شوارع_ديسمبر
الحلقه " الثامنه "
.
.
تمت تمشي وهوا وراها وتضحك عليه تشوفه مره مره داهش😂 لعند ماتغيرت ضحكتها ل دمعه ولا عمرها توقعت تشوف هل مشهد ولا توقعت دنيا كيف صغيره💔 بحتت بحسرة شافت حب حياتها مصبي مع زوجته مستقبليه نزلت اول دمعه حسره وراها بحر دموع 💔 برمت لقت بلقاسم يبحت فيها وهوا مجروح أكثر منها
بلقاسم : حبيبك صح ؟؟💔
نسرين بحتت فيه وماقدرتش تجاوب عدت وسيباته بألم وحسره 💔
*ساعات بنشوف الحب وهوا مابيشوفناش وساعات بيقابلنا حب وبيمشي وكأنو ماجاش *
.
.
خشيت محاضره ورايا عبد العزيز قمعزت في أول مدرج وهوا مقابلني مره يبحت فيا ومره انا نبحت بعدها يضحك غيرلي جوي العطيب😂 خشت نسرين تبكي
انا : كنك
نسرين : مخنوقه بكل مش قادره نحضر
انا : تمام توا نطلعو
نسرين : هي
انا : دكتور صار ظرف مش حنكملو محاضره
عزيز بااستغراب: تفضلو 😞
طلعت قمعزت نسرين ع اول مقعد وتمت تبكي وتشهق بدموعها
انا : كنك سيبتك تضحكي بلقاسم دارلك حاجه 😳
نسرين : ياريت صارلي حاجه قبل مانشوف هل موقف
انا : تي احكي شن في
نسرين : ناصر 💔 شفته امعا ميرال
انا : اصبري مزالت ماستوعبت فهميني
نسرين : شن نفهمك ناصر طلع يضحك ع اخت عبد العزيز فهمتي وانا شفته داير امعاها موعد ويضحكو وانا نبحت في ونبكي
انا : نسرين ناصر ..
نسرين : حتقوليلي باعك وهوا مش لكي نور هذا حب طفولتي ناصر حبيبي من أول مافتحت عيوني شفت ناصر مش قادره نشيله من راسي مش قادره 💔
انا حضنتها : بس لازم تنسيه وتشوفي حياتك لازم تكوني قويه لازم 💔
نسرين : نبي نروح
انا : اصبري توا يجي صاحب الحافله
نسرين : يارب صبر 💔
.
.
شفت كسرتها دموعها قوتها مزيفه اليوم انكشفت وبان الضعف بس ضعفها طلع ع سبا واحد مايستاهلش دموعها حبيتها من أول ماشفتها حبيت نظرة تحدي في عيونها نظرة القوه جمالها العفوي رغم الحكايات الي في عيونها حبيتها بس حبها شكله مستحيل💔
