشتوني جدا جدا بس معلش في كذا كومنت جاى بيسال ازاى يوسف مخدش موقف من فواز بعد الكلام اللي قاله عن فاطمة يوسف بيتحرك من منطلق صلة الرحم فواز والده مهما حصل وكمان متسامح لكن هيفضل كده علي طول كمان انا قصده ان يوسف يكون كده لان عايزة انقاش مشكله صله الرحم لمن لا يستحق وعيناد مريم اللي بيضيع منها حب عمرها الناس اللي بتقول وجود فواز معاهم غلط فعلا غلط وطيبة يوسف اللي دفع تمنها مريم أما الناس اللي بتسأل هى هتخلص امتا فاضل اد ايه ؟ الرواية قيد الكتابة يعنى معرفش بجد تخلص امتا وبعدين احنا مع بعض ولازهقتو منى😜😜😎
في فيلا يوسف
نهى بغل .. ايوة الفيديو حقيقي بس دا قبل جوازنا وانا غلطت وانت كنت عارف وسمحتنى قبل جوازنا صح !!!
فواز بتذكر .. اه بس الفيديو شكله جديد
نهى بمكر.. قديم ولو مش مصدق حبي ليك وبتخونى يبقا خلاص طلقنى
فواز بخضة .. لا مصدقك حقك عليا بس لما شوفت الفيديو مستحملتش
نهى .. عذراك يا حبيبي
سفيان بغضب .. تعرف انا دلوقت بس مش مستغرب من تصرفاتك معانا لانك مش راجل الراجل بيغير علي بيته وعرضه لكن انت عرضك في الأرض وبتساعد الشيطانة دى انها تدمرنا
فواز .. اخرص ولسه هيرفع ايده يوسف مسك ايده
يوسف .. لما رفعت ايدك علي مريم مكنتش هنا لكن استحالة اسمحلك ترفعها علي اي حد منهم سامع
فواز قلق من نظرة يوسف .. سامع بيقول ايه بدل ماتربيه انت بتمنعنى
سفيان .. لانه عارف انى مش غلطان تحب اقول يا فواز
فواز بثقة .. تقول ايه!
سفيان .. مراتك المصون وانت اتفقتو تدمرو مريم بحبوب الهلوسة صح ولا غلط
فواز .. ايه اللي انت بتقوله ده
سفيان .. عيبك انك غبي وهتفضل كده طول عمرك البيت متراقب بالكاميرات شفناك انت والمدام بتحطو الحبوب تحب نذيع ونتفرج سوا
يوسف بصدمة .. ايه حبوب ايه ولمين وقرب ل مريم اللي دموع لمعت في عنياها بتقول ايه يا سفيان
سفيان بصوت عالي .. الحقيقة الحقيقة يا يوسف انت بعد ما كرمتهم هما دمروا مريم والله اعلم الدور علي مين
يوسف .. ل فواز انت ازاى كده انت ايه كل ده ليه علشان ايه احنا ولادك دى بنتك ازاى تدمرها كده ازاى
سيدرا.. مش ممكن ومسكت في هدوم يوسف يوسف مشيه من هنا أرجوك دا شيطان
يوسف خدها في حضنه هى ومريم اللي واقفة جامده والدموع متحجرة في عنيها
يوسف .. ماما خلي الخدامين يوضبو شنط الضيوف وبص ليه احمد ربنا انى لسه شايل شويه رحمة ناحيتك والا كنت سجنتكم ملكوش مكان هنا
فواز بكره .. بكرة تيجى تحت رجلي تترجانى اسمحك وانا هفرح فيك يلا يا نهى
