منقوول شوارع _ديسمبر
الحلقه "الثانيه "
.
.
ع ساعه 4 فجر كنت راقده انا وماما يخبط باب
طارق بصوت عالي : حلللي باب نبيك شويا
ماما : هذا شكله شارب
انا خايفه ونرعش: خايفه 😭
ماما : توا يمشي اسكتي
تما يزيد في دق
طارق : غير اطلعيلي حتكوني هانيه بس
انا لميت كرعيا ونرعش
طارق: تبش تطلعي تمام ياسمحه سيورك مستسلمه
ماما : اختفى صوت
انا : لعند امتى يجي يدق علينا عقاب الليل هكي
ماما : شكلي حنحكي ل باته
انا : خالي مايصدق إلا مراته وحيلزنا نحن بعدين
ماما حضنتني : للنا ربي يابنتي
انا : ونعم بالله
.
.
طارق : انحبه انحبه من الاخير حبيبي نحبه 😍
فريحه : طح سعدك سكران
طارق: فروحه يالحب شن اديري مسهره اووو ماتقوليش تخوني في باتي😂
فريحه : اسكت وصكر فمك احسن ماينوض باتك
طارق: خايفه يزرق عليك😂
فريحه : صكر فمك وخش
خششاته
انس: انشاءالله هذا شارب
فريحه: تعال ساعدني وانت تحكي واجد
أنس : ماهو هذي تربيتك
طارق: صكر فمك يافرخ انت 😂
انس: غير صكر فمك بنتك تقرف ازح
طارق: ع بالي حبيبي اغمرك مااتركك احبسك ماطلعك 😂 نسيتها كملها
انس: قلبها اليسا هذا
فريحه : ربي يهدي
.
.
صبح جديد شمس تشرق من شرق وتجدد كل يوم ريح جديد بس همومنا وحده
انا : ماما نوضي درت فطور
ماما : صباح الخير
انا : صباحو
ماما : رقدنا علي رعشة من هالمغضوب
انا : ربي يهديه وخلاص
ماما : تعالي ساعديني نخش حمام
انا : حاضر
خشتتها حمام وفطرنا
