#بدايه _خاطئه#.البارت الرابع
غدير وسام ..
طلعت رحت لخالتي ..حجيتلها الي شفته .وكتلها اني ابري ذمتي امامكم ..اذا صار شي بعدين بس لاتفكرين لان عافتني لا هاي عرضي ومن تركتني رجعت مثل اختي واخاف عليها ترخصت وطلعت . لشغلي .خلال هاي الفترة صارت عندي علاقات بنات من خلال الفيس او غير مكانات مجرد ردت انسى عبير .والي صار بس محبيت غيرها رغم بعد الي سوته طلعت من نفسي .ومستحيل اتخيلها زوجه اليه .
طلعنا اني وسجاد وخليل ..سجاد بعد مرجعنا زوجته تحسن .واخذها دكتور علمود شغلة الاطفال بس معرفت شصار ومسئلته ...بعد كم يوم ..اتصلت امه تشتكي راجع يضرب البنيه ويحجي امها ويا البنات عرفت هو يظم عليه ويمثل كدامي
فرات ...سجاد انته متجوز تبقى هيج
سجاد ..شكو
فرات ..راجع لسوالفكم ولو انته متاركهن .بس قسم ياسجاد اذا متجر عدل ننتهي اني وياك اني تعهدت لاابو البنيه .
سجاد ...اهو .هم اشتكنلك اليوم احرك البيت على روسهن راح .صحت ورا مسمع .لحكته سمعت عياط بيتهم ماكدر افوت ..بقيت محتار ادك عليه ميجاوب .امه طلعت تصيح راح يموتها الحكوني ..فتحت الباب وخلصت البنيه منه وضربته دميته تضاربنا هو يكلي لاتتدخل معليك ويطرد بيه ..
فرات ..اطلع بس اخذ البنيه لاابوها .لان رجعها بسببي
سجاد ..متاخذها .واذا طلعت هي طالك
تالين ..فدوة لعينك خويه وديني لااهلي يستر على شبابك
فرات .كومي اختي .اوديج
طلعتها لاهلها تبجي بلطريق
فرات ..اسف ..كله صوجي
تالين ..خلص .هاي اخر فرصه .بعد لو يصوغو ذهب ماارجع كافي على شنو متحمله .
فرات ..اهدي ..والي تردي يصير .وصلنا اهلها شافوها تخبلو ابوها اخذ سلاحه وطلع لزمته امها تكلي لاتعوفه وخواتها يعيطن كوة هديته وخذت السلاح منه .
ابو تالين ..لخاطرك رجعتها ناس كبار جتي مهتميت بس لان اعرف اخلاقك قبلت
فرات ..اعتذر عمي . حجيت ويا وهددته اذا ميستعدل اتركه .وهاي لهنا خلصنا .تبقى بس امه وخواته اسئل عليهم .
ابو تالين .هي اختي الي كسرت خاطري رادتها ورغم هي صغيرة ..واكو اكبر منها نطيتها وجانت البنيه خايفه ومتردده وقنعتها .بس ااااخ . اذا مطلكتها وكسرت ضهرة .اني مو رجال .
فرات ..عمي ..اهدا شميكون هو ابن اختك . خلص تشوفهم ماتصافو .حل الموضوع بدون مشاكل لان خالتي توكع بيها
ابو ...تالين ...انته شايل هم امه اكثر منه ..بس اني الك سجاد .
فرات ..بقيت يم الرجال خفت عليه وعلى سجاد يروح يتعارك ويا ..اتصلت بامي .
فرات ..يوم اني راح اتاخر
ام فرات .. شكو .ابني خير .
فرات ..امي من ارجع احجيلج .بس اتاخر لايظل بالج
ام فرات ..عود طمني .
فرات ..صار ..سديته ورجعت شويه طلعت امها تركض عليه كالت تالين متخربطه .طلعها ابوها وخذناها للمستشفى .دخلنها طورائ جانت حامل وعدها اسقاط من الضرب ابوها تخبل .وامها تبجي ..بقينا لليل بلمستشفى .وطلعناها ..وصلتهم ..
ابو تالين ..روح ابني تعبناك اليوم
فرات ..ماروح اذا متحلفلي مالك دخل بسجاد
ابو تالين ..روح .ميستحق هذا اوصخ ايدي بي بس عندي غير طرق اادبه بيها .
فرات ..احلفلي
ابو تالين ..والله وداعت بناتي ماتعرضله روح ارتاح ابني ماقصرت .
فرات ..اترخص وشتحتاج رقمي يمك
ابو تالين .الله وياك ابني
رجعت للبيت حجيت لامي وابويه
ابو .فرات ..ابني ليش تتدخل بينهم
فرات ..بابه اني دخلت من البدايه .والبنيه ابوها رجعها لخاطري .
ابو فرات ...ولو ..ابني .هما عائله ينجازون بينهم مجان لازم تدخل
فرات ..اني اعتبرت نفسي مسؤل .وسجاد اني اوكفله بعد
ام ..فرات ..تخسر سجاد علمودهم
فرات ..اي اني حذرته اذا ميمشي عدل يخسرني .اترخص اني تعبان اريد انام ثاني يوم بشغلي شفت سجاد مسلمت عليه .وهو هم .
خليل ..شبيكم ..متكلولي
فرات ....مبينا شي .
سجاد ..هو يخلي نفسه بشغلات متخصه
فرات ...هسا صارت متخصني من توسطت ورجعناها مكلت متخصك .وكتلك بوقتها لهنا وتخلص .واحجي صدك سجاد .انته .انتهيت بعد لاتحاول وياي
سجاد اني هم انته انتهيت بلنسبه اليه الصديق يفضل الغريب عليه ماريدة فرات طلعت الدنيا من عيوني سجادمو بس صديقي لا اخويه بس طريقه ميعجبني .
ابوها خلا يطلكها .واخذ حقوقها منه .وجان بينا اتصال .
ابو عبد الله غير المجموعه مالتي وعفت سجاد ..صارت علاقتي بس بخليل .. وخلدون ابن خالتي هم يجي يمي كل يومين .بس مكان سجاد محد كدر يملي . مكانته .
مرت فترة ..على الاحداث الصارت ..وحياتي استقرت..اتصل ابو تالين ..بيه
شلونك بابا فرات
فرات ..بخير عمي انته شلونك العائله
ابو تالين ..كلنا بخير .رايدك بشغله . اريد ارتب البيت .وماريد ادخل غريب للبيت
فرات ...اامر عمي
ابو تالين ..مرلي نشوف شيحتاج
فرات ..صار من احل من شغلي اجيك
ابو تالين .. انتظرك ابني ..الله وياك
خلصت شغل ..وكبل لبيتهم ..دكيت الباب طلعت تالين صفت على الجمال .سبحان الله الي خلقها ..اول مرة ادقق بملامحها ..الوجه ابيض صافي .والعيون صفرة
فرات ..شلونج .تالين
تالين ..الحمد لله تفضل .بابا منتظرك
أنت تقرأ
بدايه خاطئه
ChickLitقصه منقوله للكاتبه غدير وسام الاختيارت الخاطئه قد تكون درس لنا لنعدل مسارات حياتنا ونصحح الاخطاء التي وقعنا به في البدايه وهذا وهذا ما سيحكيه ابطال قصتي بدايه خاطئه