وخرج الافعى والشيطان من الفيلا ولكن هل انتهى الغدر منهم هل انتهى تخطيط نهى وفواز ل دمار اولاده
بعد خروجهم سفيان حكى ليهم كلامه مع عمار ونظام الادوية كل دا ومريم ثابته يوسف بحنان قرب عليها حقك عليا يا مريم لو كنت رفضة وجودهم من الاول مكنش حصل
سفيان بحزن علي حال اخته كان دايما بيشوف انها الاقوى .. مريم عمار طمنى وقال الموضوع سهل وهينتهى بسرعة
سيدرا.. اكيد وبعدين مريم قوية صح يا سفيان
فاطمة .. ردى علينا يا بنتى متوجعيش قلبي اكتر من كده
مريم .. لا رد
فاطمة .. نكلم عمار هى مش بترد ليه ؟
مريم .. انا عايزة انام عن ادنكم
يوسف .. مريم خليكى شوية نتكلم سوا
مريم .. انا هنام تصبحو علي خير
وطلعت تحت نظرات استغراب الجميع
يوسف كلم ادم وعرفه اللي حصل
😢😢😢😢😢😢😢😢😢😢😢😢😢
في فيلا توفيق
ادم .. هقتلها والله العظيم هقتلها
مازن .. اهدى يا ادم الامور متتحلش كده اهدى
توفيق .. مازن بيتكلم صح اهدى والامور هتتحل
ادم .. ايه هو اللي هيتحل مريم كان ممكن تروح فيها
توفيق .. ادم مريم قوية صحيح لكن اللي حصل صعب وبدل ما تفكر ازاى تدمر نهى فكر في مريم وازاى تصلح الكسر اللي حست بيه
ادم ..عندك حق أنا المهم عندى دلوقت مريم
في نفس الوقت خرجت مريم لمكان ما
💔😢💔😢💔😢💔😢💔😢💔😢💔😢
في منزل يوسف
فاطمة بصوت عالى .. يا يوسف سفيان الحقوني كل في البيت اتجمع
يوسف .. في إيه ؟
فاطمة .. مريم مش موجودة في البيت كله سفيان .. هتكون راحت فين ؟
سيدرا .. ممكن تكون راحت ل آدم
يوسف .. معتقدش دول لسه شدين مع بعض النهاردة
فاطمة .. أمال هتروح فين إحنا بقينا قرب الفجر
يوسف .. بقله حيلة معرفش معرفش
سفيان .. ادم الوحيد بيعرف مكانها ودايما بيرجعها انا هكلمه
يوسف .. استنى انا هكلمه لازم اروح معاه
وفعلا كلم يوسف ادم وحكي ليه اختفاء مريم
وخرجو علشان يشوفو مريم
ادم .. هى اما بتزعل بتيجى هنا
سفيان بغضب .. هنا فين الشط فاضى وبعدين عربيتها مش موجودة
يوسف .. متأكد يا آدم ان دا هو المكان
ادم .. ايوة طبعا انا مستغرب هتروح فين ؟
يوسف .. كان لازم اعرف انها لما هتروح مكان هيكون صعب نوصله
ادم .. يعنى ايه هتكون راحت فين ؟
سفيان .. معرفش انا حتى كلمت عمار قولت تكون راحت المستشفى قالى انه مشفهاش ولا كلمته
يوسف .. امال فين ؟ رحتى فين يا مريم ؟!!
سفيان .. عمار بيتصل
ادم بلهفة .. رد بسرعة
سفيان .. ايوة يا عمار مريم جت
عمار .. لا بس اسمعنى طالما مش موجودة فى اى مكان متعودة تروحه يبقا فى مكان واحد ممكن تروحه
سفيان .. فين ؟
عمار ......
