شوارع_ديسمبر
الحلقه " التاسعه عشر "
.
.
جا الاحد ..
نسرين كانت نايضه من صبح ربي ع سبا تجيني خشت تنوض بلقاسم تمت تخبط في كراعها ع الباب بالقوه ناض منفجع
بلقاسم : بسم الله رحمن الرحيم
نسرين : اووو سوري ماكنتش نبي نوضك هك
بلقاسم مسح وجه بيديه : شكلك حالمه فيا تنوضي فيا من صبح ربي
نسرين : انا نحلم بيك تي نمووت ومانحلم في واحد كيفك
بلقاسم : مشكله ساكتلك ومتحملك
نسرين : وشن تبي ادير مثلا تبي تضربني هذا الي ناقص اصلا
بلقاسم : تصدقي الواحد مايسكتلكش بكل انتي
نسرين : تعال لو شاطر اضرب او مد يدك وقربت منا وحطت بيديها ع خصرها
كرها عنده لين نفسها قرب من نفسه
بلقاسم : هك اندير شن رايك
نسرين :حول يدي
بلقاسم : وكان قلت لا
نسرين : تي وحق تندم وتمت تحاول تفك يديها وهوا يبحت فيها ويضحك
نسرين : وحق ربي مش يد هذي
بلقاسم طلقها : تعرفي ع سبا ماتعاندش
نسرين : لااخر عمري حنعاندك
قعد يبحت فيها ويلعب في لحيته
نسرين : ع العموم انا جاهزه نبيك توصلني عند نور
بلقاسم : وعليش ان شاالله
نسرين : خطبة صاحبتي وتبش نصبي بحداها
بلقاسم : باهي عطيني ربع ساعه ونوصلك
نسرين : واجد
بلقاسم : ربع ساعه
نسرين : اوووف بارد
بلقاسم : معش تنخفي
نسرين : اووووف اووووف اوووف لين حولت عيونها
بلقاسم : مجنونه وحق الله 😂
.
.
نضت الصبح صليت ودعيت بكيت لين طاب خاطري
لو ماما كانت هنا ماصارش كل هذا رايفتلها رايفت ل هدرزتها محتاجتها انا وحيده في كل شي مش امعايا حد اه يارب وخلاص لبست عبايتي ونزلت تحت
رحمه : اهي جت الي دايره روحها عروس 😒
انا : خير 😊
نسرين حضنتي
انا : مبروك يابارده
نسرين بصوت واطي : صكري فمك ومعش تباركي
