I Just Loved Too

IJLT 4 - Totoro

"Nak, sandok ka naman ng kanin o," pakiusap kay Ahn ng mommy niya. Mukhang hirap na itong tumayo dahil sa tiyan nito. Ang daddy naman niya'y nasa office pa. Being the eldest, siya ang madalas asahan ng mommy niya sa mga gawaing bahay kapag wala ang daddy niya.

She stood up and got the rice bowl. Kumuha siya ng kanin mula sa rice cooker at saka iyon ibinalik sa gitna ng lamesa. Agad na dumamak ang mga kapatid niya ng kanin.

"Nagtira ka ba para sa daddy mo?" tanong ng mommy niya sa kanya.

"Opo."

"Baka konti na lang ha. Magsaing ka ulit."

"Kasya pa naman po."

It wasn't their fault na malaking kumain ang mommy niya kapag buntis ito. Normally, the rice would be enough for all of them. Minsan, may matitira pa. Pero dahil buntis ang mommy niya, triple ang kain nito.

Hindi na siya kumuha pa ng kanin. Nakuntento na lamang siya sa sabaw ng sinigang na niluto niya. Gabi na naman kaya ayos lang na hindi siya masyadong busog. She'll probably go hungry again later pero titiisin na lamang niya.

Kawawa naman ang daddy niya kapag umuwi ito ng gutom.

"I'm home!" came a familiar voice.

Agad na tumayo ang kapatid niyang si Darius para salubungin ang daddy nila. Sumunod ang kapatid niyang si Sabrina. Ang mommy naman nila'y naghintay lang sa dining area.

Their dad appeared, holding a cake box on his hand and Darius on the other. Ipinatong nito ang cake sa lamesa at saka yumuko para halikan sa pisngi ang mommy nila. Then, he held out his hand para makapagmano siya.

"What's with the cake, dad?" tanong niya. Wala namang okasyon.

"Nagpabili na naman kasi ang mommy nyo," sagot nito.

Tiningnan nya ang ina na kanina pa nakangisi. Parang noong isang araw lang, nag-ice cream cake na ito. Hindi kaya lamigin ang kapatid niyang nasa tiyan nito kakakain ng mommy nila ng ice cream cake?

"Kain ka na, dad."

Ibinaba ng daddy niya si Darius saka ito naupo sa gitna. Nilagyan ng mommy niya ng kanin ang pinggan nito habang siya naman ay tumayo para ihain ang natitirang ulam.

"Mommy, gusto ko ng ice cream cake!" said Darius.

"Later, 'nak. Pagkatapos kumain ni daddy," sagot ng mommy nila.

"Pero gusto ko na!" pagmamaktol ng kapatid niya.

"Hayaan mo na," her dad told her mom. Tumingin ito sa kanya. "Ahn, ipaghiwa mo nga ng cake ang kapatid mo."

"Opo."

"Ako rin, ate!" sabat ni Sabrina.

Pagkapatong niya ng sinigang sa lamesa ay kumuha siya ng dalawang maliit na platito saka naghiwa ng cake.

"Kumain ka na rin kung gusto mo," sabi sa kanya ng daddy niya.

Tumango siya at saka naghiwa ng cake para sa sarili.

She brought the cake to her room at doon siya kumain. Maya-maya, lalabas siya ng kwarto para magligpit ng pinagkainan. It's always been like this but she's not complaining. Sabi ng mommy niya, nagmana raw siya sa daddy niya. Mabait, matulungin at maalaga.

She wanted to keep it that way. Kahit sa school.

At dahil sa pagiging mabait at matulungin niya, hindi maiwasang may umabuso sa kanya. Tinitigan niyang mabuti ang screen ng phone bago siya nagkalakas ng loob na i-text ang kuya Kenken niya.