😞😞😞😞😞😞😞😞😞😞😞😞😞😞
في المقابر الخاصة لعائلة النجار
امام قبر ريهام والده مريم
مريم .. عجبك كده عجبك اللي عمله كنت عارفة انه مش بيحبك واتجوزك إجبار ليه تخيلتى ان وجودنا هيخليه يحبك ل حبك ولا حبنا عارفة عمل فيا ايه عارفة دمرنى ازاى مش بس بسبب الحبوب لاء انا خسرت النهاردة كل حاجة خسرت مريم اللي كنت فكراها قوية وخسرت ادم خسرته لانى خايفة خايفة يكون زى فواز لما يملكنى يرمينى بس لاء ادم بيحبنى لكن فواز عمره ما حبك سامعه عمره كنت بسمعه وهو بيقولك انه بيكرهك شوفت الفرحة في عيونه يوم موتك انا تعبانه تعبت من كل حاجة انا عايزة اجيلك انا تعبت وانهارت مريم علي قبر والدتها شوية تعيط وشويه تضحك وفي الاخر تعبت ونامت جنب قبرها
😢😢😢😢😢😢💔💔💔💔💔💔💔💔
وصل يوسف وسفيان وادم عند المقابر
سفيان .. احنا فعلا عمرنا مجينا هنا
يوسف .. ايوة فعلا بس دا مش معناه أننا مش فكرنها احنا علي طوال بنطلع صدقة جارية ليها يلا ندخل نشوف مريم
وفعلا دخولو وشافو مريم نايمة في حضن القبر
ادم .. مريم اصحى
مريم .. صحيت شافتهم انتو عرفتو مكانى منين ؟
يوسف .. عمار خمن وطلع تخمينه صح !!
مريم .. جيتو ليه ؟ بتدورو علي مين اللي هنا أموات تحت الارض وانا ميته بس فوق الارض
يوسف نزل ل مستواها .. لا يا مريم اوعى تقولى كده انت بالذات مينفعش تقولى كده
سفيان .. أيوة يا مريم احنا اقوي من اى حاجة مش دا كلامك
مريم .. لا احنا مش اقويا احنا ولا حاجة كنت فاكرة انى شاطرة واعرف أدخلها جوا اللعبة لكن في الوقت اللي افتكرت انى بنجح اكتشفت انى كنت لعبة ونجحت تكسرها
يوسف .. انا السبب لو كنت رافضة وجودهم مكنش حصل كل دا
سفيان.. مش وقته يا يوسف يلا يا مريم نمشي
مريم .. نروح فين ؟ سبونى وامشو انا خلاص انتهيت
ادم .. يوسف معلش خد سفيان وانا هتكلم مع مريم
وخرجو وفضل ادم مع مريم
ادم .. انا عارف ان أى كلام ملوش لازمة بس،لازم تعرفي اني مقدر اللي انت فيه بس انا واثق في مريم القوية اللي مفيش حاجة تهزها صح
مريم .. ادم انا اول مرة احس الاحساس دا انى ولا حاجة
ادم .. وقفها مين دى اللي،ولا حاجة لو اللي انت بتقوليه صح مكناش قلبنا عليكى الدنيا مكنش يوسف ساق 3ساعات علشان يوصل ليك لو مش مهمة مكنتش ماما فاطمة وسيدرا قلبين الدنيا لو مش مهمة مكنتش انا جنبك بعد كل اللي بتعمليه مريم .. انا تعبانة يا ادم حاسة ان اتغدر بيا ومن مين من اللي،كنت فاكره نفسي بدمرهم اتضح انهم هما اللي بيدمرونى
ادم .. يبقا نعمل ايه نقف على رجلينا ونثبت للكل أننا مش بنتهز وبعدين انت عاملة الفيلم دا كله علشان تهربى
مريم بعدم فهم .. اهرب من ايه ؟
ادم .. من خطوبة يوسف وحنين
مريم بابتسامة .. تصدق فكرتنى انا ازاى نسيت عندك حق لازم اكون احسن علشان يوسف انا هروح ليه ومشيت ل يوسف بص ادم علي قبر ريهام .. بنتك هتجننى بس بحبها اوعدك انى احميها من الدنيا كلها
ورجع الكل لفيلا يوسف
