Tigsik/Rawitdawit
Tigsik ko an satong Kagurangnan
Na an pagkamoot higit pa sa kadagatan
Kaya kun namamati mong mayo kan kaibahan
Siya siyertong dai mo paglingawan.
/
Sa madiklom na agihan
Sarong babaye an sakong natan-awan
Su samong mga ayam gayo ng baratukan
Kaya nagkuripas ako sa sakuyang higdaan.
/
Tigsik ko an mga magurang
Na mas iniinot pa an saindang mga kaakian
Maski sa pangutang dai maduwang-isip na mangutang
Matustosan sana an saindang pangangaipohan.
/
Daog pa sa kinagatan ayam an saiyang namatean
Kas nahiling niya an saiyang namomotan
Na igwang babayeng kahadukan
Sa abandonadong harong na Pay Roman.
/
Tigsik ko an panahon kas ako aki pa
Na nagtatakas pag pinapaturog na mama
Makarawat maghapon, mauling bata-bata na
Kaya pirmi man nalalapnitan ni Papa.
/
Kas siya sakuyang natan-awan
Siya naghahagad nin tabang
Kaya siya tulos kong dinulukan
Ako nakulgan
Kas mahiling na siya mayo na nin bado asin buhay.
/
Saro, duwa, tulo
Siya napapagal nang maghabol saimo
Apat, lima, anom, pito
Pagal na siya, kaya dai ka na mag-asa, iyo?
/
Tigsik ko an ibang mga politiko
Na masiramon latakon sa payo
Pinapaasa sa reporma an mga tawo
Pero pag sinda nakatukaw na sa trono
Nirilingawan na si mga pangako.
/
Kinukulgan asin inaabuso ka nin mga tawo
Tinatatrato na garong sarong trapo asin kuto
Dai mo na napugulan maghibi sa atubangan niamo
Kaya ngonian manlainlain na kalamidad nananamitan ng totoo.
/
Tigsik ko kas nagpoon an Marso
Gabos na gibuhon nagsarabayan ng gayo
Pero ngonian na matarapusan na an Marso
Kami masulot na ni nin toga asin mapaso.
BINABASA MO ANG
Nonsensical Thoughts Become Things
PoetryThis is a collection of my own kind of art -- poems that may be nonsense for you. But I hope you enjoy reading it as how I enjoy writing and sharing it to you. Note: Treasure your masterpieces. Completed: March 22, 2020 (4 p.m.)
