الفصل السادس
****
ألقى نظرة خاطفة نحو كفها القابض علي كفه باعجاب فـ ساد الصمت لبرهه تاركين زمام الحديث لاعينهم المدججة بالحيرة ، بالعديد من الأسئلة التي لا جواب لها .. فرك حمزه جبهته بكفه الاخر ثم نظر اليها معترفًا :
"عشان بحبك بجد ياوعد ولازم تصدقينى .. بلاش البصه دى "
هزت رأسها هزه خفيفه بعدم تصديق محاولة استيعاب إعترافه :
- ايووة امتي وليه وفين وازاي !!
قام حمزه من جوارها ليفتح خزانه ملابسه واخرج منها عروسه على شكل (باربي) .
ثم عاد ليجلس مره ثانيه بجوارها مد اليها العرووسه قائلا
"فاكره دي "
رفعت وعد حاجبها وهزت رأسها بالنفي :
- لا مش فاكره مالها دي !!
خلع حمزه ملابس العروسه ليري وعد ما كتب عليها بخط طفولي
"وعد بتحب فريال اوى "
انسكبت من عينيها دمعة أخري
"ودي اي اللي جابها عندك .. دي عروستي أنا "
استجمع ما سيلقيه لبرهه ثم تنحنح بخفوت وشرع ليقص عليها ما حدث
"من 18 سنه بالظبط جيت زياره عندكم فى البيت مع ابوي ... كنت وقتها 16 سنه ولقيتك عتلعبي بطياره ورق وحاضنه العروسه دي بيدك .. حاولت ارخم عليك .. واخد الطياره منك .. لكن انتي رفضتي وقتها وقولتي لي جمله لحد دلوق عترن ف ودني (ماينفعش تاخد حاجه مش بتاعتك)
ساعتها عاندت معاكي .. وقولتلك انا ابن الخياط اخد كل اللي انا عاوزو من غير ماحد يقولي لا .. قولتيلي وقتها ( ماينفعش تبقي اناني والا وقتها هتبقي bad boy )
كلامك عصبنى فخطفت منك العروسه وجريت على عربيتنا استخبي فيها .. وانتي وقتها قعدتي تعيطي بس يومها عاصم الخياط رننى علقه مخدهاش حمار في مطلع "
وعد محاولة استجماع احداث ذلك اليوم فاردفت بصوت طفولي ممزوجا بالمرح :
- انت الولد الغلس اللي اخد عروستي !!
ابتسم وهو يؤمي برأسه ايجابا
"ايووة انا ياستي .. واهي عروستك رجعتلك .. بس انتي بقيتي ليا .. كانت بتصبرني فى بعدك على فكره .. بس ومن ساعتها وانا قولت مش هتجوز غيرك "
نظرت له بعيون ضيقه لتلقي عليها سؤالها بنبرة فضوليه
- وياتري اتجوزتني عشان انت ابن الخياط اللي كل مايعوز حاجه ياخدها .. ومحدش يقدر يقوله لا؟
مط حمزه شفته لاسفل ثم ابتسم إليها مداعبًا
"بصراحه دا كان تفكيري ف الاول كنت بقول لنفسي هتجوزها واعذبها واضربها صح وليل هى ازاي تستجري وتعلى صوتها علىّ .. بس اني استنااكي 18 سنه دا يبقي اسمو ايه .. اكيد مش عناد وحب نفس !! "
- بس انت حبيت طفله قابلتها ازاي مشاعرك دى متغيرتش لما كبرت وملامحى اتغيرت .. اصل القلب بيفضل متعلق باخر صورة رسمتها للشخص اللي حبيته .. واظن انى اختلفت كتير عن زمان .. ازاي قلبك اتقبل حاجه زي دى ومستغريش وجودى ؟
أنت تقرأ
عشقتك .. وحسم الامر 💔
Romanceالعشق كالسهم المسموووم .. اذ اصاب القلب لم يغادره الا مصطحبا بالروح .. عشقك اصاب قلبي ..اصبح صُوتك حياة، رؤيتك عمر ثاني، وكلما أحببتك أًُريد أن أُحبك أكثر واكثر عشقتك وحسم الامر ..امره ✋✍ #حمزه_الخياط #وعد_الابراهيمي روايه / عشقتك وحسم الامر بق...