فاطمة.. كده يا مريم توجعى قلبي كده
مريم .. حقك عليا مش هتتكرر
سفيان .. حرام عليكى انا هموت وانام تصبحو على خير
مريم .. مين تصبحو علي خير احنا يدوب نجهز ل مشوار حنين
يوسف .. لا ارتاحى انا هكلمهم وناجل الميعاد
مريم .. لأ هنروح في ميعادنا يلا نلحق نجهز
😊😊😊😊😊😊😊😊😊😊😊😊😊😊
في منزل حنين
عم حنين .. والله يا يوسف يا ابنى اللي نعرفه عنك يخلينا نثق فيك واحنا مغمضين
فاطمة .. تسلم شكرا ليك بس برده حنين عروسة ومن حقها تطلب زيها زى اى حد وبعدين دى هتتجوز يوسف مش اى حد
وفعلا اتفقو علي كل الطلبات وتم تحديد ان الفرح وكتب الكتاب مع بعض بعد اسبوعين خصوصا ان كل حاجة جاهزة
سفيان .. يوسف اكسب ثواب في اخوك الغلبان وجوزنى معاك
عم حنين .. والله هنا جاهزة لو كده يبقا علي بركة الله بس طبعا لو يوسف وافق
يوسف.. علي خير ان شاء الله
مازن وطا علي ايد يوسف حبيبي يا بوص انا صحبك وكل حاجة جاهزة قول موافق بيقوا تلات افراح
يوسف .. انتو بصين ليا في الفرح مش هعرف اتهنا عليه
مازن.. يخليك لينا ويحميك وتفرحنا كلنا قول موافق
يوسف .. موافقة يا سيدرا
سيدرا .. اللي تشوفه
مازن .. الله اكبر فرحنا بعد اسبوعين
ادم .. الله يفضحك فضحتنا اقعد
مازن.. انت غيران مننا علشان هنتجوز وانت لاء
ادم .. عمرى ما اغير وبعدين انا لو عايز اتجوز معاكم اعملها بس مريم ملكة والملكة بتكون الليلة خاصة بيها
هنا .. قصف جبها يا مازن
حنين .. انا لو منك ادور علي مكان استخبا فيه
وانتهى اليوم بفرح للجميع واتفقو يبدؤ في تجهيزات الزفاف
👍👍👍👍👍👍👍👍👍👍👍👍👍👍
امام الشاطئ الخاص بحب مريم وادم
مريم .. انت مطلبتش فرحنا يكون معاهم ليه ؟
ادم .. ما انا قولت انت مش كنتى موجودة ولا غيظك من حنين مسمعتيش بسببه
مريم .. دا السبب بجد ولا انت ناوى بعد حكاية نهى تبعد
ادم .. هش اوعى تقولى ابعد عنك انت روحى يا مريم وفعلا انا عايز فرح يليق بملكة قلبي وحب عمرى وعنيدتى المدلله
مريم .. مش هتزهق منى ولا تسبنى وهتفضل تحبنى صح
ادم.. لا خر العمر لغاية ما تعجزى وسنانك تقع
مريم بغضب .. مين دى اللي سننها تقع
ادم ... ههههه بحبك يا مريم وعمرى ماهحب حد زيك ولا عينى هتشوف حد غيرك
مريم لاول مره تتجرأ ودفنت نفسها في حضن ادم من غير ولا كلمة ادم شد عليها جوا حضنه وعرف انه بدأ في بنايه اول طوبة في حياتهم
وقريب جدااا هيكسب مريم للابد
😍😍😍😍😍😍😍😍😍😍😍😍😍😍
عند فواز
فواز بكره.. لازم انتقم منهم كلهم
نهى .. سهلة قول موافق وانا اخلى الفرح جنازة وقولى نفسك تاخد عزا مين الاول؟
فواز بكره .. مريم نفسي اغمض عين وافتحها مشفش نسخة ريهام علي وش الدنيا
نهى بخبث .. من عنيا انت تؤمر جهز نفسك علشان كمان اسبوعين نحضر جنازتها
فواز.. ياريت
😱😱😱😱😱😱😱😱😱😱😱😱😱😱
وبكده خلص بارت النهاردة اشوفكم قريب ان شاء الله
عايزة اعرف
توقعاتكم ؟
فعلا ممكن نخسر مريم ؟
نهاية نهى وفواز هتكون ازاى؟
👍رواية اكره أبى ولكن! تأليفي ميرا إسماعيل😜😘
