الفصل الخامس
《 وهناك روح لن أندم علي حبها يوماً حتي و إن أتعبتني كثيراً 》
" في فيلا الخياط "
"ممكن تسمعيني .. انا مش محتاجه خدامه .. لما احتاج هقولك يالهام "
قال حمزه جملته بهدوء مسايسًا الأمر وهو يجلس بجوارها بعدما تركت وعد مجلسهم وغادرت .
هتفت إلهام بحدة
"مش عاوزه مناهده ياولدي .. ولو مش موافق على قراري .. يبقي تجيب مرتك وتقعدو حدانا في القصر "
تنهد ونفذ صبره من حزم والدته ..
"حاضر ياامي أسبوع اكده .. ونشووف "
الهام بعناد وإصرار :
- وف الاسبوع ده ضحي هتقعد اهنه تاخد بالها منيكم.
جز علي اسنان بنفذ صبر محاولا تمالك اعصابه :
- واحنا عيال ايااااك محتاجين حد ياخد باله منينا .. جري لمخ ايييه يالهام مالك !! من ميتة عتكسري كلمتي !
"قولت مش عاوزه منااهده .. هتغضب امك ياحمزه وتعصي اوامري من اولها .. هى لحقت تعصيك على كمان !! "
القي نظرة علي تلك التي كانت تترقبهم باهتمام منتظرة نتيجة معركتهم ، فقررت حمزه ان يمتص غضب امه قائلا:
"طيب هاتيلي اي وحده غير البت دي"
رددت بحزم واصرار :
"قوولت ضحي يعني ضحي يااحمزه . "
حمزه بنفاذ صبر
" اللى تشوفيه .. هركب لوعد أشوفها "
الهام وهي تضع رجل فوق الاخر معلنة الحرب :
"روحلها يااخوي .. بت يااضحي علقي على الغدا .. عشان هنقضو اليوم اهنه ولدى وحشنى الليل كله كان غايب عن البيت وخد قلبي معاه "
جملة والدته أوقفته فى منتصف الدرج بضجر يلقى عليها نظرة لوم وعتاب فتجاهلها وهو يكمل طريقه وصل لغرفتها فطرق الباب بهدوء ودلف مبتسمًا :
" خبطت اهو .. ادخل عاد ! "
رفعت رأسها التى كانت تختبئ بين ركبتيها مزيله اثر دموعها
""ماانت دخلت خلاص "
اقترب ببطء وقفل الباب خلفه .. وجلس بجانبها :
"انتي اضايقتي من كلام امي ، صُح "
هزت كتافها مستسلمة
"وهضايق لييييه .. عادي .. انا بشوف العجب معاكم اصلا ، اتعودت "
هتف ممازحا :
-وبعدين ماحقها بردو الست نفسها تشوف عوض ابنها .. المواضيع دي بديهية إهنه .
رفعت حاجبيها بضيق مرددة :
-دي جايه تهددني عينك عينك انها هتجوزك قال لو مابقتش حبلي .. انا مش متخيله هى مامتك دى سوري يعنى ماتعرفش ترج دماغها قبل ما تتكلم !!أيه الناس دي ياربي .
انفجر حمزة ضاحكًا وهو يقول بغمز :
" طب وانت زعلانه ولا غيرانه عشان عندى شغف اعرف بصراحه .. "
نظرت له بجانب عينيها مردفه بنبرة ساخره :
"متتجوز ولا تروح في أي مصيبة بعيد عني ، متحسسنيش اننا واخدين بعض عن قصه حب مولعه الدنيا "
أنت تقرأ
عشقتك .. وحسم الامر 💔
Romanceالعشق كالسهم المسموووم .. اذ اصاب القلب لم يغادره الا مصطحبا بالروح .. عشقك اصاب قلبي ..اصبح صُوتك حياة، رؤيتك عمر ثاني، وكلما أحببتك أًُريد أن أُحبك أكثر واكثر عشقتك وحسم الامر ..امره ✋✍ #حمزه_الخياط #وعد_الابراهيمي روايه / عشقتك وحسم الامر بق...
